我都有，但見啲相都係只有畢業生冇任何老師。我母校話就話傳統名校又多知名人士同唔同行業，但出黎做嘢先發現原來其他學校舊生可以約到以前老師食飯甚至上屋企知道埋老師婚姻同仔女。我覺得好神奇因為母校都保護老師保護得好好，除非係風紀或者學會主席，否則唔會畀私人電話號碼，除非起底否則唔會有學生知道非中文科老師全名，只會知道英文名 e.g. Peter Chan, Amy Wong。好少老師會講自己有冇仔女除非聖誕聯歡或者開放日帶仔女返黎。
真係好開心
我讀教會學校，校風有少少嚴
不過我覺得唔關係咪屋村學校事，都係睇個別老師係咪願意同畢業生聯絡
1個讚
我身邊可以約到老師出黎食飯嘅都係地區名校而唔係傳統名校，仲會經常邀請舊生返去搞活動同師弟妹講選科升學，甚至請佢地課後 tutor 輔導功課，啲老師都會好記得啲學生依家做緊邊間公司咩職位。
我母校啲老師應該極其量知道讀邊間大學同學系但唔會知道去左邊間公司做，除非係自願返去做分享同 job shadowing 同埋經常返去母校探老師，不過都好少。所以都好羨慕其他學校啲師生關係可以咁 close。
係我自己返去探老師，慢慢有contact咁
近呢1x年多左WhatsApp呢個聯絡方法，唔知會唔會有唔同呢？
始終如果只係得電話一個方法，每個學生都打電話俾老師，又真係未必有咁多時間…
我而家有搵下大學老師，都係主要用WhatsApp
另外，如果仍然想搵返啲老師，我諗可能都係直接返母校會容易啲…或者去果啲校慶周年開放日之類…
2個讚
我讀中學已經有 WhatsApp 但都唔會有老師 WhatsApp，我得一個仲要係畢業之後因為大學 project 需要佢幫手先攞到佢 WhatsApp。其他老師只可以 email。可惜呢個老師提早離場冇再做，應該係移民。我問年紀差唔多嘅同事先發現原來佢地老師會開 WhatsApp group 甚至未畢業嗰陣暑假都有約出黎，有傾有笑關係好好。
返母校都艱難，呢幾年都要先預約老師，要看更打內線畀老師確認先可以入學校。
大學講師一畢業就完全斷絕聯絡，事關隔左半個地球，而且嗰陣都係 email 聯絡，師生之間唔興用 WhatsApp。
有聯絡，主要係校隊關係
老師帶校隊外出總會多校外相聚機會
大家都唔係學校自不免傾多啲計，講下學術以外既閒事，更深左了解。
我自己就一向麻麻地以前學校生活，但每個階段都總有熱心同學同d老師教授緊密聯絡。
作為傍觀者，中小學都主要係氹下老人家咁，延續小時候嘅擦鞋。去到大學層面，其實已係俾教授擺上檯，年年叫你返去做sharing，同學好有光榮感(又唔係做咩要職)，但教授似係搵唔到人返去充撐場面。
中學校慶成日搞活動，返過一次。有D老師有記得我(成績平通嘅科冇人記得)，最搞笑係訓導主任，一開口就叫到我名
。
成日傾計都咁快就唔記得，又真係幾心淡…
想八下大家有冇聽聞咩師生戀情/曖昧關係…
我以前讀女校，有女同學做到好出面架，不過我就唔知d呀sir知幾多…（哈，d呀sir其實都有返一定年紀）
以前仲有用面書嘅時候搵返小學同學同老師，之後開咗個WhatsApp gp ，未有疫情前都有一大班約出嚟食飯、野餐，我結婚都有請小學老師
而家疫情多數WhatsApp update大家近況
我d小學老師已經當咗我哋係朋友，會呻下佢工作上嘅嘢，又會講吓屋企嘢
1個讚
咁你認為係點解?
好好啊，我有d羨慕
我對母校完全無感情，同班有班八婆（係班上嘅leader咁嘅角色）在我完全同佢無乜交集嘅情況之下背後話我，所以好憎佢
（後來覺得，可能係班上有個幾受歡迎嘅男同事曾表示我生得似佢表妹，可能個八婆唔鐘意。但問題係我同個男同學又唔熟，都無乜2句）
條八婆居然好意思要我寫紀念冊（嗰時好興用日記寫然後用膠紙封邊），然後我係咁數佢 中5考完會考當然無同同學和老師聯絡。（得1、2個有私底下聯絡）
後來預科我去咗第二間學校讀，識到一班真正一世嘅朋友。
因為太乖太靜？哈哈
存在感低無乜得解
我行過lift都會關門
D感應燈又會熄
我。。剛相反。。我30幾歲時第1次返去學校聚會。。我中學時都唔係乖。。老師認得得。。但我認唔到d老師。。認到都講唔出佢姓咩
我都冇
GRAD咗10幾年了
我都幾肯定當年教過我嘅老師
全部對我冇咩印象
我對學校都無歸屬感
講得難聽啲，我連大多同學咩名，都已經好朦朧
該主題在最後一個回覆創建後90天后自動關閉。不再允許新的回覆。