我覺得話自己冇朋友嘅人真係冇朋友，因為佢哋唔識同人做朋友or交心。
就算人哋當佢係朋友，佢都唔當人哋係朋友，亦唔珍惜而家嘅朋友，所以話自己『冇』朋友，否定晒身邊同佢親近嘅人。
朋友有好多種……
你當人係老死、又唔知對方點諗
真係要睇自己點定義“朋友”，有人Hi-Bye fd都話係朋友，可能要話比人知佢好多“朋友”
我一向都無乜朋友，年紀越大就更加越無，連有聯絡開既都無主動搵人，變左得返1，2個fd。自己既經歷，令我知道朋友未必可靠，只有父母先會對自己真心同關心自己。
之前有一齊玩開既朋友都唔太敢搵我，有咩活動寧願打比我老公，唔會打比我。有時都會諗我性格係咪越黎越古怪難相處，所以朋友唔敢打比我而係打比我老公
有呀，但唔會搵大家嘅…止於網上留吓言咁…
你都講得啱，就好似我自己性格內向又唔鐘意講野，唔識搵話題同炒熱個氣氛，所以唔識同人做朋友，或者係人地覺得我好悶又被動，唔鐘意同我做fd
1個讚
我似似地係你所講咁樣…
就算交心過就算主動過，但好多時都難以維持長久關係…
我講冇朋友，好多時係等自己好過啲…話俾自己知我唔需要朋友
事實上，我同朋友既關係只係未達到自己理想中咁，傾得埋既朋友唔係完全冇…
真係冇朋友既人，大概唔會出現响討論區？我估計佢地應該慣左獨處
1個讚
返工時同事都會話邊個邊個同事係我朋友，我都係話自己冇朋友 
原因係我唔想同任何同事有咩瓜葛 
而我平時都唔係好識交朋結友，好多時都係好熟一排，之後就好少聯絡。。。
我父母真係冇朋友（病年老走嘅走、或者各方面原因疏遠）
至少30 年冇見過佢哋見朋友
查實我自己真係會講「我冇咩朋友」㗎。
如上面嘅朋友所言，呢個可能同自己對「朋友」嘅定義有關。
我唔會將「同事」當朋友，我在同一間寶號做咗幾廿年，可以融入到我生活嘅唔多過十個。只有將同事與真朋友分開，我先可以令自己從工作中抽離，有返生活。
可能我好獨家村啦，我覺得「朋友」貴精不貴多。我同我老公都一致認為，人生苦短，到咗呢個年紀就唔使浪費時間在應酬上，啲少見又唔啱嘴型嘅人就直接拒絕花時間去交往，再加埋19年後自動篩走一堆啦，所以呢十幾年就真係得返算得出嘅朋友。
樓主好後生？
去到某啲年記開始，身邊朋友都會覺得自己無乜朋友（應同其他人講法，要睇點定義朋友），講緊係真係可以交心嘅朋友，唔係同事、網上識嚟吹水嘅朋友。
人越大越多保護自己，唔係咁容易同人講心裡事，講得嘅都可能係長時間相處過嘅舊同學，但舊同學又要再分，大家生活範疇唔同（結咗婚有小朋友vs單身），又會少講咗。
2個讚
我唔算後生啦
我認同大家，明白人愈大愈係少朋友，大家都好接受呢個常態
我只係仍然嘗試搵緊一條界線…
得2/3個，未至於冇但一定唔係多
我諗真係會約出黎幾個人一齊食飯既朋友我一隻手數得晒。果D每年每月例牌成大班一齊慶祝生日果D，我唔覺得真係朋友囉。
反而你地有冇期望去到外地生活之後會識番多D朋友？
1個讚
人越年紀大就越少朋友，尤其出左黎左野同埋可能好多移左民，識嘅都係以前中學大學同學，工作上可以做到朋友嘅同事唔多，最多只係 “可以合作同講下非公事”。
我阿爸依家退休，keep 到多年朋友嘅真係得 2 個不過都移民多年好少返香港，中學同學都冇聯絡，同事都各散東西，生活都係家庭真係冇乜朋友。我阿媽都冇點識新朋友，做左師奶之後算得上朋友嘅只有我中學小學同學個阿媽同埋佢自己中學同學 1-2 個。
我自己好彩大學同學畢業一齊入公司做唔同部門所以冇競爭關係，真係可以 friend 到，但未 friend 到一齊出街玩，行街都係以前中學同學。其他同事我當係半個長輩相處 
佢地唔會當我 friend 我亦唔會當佢 friend。佢地好多可以 friend 到出黎玩，行山，親自整蛋糕互相慶祝生日，尤其係女同事，有啲結左婚有埋小朋友都可以繼續，好難得。
咁細有細搞都ok
試過參加一個晚宴，男方滿場飛咁逐枱賓客都埋去傾下偈
佢係一個好重視朋友既人，近年我地都冇再聯絡，但即使係咁，多年以後我仍然記得曾經婚宴上既呢個小片段…
我自己既婚禮，請就請左好多人，但當晚忙到連邊個有黎邊個冇黎都冇留意
同你一樣，我傾向低調，不擅交際…不過，如果可以回到過去，我覺得自己依然會請返同一班人…
btw婚禮過後我冇sd相俾人，只係有晒相俾部份親戚，我衰到要朋友追問我先sd俾人…
另一方面，每次執屋，我都唔明點解我要keep人地既結婚相
2個讚
網友不是朋友
自己本身都唔多朋友，黎黎去去都係得幾個由細識到大既朋友知心友
唔好話人愈大愈難識朋友，每個人成長際遇都唔同，連以前既知心友都開始有距離，明明好交心都變得淡淡然 
1個讚
唔會見面，唔認識既人，討論區既人仲反而俾到意見我…
當然，我都知道大家既關係只會停留响網上討論區，彼此都唔應該愈過呢條界線…
1個讚
人愈大愈覺得自己有社交障礙
1個讚
哈~
如果張相我有份影都算啦
但有時d 人鍾意請帖度夾一張新人婚紗相
我都唔知keep 黎做乜喇 