我可以試吓嘅、但我估佢都係見人用佢都用（外賣餐具）
1個讚
我每個星期都會去66 區
又可儲分又環保
盡做
2個讚
又到我忍唔住嚟發up風
有時幫襯某啲餐廳，坐低叫唒嘢食先知佢哋堂食用外賣碗餐具etc，嗰吓真心忟咗
今日嘅經歷係：我知餐廳A用外賣嘢，上次專登唔食（因為冇盒喺身）,今次專登帶咗盒+餐具諗住食；原本仲執埋番工隻杯出去飲H0T，但太大隻，費事放落袋露唒出嚟冇點尷尬，諗住重用佢隻外賣紙杯啦，都起碼減少膠盒吖。俾錢時仲特意話唔要湯（我只係帶一個盒，所以索性唔飲佢碗湯）。平時我叫同一個餐外賣，佢入唒落我個自備盒，所以我只係帶一個盒出嚟。點知佢送餐過嚟時，我唔要嘅湯就俾咗我，D雞放咗落膠dull 。就係咁用咗兩個膠，嗰吓我真係諗：早知係咁我一定唔會幫襯。
每次自己預好唒唔會製造新嘅塑膠物品，最後俾人偷襲嘅感覺超差
2個讚
而家好多小店因為疫情/無人手洗/各類原因 都用即棄餐具 
我最忟果次係去親友屋企聚餐 佢話懶洗 都係俾即棄餐具我地十幾人 
我都試過10幾人食飯全用即棄餐具，嗰刻真係有衝動拎唒入廚房洗，但唔係我主場，我做細嘅唔敢出聲
另一次食飯得嗰6-7人全用外賣餐具都試過，真係想
社會上有唔少人視即棄餐具就係用完即棄，因為當初外賣餐具嘅發明就係咁嘅用途，所以完全唔覺得有問題嘅人，佢哋睇到我講嘅廢話可能都會覺得D環保L真係多嚿魚，愛護地球就唔諗衛生問題化乜乜乜…… 我唔敢講太多喇，免得會令人覺得環保L鍾意批判別人點點點…… 我淨係想抒發吓情感，當（我）環保L好努力走塑節減源頭時，最後都可以咁徒然（好似今日咁），真係幾挫敗
2個讚
做細當然唔方便出聲 咪用行動感染下人
佢地好奇時, 咪解釋多幾句
係呀, 好多係為方便就唔做+唔諗任何野 加上環保教育真係唔多
我試過向阿媽個垃圾桶拎返起個玻璃樽出來, 拎去回收
我再慢慢解釋佢聽分解玻璃仲耐過膠, 而佢嘅反應係 
因為一般認知都係用膠最唔環保
1個讚
我都會帶自己盒去買外賣
我考慮塑化劑問題多d，唔想食咁多膠落肚
加上用外賣盒食飯好淒涼咁
之前觀塘返工都見好多人會帶盒外賣
1個讚
我都會自己帶盒買外賣, 帶袋買菜
有時D姐姐好人, 除左會讚下阿妹你真係好, 慳返D膠袋 仲會醒多少少俾我架 
係呀, 好多餐廳仲用緊舊果隻發泡膠盒, 一太熱, 溶到變曬型, 其他好牙煙 
我係帶盒買外賣㗎，
但係琴日想抖抖氣，所以自攜餐盒堂食，點知冇預過佢會有哩招
1個讚
不過都有遇過人唔鍾意，用我個盒要小心d裝，唔似得d發泡膠盒個開口咁大
我最近用個背心膠袋入住個盒拎去買嘢食，個店員落咗我張單之後”lim”住我個膠袋一副嫌棄樣。自問我個袋正正常常，我個人都著得整齊企理嘅，心諗：唔駛呀嘛
1個讚
Hi 我新黎架
1個讚
該主題在最後一個回覆創建後90天后自動關閉。不再允許新的回覆。