同話自己素顏無化妝既KOL一樣
其實我覺得講“我冇朋友”既人，都只係講緊“美麗的謊言”
人係有感情既動物，人同人之間既連繫因而變得重要…
希望聽下大家分享個人想法，謝謝
唔多掛
識得嘅人 vs 朋友
咁要睇咩叫朋友啦，好似騙案咁，影張相就話同邊個明星係朋友
4個讚
一般網友可以稱為朋友嗎？
咁就要睇你自己覺得點先算朋友啦
7個讚
人越大就越宅，我真係無咩朋友，亦已經好耐無聯絡，有聯絡亦唔多交流
數數埋埋，5隻手指數都有多
5個讚
same same
我一向唔太識維持同朋友既關係，比較宅，唔太鐘意放假放工見朋友，但我心底裡其實都重視佢地，但一個月/或者幾個月/一年見一次咁上下就夠皮。有時會羨慕人地多朋友多聚會，但諗到人地多朋友因為肯花好多時間去維持我又卻步左。
6個讚
講出左重點
人大左，有家庭冇咁多時間付出…
2個讚
我未結婚，但搬左出黎同男朋友住。一諗到結婚可能無乜朋友可以請到就唔想搞 
不過本身都係鐘意低調
我會先睇講呢句野既係咩人先
有d 人真係唔知點解天生就係有異性無人性
只要有拖拍
就算朋友約佢去街都話唔得閒左推右推
到左自己俾人飛先識搵番所謂既朋友哭訴
咁我真係信呢d 人係無朋友既
我係處於被動既
唔會好主動關心朋友
亦唔鍾意睇人facebook
但朋友撩我吹水我又會吹
叫我出街我都會出咁
2個讚
我唔羨慕因為我好怕一大班人聚首… 我真係要好有MOOD 先會出席.
同埋, 我分得好清, 朋友係朋友… 同事只會係同事, 同事係唔會交心, 所以可能每個人定義唔一樣… 有幾outgoing 同active 又唔一樣, 所以睇法都唔一樣.
1個讚
我係一時時…
可以好宅
但又怕悶怕重覆
好耐冇聯絡既人，我都會時不時記起…
只係…我比較鍾意被人記起，多於我主動搵對方
漸漸愈黎愈少朋友…
我同你有D 似, 唔玩FB, 有POST IG 有睇IG, 但我亦唔會同人互動, 人地留言我唔會應…
我真係連接朋友電話/wts 吹水都極少… 出街gathering又要睇心情… 所以我係咪無得求, HAHAHAHA
我既生命真係主要係同事 (同事並不是朋友) 同屋企人
咁我都會講我會見到同事同家人多於朋友
工作上有咩麻煩野呀唔開心我都會搵d 平時有吹開水既同事呻下
但如果有咩好唔開心
我就只會搵自己朋友呻
1個讚
我選擇唔將界線定得太死，隨心
你呢啲都好正常，無咩破壞力。
C6嗰邊有個親戚，佢係同人傾多幾句，就話係朋友，
返到屋企，就講到對方幾好，有咩生意都叫比佢嗰啲朋友，
結婚廿幾年，睇住個八婆常常幫外人「滾」屋企錢，
佢跟本無咩朋友，但又要扮晒識好多人，
我睇在眼內咁多年，無踢爆佢。
人到咁上下，就會好明顯分到「朋友」同「認識嘅人」，當中意義完全唔同
4個讚
真心我都覺自己冇朋友。
番工果啲傾得埋嘅又冇幾個。
人愈大真係愈難有真心朋友
我都係咁，
所以依家約佢哋都唔會出嚟，
只限講電話。
我都差不多，但我自己覺得朋友我唔多，但真心傾到計keep到嘅係有
有少少off topic，我係好怕群體活動，因為好多時係你等我等你等佢，啲無意義啲等待浪費晒時間，等嗌野食，等埋先一齊call車走，等埋xxx
最有印象係買grad dinner衫，幾個女仔左睇右睇，明明30分鐘搞得掂最後磨左2個鐘！
我買衫係幾目標為本，行街我鍾意，但我會好快決定到要乜
亦唔怕一啲野要一條友做，eg 食飯，睇戲
同事就盡量少講自己野，因工作或多或少有利害關係，唔知幾時是非當人情，又見太多表面好老友背後放毒針
除非離左職仲有聯絡，無左利害關係，就可以變朋友了
2個讚