又唔洗覺得唔好意思，搵個機會擺低呢啲過去，都會幫到一個人向前行
我哋都係俾老豆毒打，打到叫哂救命鄰居報警都唔知幾多次，瞓公園瞓後樓梯是常事。
會有心理陰影，但又唔覺得影響到性格。
大把家庭正正常常咪又係出西人怪人，乜都入哂童年事只係逃避現實，對件事一啲幫助都冇，只係有個理由俾你去怪去怨。
我自己咁覺得啫
4個讚
無事呀, 因為我喜歡而家既自己, 所以完全接受以前所有野.
充其量係反面教材, 對我無任何影響, 謝.
認同。
因為佛洛依德先興起童年影響性格形成學說，不過隨著電腦計算速度提升，解讀 dna下發現性格係基因決定，即係先天已決定。
3個讚
Me too
我經歷左好多野，直至我有能力拆解童年經歷同個人成長既關聯，我終於發覺我應該愛錫自己多啲，有前行既動力
我會認為呢個係過程既一部份，我算係跨越左
1個讚
呢個就真係唔知，正正常常可能只係表面？講真，有邊個父母會直認自己唔正常？佢地自己就算知，都未必夠膽公開……
無錯，性格係有天生既部份，但有更大部份係同成長經歷有關
X2 由細聽到大，聽到我作嘔，做家姐好似一出世就欠咗d細佬妹咁
2個讚
我覺得“自以為明白”呢句係重點，做父母既如果可以放低身段，聆聽仔女內心既聲音，相信會有助溝通
1個讚
我都有類似經歷，言者無心，聽者有意……父母可能有時諗住講下？俾我知自己醜，知醜就會改？
父母理應係孩童時期最親密/最信任既大人，佢地咁樣話自己仔女，真係冇言……
我聯想到最近聽過點解一定要迫小朋友分享自己既玩具？
作為父母係要教佢地學識分享，但唔應該迫
諗緊如果講，其實父母都只係想同自己仔女分享下自己細個係點……
如果講，個表達要完整，唔好只係得負面野，最好講埋自己從中學習到既野
4個讚
我覺得係細個窮過試過無飯食，要去鄰居屋企乞飯食。
無錢讀書，比人睇唔起。
12歲賣菜，16-7幫人做保母湊小朋友。
長大左之後，
一直都好慳，
慳錢買樓，白手起家。
對錢睇得好緊張，
自尊心強好怕人哋睇佢唔起，
不過我明白，
佢都唔容易過。
（親人經歷）
2個讚
認同，就好似兄弟姊妹同一個家庭同一個成長環境，但係長大後對父母既諗法同自己個人成就都可以好大分別。
以前比較多父母係養兒防老，但我覺得而家普遍香港新手父母都唔係咁。假設大部分都係愛仔女既，其實同一做法仔女大個左怨唔怨/覺得係咪童年陰影，好取決細路既性格。
我反而覺得家長最大既難題係有冇因應小朋友性格而作出教育方向既調整，仲要調整完兄弟姊妹係唔會覺得你雙標/偏心。
3個讚
有人走到出嚟，有人轉咗牛角尖走唔到出嚟
如果有其他人開解吓，係可以幫事主走返出嚟嘅
反而最緊要係事主本身有意識想走出嚟
3個讚
Sorry 咁講可能好mean, 但呢啲都好少事…
我爸個啲先痴線，做錯少少事或講錯一句野（但其實好少好少事）就攞衣架打，罰企十幾小時直到返學，仲要不瞅不睬我幾個月，有時遇上要簽通告或寫學校支票的日子就慘了，死求爛求，又再受一輪屈辱先肯簽….細個最怕夏天，隔幾日大腿就幾條疤痕返學，俾全世界人知我又被人打…
我出黎做野先攞返個樽鹽，而家佢對個孫好好，但我時教仔女時，會無啦啦想起呢啲童年往事，點解自己老豆可以咁過分？我對自己仔女真係做唔出手
至於對我性格的影響，係有嘅，因為我阿爸係個啲一得罪佢點求佢都無用嘅人，所以我出黎做野係唔會求人，亦唔會氹人，因為由細個觀念教左我氹人（即我爸）係無用嘅。阿媽有次話我做人永遠唔會求人，我同佢講返以上嘅因果，佢好似咁先彷然大悟
3個讚
1.丫爸躁底會拎刀對住你
2.打係基本事，唔知咩事會突然被罵
3.用無數粗口炮轟你
4.見住丫媽幾次飲漂白水想自殺
5.無啦啦俾人踢爆房門
6.丫媽病危時，阿爸因某事入獄，自己仲係中學生時好徬徨，以為阿爸出黎會放鬆d，點知一返黎就係罵你做得唔夠好
深刻仲記得既大約係上面，所以我而家覺得好幸福，有自己一個家，會將以前經歷加以警惕，期望2個女係愛既環境開心快樂成長
2個讚
絕對認同，而且有好多嘢長大時都唔夠膽同長輩分享
以前屋企長輩好鍾意見到我喊就會話：
你成日喊大個點出嚟做嘢？
你大個出嚟做嘢都唔會成功
然後分享一大堆佢哋係職場嘅經驗，大致離不開一定要聽老細話，俾人鬧一定要好堅強而且絕不駁嘴
今日望返轉頭就覺得好好笑，講呢啲嘢嘅長輩只係打緊一份牛工，公司細福利少，我見到一定唔會申請嗰種
所以我會警惕自己無論同下屬，後生仔講嘢，都唔好成日用經驗去撻人，唔好成日去踩人嚟拎話題，世界好大，自己一定唔係最叻嗰個
2個讚
基因及由細到大受父母好大影響