我係果啲典型中規中矩，唔起眼既學生，少有老師留意…
想知道通常畢業後私下仲會聯絡既師生關係會係點既…
有吖。
中學同大學老師都有聯絡。
本身在學時期已經好friend，會一大班同學上老師屋企拜年，平日行下山燒下嘢食。
同學當中，成績好同差都有，但大家都outgoing 同 talkative 。
畢業之後兩個月陪同學返去已經無老師記得我，好傷心，之後一次都無再返
1個讚
嗯，我講自己中規中矩，不單指成續，性格都係，我比較內向，人人都以為我好文靜果種…返學剩係識讀死書，一啲都唔健談…
另外，我諗可能因為我中小學畢業後都從未返學校搵老師，所以先冇之後既聯絡…
從來無返過去, 對學校無歸屬感
廿幾年後小朋友去返同一間小學
就搵返個女老師，佢仲記得我
仲叫我約佢食飯添
不過一路疫症所以未實行
中學有個男老師都算特別留意我㗎，雖然嗰科唔係叻。佢仲會放學搵我傾計添
但畢業一兩年已經唔多記得我咁
心淡!
以前係中上學生，有幾科特別突出，對上返中學都成七、八年前，仲響度嘅老師都仲記得我。不過好搞笑係記得我嘅老師對我都有極相似印象
咁似乎係老師之間傾開計時會提起你呢位學生
我已經唔記得小學既老師，佢地姓咩我都冇乜印象
廿年咁耐，大家個樣唔同哂，你呢位女老師應該係對你個名有印象？
有同學都搞吓這類畢業生活動，
最近中文老師賣咗蛋，
唉！
唔係優良學生，無聯絡
我母校唔興舊生聯絡，所以都冇呢啲，好多老師只知姓唔知名更加冇電。見到其他學校可以咁 close 有啲羨慕。
因為我當時好曳但成績好，佢有train 我代表學校參加比賽，所以一講返佢就知係邊個喇，仲形容返我細個係點嘅。
唔好意思，我笑左
1個讚
我讀書時寫過一篇小說當作文功課，果篇文響老師之間傳閱過，咁岩果段時間我又攞咗幾個校內同校外既寫作奬，可能因為咁老師對我有既定印象 
大學教授每年搞一次party，請歷年熟嘅學生嚟。
因為我喺大學有太多歷史，過咗好多年，清潔阿姐，飯堂阿 姐都認得我
1個讚
可能我個間係屋村學校，我哋反而同老師好熟。幾年前中史阿sir 太太患癌，佢辭工照顧太太，我哋成班同學都好擔心，又去探佢陪佢。佢最後喊住打俾我話太太走咗，我哋最後都有出席喪禮。
我本身同文學老師好熟，年年都有探佢，但19年佢好唔鐘意社會上啲小朋友行為，（佢又未去到好藍），可能佢睇我FB又知我係黃，加上疫情佢又唔想我去探佢，我哋都少聯絡左。我哋幾個舊生都好可惜，覺得佢以前好有學識，估唔到而家變成咁。
另一個係教我英文老師，佢教左一排就轉行，但我畢業後每年都會係香港某一區撞到佢好搞笑。而家我哋變咗做朋友，我連mpf 都幫襯佢。
可能我而家住都係中學個區，我有時都會撞到唔同老師，傾下計，都幾開心。
每間學校都有一兩個老師記得我，有聯絡
令我諗起年年都會收到校友會既信，內容關於委員會選舉/聚餐之類
唔知多唔多老師會去聚餐…
老師响你畢業果時有留聯絡方法？
我地果時寫紀念冊，係唔會有老師任何contact
我近年知有個中學同學仲有同某位老師聯絡，好似都幾close下添，但冇問佢點解會有老師既電話