我地表面都和諧既、只是有時聽到佢哋同孫講到自己幾偉大開明、仲想教我地點做父母就想反眼、虛構史實囉
2個讚
我自己覺得無必要同仔女講上一代、我媽以前就成日講阿嫲點對佢差、唔鍾意帶我哋返去、但我哋係好開心返去同啲老表玩
佢就鬧我哋反骨吖手指抝出唔抝入、真係幾煩
所以我自己同奶奶好一般、都會忍口只同fd加上網呻
1個讚
上一代恩怨無需要帶比下一代，
你奶奶可能好錫啲孫，但對你一般般。
1個讚
六年級賣樓，經紀帶人上黎睇樓，之後阿爸搵唔到隻錶懷疑係個客偷，嗰陣阿媽就鬧我做咩我掛著用電腦打機唔幫佢地 mon 住嗰個人。後來當然冇人偷嘢，搵得返，但我成晚喊到豬頭咁樣，繼續被阿媽鬧“最衰都係你，如果唔係你掛著玩電腦幫手睇住就唔會咁樣”。
另一次中學比賽入圍，email 邀請去主辦集團大樓。阿爸阿媽話係詐騙電郵，堅持要打電話去問同埋打電話返學校問老師我係咪有參加到並且入圍。咁樣衰當然唔想佢地打電話 (即係話曬畀全世界聽我阿爸阿媽唔信我)，打完確認係真之後，佢地講句話唔相信我會入圍或者攞獎，所以點會有呢啲 email。
呢兩次真係喊到莫名其妙。
我時刻警惕自己係我自己疏忽做錯就唔好攞小朋友出氣。
6個讚
個問題喺成日講嗰度
將負面情緒傳染比仔女就唔好
我係覺得佢唔會有呢個問題先咁講
我都有好相似嘅經歷
校際音樂節六級鋼琴冠軍，上台攞獎，工作人員問我哋攞部相機幫我哋揸機影相，佢哋先至話冇帶，後尾仲要話唔覺得我有資格攞冠軍，只係好彩。
反而我細佬次次比賽佢哋有帶相機去，但係佢攞第二第三名，佢地就鄧我細佬唔抵，話一定係因為佢年紀細所以評判唔俾個獎佢。
我而家已經唔記得點彈琴，因為當時係我好慘痛嘅經歷，我係好刻意唔記得所有skills唔去練。
當然而家大個好後悔啦
3個讚
X2…
要明白呀媽都係普通人一個，有情緒需要宣洩好正常
如果只係一味得負面情緒當然可憐，無論大人細路都係咁可憐…
我自己作為ftm，同小朋友日對夜對，都少不免會俾佢睇到我負面情緒既一面，我知道唔可以成日咁樣，有努力控制…小朋友而家好體貼，我好欣慰
1個讚
係啦，你想講，都要人地想聽，要岩timing
1個讚
岩岩發生
細個阿媽唔比我出街, 都係18歲先第一次可以通頂
到我大D, 去邊都要問, 又要我早返屋企, 搵工都只可以係屋企附近
去邊都要問實地址, 朋友d電話, 住邊, 有幾多男, 幾多女
識到新朋友, 又話呢個唔好, o個唔好, 想請朋友返人企食飯都唔得
岩岩4字頭搬出黎3個月, 就問我係咪識到新男友, 第一句我都忍到, 我話我無識到新朋友
佢話你要出去識下人, 我真係頂唔順, 話, 細個你困住我,
又要羊兒好, 又要羊兒不食草, 而家你就想我咁快識到人?? 你個腦真係有問題
佢想再講, 我話, 今日母親節, 唔想同你拗
希望咁多位已做人父母既
唔好諗住養兒女防老,
仔女唔係你既附屬品, 唔好諗住困住佢地一世,
咁樣只係害左仔女將來既路
10個讚
佢係普通人時，我都係普通人
3個讚
我有預感你答識左新男友佢就會叫你帶眼識人小心啲、下刪仲多句
有選擇性講過比大果個知，佢都高中。
事緣有一次，佢有個朋友向佢訴苦，父母偏心想做咩都唔支持，好唔開心，好羨慕佢咁。
大果個唔識點安慰對方，問下我和太太意見。
我便粗略講返以前既經歷，等佢話比朋友知，只要忍耐到長大，就可以掌握自己命運，去實現自己理想。
無父母支持，而家做唔到唔等於將來做唔到。
佢朋友聽左過來人經驗後堅強返好多，大果個也學到幸福唔係必然，幾好呀。
不過我平時係成日攪笑講開心野既人，哩類不幸回憶除非咁岩有需要提起，基本上都唔會提。
3個讚
我係大女, 我媽細個時候對我要求好高, 測驗默書攞70分會問點解無80, 80 就問點解無90, 就算攞100 分都會問點解啲字唔可以寫靚啲… 總之就永遠有彈無讚, 我諗… 都令到我自己好大壓力, 永遠都覺得唔夠好, 但細個時候自己唔覺
我諗有要求係好事, 但我都會提醒自己唔好令我小朋友一味只感受到批評
至於我媽, 可能佢都從我地關係上覺悟到, 佢對我細佬係明顯無咁harsh 嘅. 咁其實都係一個進步
請問點樣approve？你會有好方法可以提供嗎？
我只知而家新一代有啲科學驗證係可以睇一個人(天生)性格
很好，呢個係改變既第一步，加油
唔係應該你去approve父母對你造成性格影響？
個人天生係外向大膽，俾父母笑下應該冇咩掛？
我都覺， 會嫌佢呢樣， 嫌佢個樣
我後生有得揀個時， 你就困住我
到而家我都中年， 肯定會um得仲多
有男友都唔會話佢知
費事比佢左彈又彈
突然覺得太灰暗既野，都係唔講比較好。
刪掉，不好意思。
1個讚
我鍾意心理學既理論，自問畢業後多年以黎都未曾停落黎探索自己……
我出post寫既小小內容寫得好粗疏，如果能夠遇到有相類近經歷既人，當然好，可以有助我更加認識自己
至於大家認唔認同我既慘痛，唔係重點……
我今次出post既主要目的，標題寫得好清楚，我見後黎都多左人入黎願意擺低個人經歷，我相信咁樣既分享方式比起齋睇理論實在好多……
由衷希望各位父母都可以睇完唔同既童年悲劇之後，藉住呢個機會反思
6個讚