thanks !!
又學到新嘢！
當年嘅事無謂介懷，你唔係做錯嘢，只是人哋唔識咁諗，我哋都無辦法
或者正如樓上網友講，而家環保仲俾人笑？
嗰啲仲唔識諗，依然保持住一啲浪費/唔環保習慣嘅人先值得俾人嘲（早兩日我喺超級市場見住個女人係咁扯啲平口袋出尼用，真係眼都突埋）呢類人仲會有，無㗎唯有做好自己影響別人囉
講開又問吓你哋吖
我會因為餐廳A唔可以用外賣盒而唔跟同事一齊買外賣，自己另外買；或者因為唔想多用外賣盒/杯而唔跟佢哋一齊買珍珠奶茶/甜品外賣。一般人眼裡係咪會覺得我異類，唔埋堆？ 我間唔中就有呢啲掙扎，但係我真係好唔想無啦啦用多個膠盒
唔會
正如同事今日想食麥記 你唔想 咪買其他野囉
買完返公司 咪又係一齊食 無咩所謂 
1個讚
做回收好緊要
如果可以做多步 源頭減廢就更加好 
2個讚
同意，特別係塑膠，
所以近排好努力唔增加外賣膠盒用量，一係帶盒喺身，有時會因為冇盒而衡量係咪咁必要食（順便當減肥
）
1個讚
睇完阿妹最新youtube片先知有間The Amber Foundation專門收平時酒店嘅即棄用品，細細枝沖涼液，洗頭水之類。不過要未開過先收。因為佢係住隔離酒店，就算冇開過，酒店都會dum，所以可以拎走佢，或者睇下可唔可以入住前叫酒店唔好擺即棄嘢～
唔知得唔得呢
酒店都有佢哋嘅服務標準
拒絕贈品，不必要嗰啲
包括證件套、餐具、牛油仔、膠袋、飲品棍、包裝糖、wasabi包、豉油包、捐血章…
即時拒絕比回收更方便
慳好多處理嘅時間
1個讚
同意，
不過有時啲餐廳照俾，番到屋企先見到，果刻會嬲豬
好失望唯有上嚟呻一呻
今朝同條c6言談間得知佢响公司叫外賣仲keep住要餐具，明明我同佢平時嗌開外賣一定走餐具，點解呢個習慣冇我同佢一齊就唔做呢？
佢仲同我講買番公司食實係咁𠺢啦，人人都係咁𠺢啦⋯⋯
下乜人哋係咁你就要咁㗎喇咩？我知道嗰一刻真係好失望，或者會覺得誇張，但真心自覺慚愧，甚至乎Totally freaked out
一開始我冇再出聲，啲人成日講環保L出聲太多，但佢係我屋企人我好難收埋喺心…後尾忍唔住俾番佢自己諗，真係有咁必要咁為一己方便？已經唔求佢洗番個外賣盒，但洗對筷子/ 叉羹都有咁辛苦嗎？
好氣餒
1個讚
屋企人係好難搞
但我自己有時都做唔到好環保，亦有時會走回頭路（懶/為食）
諗到呢度，就會覺得屋企人嘅唔環保只不過係尋日嘅自己…
我最近送出一啲快測，都幾糾結
因為明知收到嘅人都幾大機會唔會回收包裝
但係拆包裝又怕對方覺得唔乾淨
講開，原來快速測試嘅包裝盒係唔可以回收㗎，我尋日咁岩去回收的時候，有另外一位街坊拎住啲快速測試嘅紙盒，職員同佢講唔回收得，應該係因為有機會帶有病毒嘅關係
我都唔肯定屋企人係唔係難攪嘅目標對象，但係如果勸服或者鼓勵人哋環保多一啲嘅話，好似同屋企人說教係相對容易，當然唔係用指責式或者日俄夜哦啦⋯⋯我意思係，同屋企人講好似比較上唔會令對方咁難堪？同同事講，好似覺得我哋話緊佢哋有幾浪費（雖然呢個係事實）
環保呢條路好似好難行咁，有時真係咁啱唔記得帶回收盒，又真係想買嘢食返屋企食嘅時候就會有類似嘅矛盾出現係我個腦海入邊，我唔係次次都可以忍口唔食
如果發覺做得未夠多嘅，咪再做多啲？
但我對於屋企隻c6覺得喺公司食飯就用餐具係冇問題呢一下好失望，可能尤其是佢係我最親嘅人啦，覺得大家好似好唔sync 咁，就好似嗰句：「我喺在前門捉賊，你就在後欄放火」咁（sorry, 我google番原來係cctvb d 老套劇對話，但哩個比喻好形容到我心情）
「回收轆轆」可以回收快測包裝，用具就唔收
Ok wor! 多謝分享
如果係我都會好失望!!
可能佢環保意識仲係比較弱
試下鼓勵下佢用自己餐具，佢又會唔會公司冇擺餐具呢？