1.細個倒瀉野會比人鬧，而家見到個女咁會安慰返佢(佢會因為嘥咗d嘢而內疚)，抹乾淨就完左件事。
2.細個食飯前完全唔可以食零食，而家開飯前同個女一齊食，想食就食唔洗睇時間。
3.細個玩具唔多，而家成日帶個女去買公仔，主動叫佢隨便揀，媽咪會買。
4.細個服從性好高，做唔想做嘅嘢，去唔想去嘅地方，而家會先問小朋友意見，唔想佢為左迎合父母而委屈自己。
5.細個冇得夜晚睇電視，而家搵埋d好睇嘅同小朋友一齊睇到成11點。
6.細個冇用公筷，不停食人口水尾，而家教小朋友唔好亂咁食，有人食過就唔好要。
出post唔係想講細個d慘嘢，而係想分享返，我做小朋友時係完全冇話事權，真係好聽話，大人仲會話乖同懂事。如果大人肯多d從小朋友角度去睇事物，凡事有商有量，小朋友係會好開心。
咁你覺得自己童年整體黎講開心嗎？
同意有商有量既關係最好……
原來我甚至唔敢答你嘅問題。整體黎講⋯我從來冇為自己去爭取過任何嘢，覺得自己太過懂事、太為人著想、太過為其他人而活，到大個咗，有自己小朋友，就好想佢哋做返自己，開心就好。
我都有類似諗法
有小朋友之後，睇住佢大，有好多反思
細個自己唔好既經歷，我統統都唔想有任何延續
咁由而家開始你要好好為自己而活
我都學習緊
2、3、5 喺小朋友角度緊係開心，但係咪真係好？
我好記得一樣係從來無幫我打扮，永遠剪男仔頭，著阿哥啲衫，搞到我細個好自卑，好樣衰。
而家我成日幫個女扮靚靚。
呢個我都係。阿媽成日買埋啲cheap衫比我，所以我會幫阿仔買靚靚衫。
反而我細個無因為打瀉嘢比阿媽鬧（除非故意玩嘢），好記得我第一次打雞蛋，搞到成枱都係，我阿媽幫我抺乾淨，然後默默地比第二隻雞蛋我。
由細聽到大，父母會提住我細個果時乜乜乜細膽，冇鬼用之類……
當我發現我小朋友細膽時，我好警覺，會了解佢點解驚，有教佢疏導情緒既方法……
佢驚既野，我覺得佢慢慢大大下就唔會驚……
有一次小朋友响學校某個活動驚某樣野，唔願意參與，記得幼稚園校長都有先後兩次提醒我同先生返到屋企唔好話小朋友……結果我返到去真係留意到自己會有少少怪責口吻，先明白校長點解會咁緊張提我地……
總結，我認為細膽唔等於無用
明顯上述幾項是補償自己的童年缺失。明知沒益，但享受那種無拘無束、不拘小節、及時行樂的感覺，就是以往壓抑過度的反彈。現在我的小朋友很乖巧、很善良、也很體貼、沒有學壞，在玩樂之餘我們很重視管教。
打瀉東西很平常，做了媽咪後也試過整個飯煲連飯都掉在地上，也試過開完奶後倒至一地都是⋯然後就默默地清潔。生活太harsh會很辛苦，現在可以自己話事，對人溫柔一點、有耐性一點，身邊的人也會覺得舒服。
1.我細個係用尿布，因為話尿片貴一張都幾蚊，到我小朋友就買尿片啦。
最記得話換尿片既時候，叫我仔痾係地下，
慳番幾蚊，我用地拖拖佢又話咁地拖咪有臭味囉用地布抹，抹完叫我即刻用手洗左佢。
咁做做多幾多野。
問題係我理解唔到點解要咁做？
2.我哋細個都係母嬰同床，我堅持要用bb床。
細個父母唔會講有幾愛我哋，但我同老公依家成日同個女講好愛佢，會攬住佢嚟錫，而佢都會成日走嚟攬住我哋話好愛爸爸媽媽。
如果自己afford到，可以不理吧，就直接對發命令的人說，他/她的建議令自己很累、很困擾、很不舒服。
佢哋講一次，就回應一次：成日比你話冇鬼用，好煩、好厭，好唔開心，可唔可以唔好咁樣傷害我。
負面情緒積得太多會有病，盡快放返出來，愛自己。
年代唔同，華人社會不嬲由上至下
而家有反抗意識，覺得好厭，讀中化時講權威性人格，知道華人社會對弱者嘅壓逼，開始鄙視Lee種文化。
上到高小我唔需求佢哋太服從成年人，只要有道理就可以，我個仔試過小學寫投訴信俾學校，反對無理唔俾學生在小息在操場跑，結果係成功嘅。 我由佢寫，不過要啱 grammer 和有道理，唔可以寫粗口。
俾著係佢呀爺我老豆，已經打到 PK.
自己仔女唔讚得、要鬧要踩、好痴線
我明你講咩、要順從聽教聽話搞到無左自己咁
其實個面具到今時今日都仲戴緊，只有老公先知道真正嘅我係點。我同佢分享曬自己嘅弱點、想法，講到明會縱個女、一定比好多時間陪佢、同佢玩、氹佢笑。