以前仲會覺得有啲朋友未去到交心、只要某啲位傾得埋、都仲可以做酒肉朋友。
年紀大大下又會變左、呢啲傾得埋嘅位冇咗、原來大家思想相距太遠、係酒肉朋友都唔駛做、出嚟食餐飯都hea答、不如唔好食。
20個讚
我一直都係咁，所以唔多朋友🫢，但舒服
6個讚
我唔鍾意出去食飯social嗰啲，但因為工作上會接觸好多不同年齡嘅陌生人、同事，我好樂意同佢哋傾閒偈，不過我唔會分享自己嘅，只會引導佢哋講，反正大部分人都只愛分享，冇乜人會細心聆聽，佢哋遇到我呢種人就會一輪嘴講好多嘢⋯⋯
11個讚
岩呀，因為人大左，好多更重要嘅事要做，如果唔岩傾，我真心覺得出去食飯都嘥時間
3個讚
我自己係working mum
日頭忙返工 夜晚忙子女 基本上都occupy曬我大部分時間
我有位單身朋友 好似唔記得我有多重身份咁
成日forward啲無謂野黎 八卦新聞、無聊相etc
然後 我有時想搵佢傾計 或者佢無我而家嘅經驗啦
往往得到嘅回應都好冷淡 一個emoji咁
以前 一個月都會聚一次 上佢屋企飲飲食食咁
但大家嘅生活實在太唔同 基本上愈來愈少共同話題
真係連酒肉朋友都唔想做
總會有呢d ,唔特別傾好多，但有機會有共同話題嘅
好同意
有d 大學同學讀書時好熟
初時畢業仲有d 聯絡
約你半年至一年出黎一次食下飯咁
但次次出黎都係問咦阿peter 你宜家邊間公司做咩位呀
幾錢人工呀
聽聞阿john 去左big 4 呀
阿mary 一畢業就去左日本大公司做三皮野人工呀
跟住就開始愈約愈疏
最後就係到佢請飲先識得whatsapp 問你去唔去
帖都唔親自派叫你自己去飲果日 reception 度拎
呢d 真係佢結完婚以後都唔會見
1個讚
sad but true
社運後更會嚴選朋友，工作上互相利用冇法子，但朋友交心真係要選同路人。
11個讚
Same
同真朋友乜狗屎垃圾都講得一餐，但唔代表我可以同任何人講狗屎垃圾。
以前有一班吃喝玩樂+旅行腳的朋友，但全部係藍，有啲仲去撐警活動，點同佢哋繼續做friend 呀？！
如有興趣，可以睇睇呢個post
都係講關於友情
時間已經唔夠用，唔係真心朋友我都唔會應酬
人愈大愈享受自己一個人，所以我冇咩朋友
2個讚
同意，連佢哋whatapp msg已經唔想睇，但又唔想退gp
每個階段年齡都會不知不覺認識新朋友，以前個啲會唔知點解慢慢成為人生中既過客。
所以當再傾唔到心事又好channel 唔同咗…即係 會有可能認識新朋友（當然唔需要特登去經營，順其自然）
我都有幾個好親近朋友因為不同原因疏離，我都習慣了，以前介意，而家唔會
黃藍條線一定要守，我絕對唔會有藍朋友
年紀, 政見, 房液措施, 照顧家庭都令我真係同好多朋友疏離, 我諗以今日嚟講, 喺身邊比較close嘅 (仲會出嚟食飯聚吓, 傾成晚都唔會想返屋企住嗰隻), 得返四個左右…老土d講, 真心朋友唔駛多, 重質不重量呀
2個讚
認同，我同你一樣諗法，你都好有4個朋友，我4個都無，學你話齋重質不重量
1個讚
我一直都比較享受獨處
响團體中好難自處
愈逼迫自己融入群體，愈有反效果。。。
見到你呢一句，我先明白原來我絕對可以繼續傾向揀獨處。。。
獨處或群體都冇所謂
自己覺得舒服自在就可以