網上有文章講過，小朋友性格似爸爸。唔知大家個小朋友又係唔係咁呢？
呢樣嘢我自己都好努力學習緊。我有2個小朋友，佢地又有好多表同堂兄弟姊妹，屬於係大家庭。身邊長老同親戚難免會比較，例如講邊個讀書叻呀，邊個講嘢叻，邊個高d肥d都會攞黎比。
細路自己都有比較心，我通常都係話2個都叻大家叻唔同嘢，放大佢地優點。同埋我盡量俾佢地學唔同既興趣班，一個學琴另一個就學小提琴，等佢地都proud of 自己叻既範疇。
至於偏心，真係好難講。我以前細個都成日覺得我媽偏心架，雖然佢聲稱自己冇。而家我都覺得自己冇偏，但唔知我d 細路係點諗。
只能講物質上我會做到一樣，買禮物一定係買2份。言語上盡量做到次次都解釋俾佢地聽點解我咁做。不過佢地心入面點諗我就唔知嚕。
暫時我覺得我地親子關係都算親密既，佢2個都會話最錫媽咪，聽到都開心既。
呢D權威mode真係好討厭，我99對住我個仔都係咁，99打電話黎話要搵我個仔傾計，我小朋友得5歲，有時掛住玩會同嫲嫲講我唔得閒呀，我99下次見面就會話我個仔唔啱，一定要同佢傾計先，話佢自己係佢嫲嫲，係親人所以一定要點點咁….其實我有教我仔點都要同嫲嫲講一陣，無奈我99都唔識同我仔講嘢，次次都問D我仔有冇做功課之類，邊有小朋友鍾意傾呢啲…
1個讚
暫時唔係，我之前睇過人類圖(human design)講每個人都有自己嘅說明書(性格)，我覺得都幾中我小朋友性格，我會跟小朋友性格再調教教育佢嘅方法，希望佢將來可以開心快樂成長。
真係好難一概而論
你有冇得share篇網上文章睇睇？
與其話唔夠膽分享不如話唔想分享、反正都係批評、就算100分都只會叫你唔好驕傲、講真佢哋又唔係叻到可以俾到建設性嘅意見、情願信埋d三姑六婆都唔信自己仔女、放不下高高在上既身段、真係難相處既愈老愈難相處⋯⋯
2個讚
希望唔係啦，我見上面有個人分享佢既上一輩年紀大左反而寬容左喎
太多既愛都係一種壓力、尤其係你俾既唔係對方想要既、老土講真係要因材施教
對孫就係既
我媽都係咁，細個尤我自生自滅，唔餓死就算。我對佢嘅印象只係對我打、鬧、日夜打麻雀唔理我。
到我生咗，好錫兩個孫，我好感激佢嘅，但只能認同佢係好婆婆，絕對唔係好媽媽。
我成日諗，他朝一日佢走咗，我都應該唔會太傷心。
但我父母絕絕係我嘅反面教材，我會鬧我小朋友，但一定要鬧得有道理。
1個讚
可以留意一下，父母既緊張有冇轉嫁左落小朋友身上？
小朋友最直接，喊得自有原因，唔係一句叫佢洗乜喊呀就解決左件事
我最近都有類似經歷&反思……
大人真係會不經意咁將大人既標準套响小朋友身上……
試試多啲同其他父母交流下，我覺得會對你有幫助
不過記得唔係要比較，而係取長補短
我唔係俾父母笑下咁簡單……細個(初小以前)既野其實我記憶唔多，但父母到我大個都仲成日提起，拎返出黎講，我先有咁深刻印象……先有機會將自己既童年經歷同性格特質串連起黎……
話說我覺得而家既我都算大膽架，咁細個所謂既細膽又應該點樣解釋？
你既情況同我經歷相類似
長輩意圖用一句話去制止小朋友喊，我父母就意圖講下我咁細膽唔得，佢地係以為咁樣講完，個小朋友就會大膽啲嗎？
我而家既做法係傾向了解小朋友點解會喊，叫佢喊啦喊啦喊哂出黎先，等佢發泄完，先再慢慢了解佢內心想法
呢點我同你都一樣，應該真係細個俾人話得多所以先會有咁強既保護機制……
1個讚
物極必反
1個讚
覆返你4個字: 中庸之道
希望各位父母都可以以此為目標
1個讚
前排幫阿仔執房,都”指點”佢地嘅擺位
回想起細個都唔鍾意俾人「指指點點」做嘢 ,覺得自己有「分數」
我完全唔知冇咩好笑，冇共鳴，唔好意思
我哋細個係孤兒式放養，係街見到媽媽拖住小朋友會好羨慕，見到親戚一家一齊食飯會好羨慕，總之見到任何父母同仔女既互動都好羨慕。
所以我應該會好開心有人指點我執屋
希望我下世有一個完整有愛既家啦。
我細個我媽顧住打牌,都係放養我架,想有人理都難
有錢都寧願打牌,唔會用係我身上
所以我而家做好多阿媽以前唔會做嘅嘢
所以我真心覺得自己嘅小朋友,比我以前幸福好多
盡量滿足佢哋物質上嘅需要(奢侈品除外)
同埋我終於知道點解我個仔有啲抗拒我同佢執房,因為佢哋將一啲唔想食嘅嘢收埋喺房入邊,跟住發晒霉
無人要鬥慘，或唔尊重你
只係睇完覺得你好幸福啫….