環保人士

我本身幾環保,早一輪睇「識碳一定係咁歎」都幾有共鳴(例如裸買果集,我覺得自己可以再做多得D) ⋯⋯ 阿妹好似喺節目入邊話唔太想俾人知佢係環保人士,我都有少少呢個感覺,因為一般人會對別人環保嘅呢個觀念反感。

如果你都係環保朋友,入嚟分享下啦

7個讚

揮手
同事們一向都係一齊去買外賣返OFFICE食
所以我變咗異類, 自己坐低堂食/自己帶盒去買
出街袋會常備飲筒

3個讚

我都係,但我冇guts出聲話自己堂食(同埋疫情嚴重嘅時候我都有保留),所以人人兩手fing fing落街,我就自攜個盒,佢哋每次都眼尾哨一哨我

以前都遇過有個同事會自己帶盒去買
講緊都成6,7年前, 當時自己仲係未有好強嘅環保概念, 但覺得嗰位同事好好!
所以你啲同事可能都好欣賞你, 只係佢地未有依個去為環保出一份力嘅動力!

3個讚

去朋友屋企, 咁多人多數都係嗌外賣, 但會問佢地可唔可以拎走啲外賣兜,
比起怕佢地歧視, 更加唔想見到啲兜去哂推填

3個讚

如果唔係傳教咁迫其他人做環保嘢,或者judge 其他人唔夠環保,其實自己做環保係好值得欣賞ga。

之前可能係有啲好著緊嘅環保朋友,用錯力推動環保,搞到大家印象唔好。其實最好可以普及環保嘅方法就係focus 自己做咩,有好嘅方法就share 下,做大個餅。

我都默默bb 班程度咁環保中,講真我自己係相信我哋小市民做嘢嘢真係小數點後唔知幾多個零咁有用,大企業大集團做嘅嘢比較重要,好似office 咁一日都print 咗無限廢紙,但純粹以相信自己做嘅係正確事嘅心態去做,我就ok 了,唔會太care 人哋目光。

8個讚

我唔算乜環保人士,但住嘅地方好多係法例,掉垃圾都分5 大類(屋企大小5 個垃圾桶),如果一個packing 上面又膠、又紙,要剪開、洗好先分類,久而久之變成生活習慣。

5個讚

arm arm follow咗:)
有人一齊互相支持好重要

同意
我屋企隻c6之前成日笑我環保魔人,又嫌外賣盒好難洗得乾淨唔肯洗,咁我話我洗啦,佢就冇出聲

同佢一齊睇「識碳」,佢開始有少少被感染咗
有一日佢好招積同我講,去街市買菜(好似係菇類,蕃茄薯仔)同生果,一個膠袋都冇用到,我心裡面好感動:joy_cat::joy_cat::joy_cat:

我覺得自己嘅力量好卑微㗎,但係我實在唔認心唔行呢一小步,所以努力希望做到幾多得幾多:neutral_face:

8個讚

我而家好努力盡量print少D, 我之前(+現在)嘅公司唔用環保紙印嘢,所以更加唔想印

我都唔敢咁諗,
其實有時見佢哋食完外賣就咁掉咗D盒,我好想幫佢哋洗咗D盒,但應該會令佢哋尷尬所以冇開口(我同佢哋唔熟,剛入職)

有一次聽到同事A問同事B「佢哋有冇俾餐具?」我冇講咩但係只能講大家諗法好唔同,當我為著自己偶然唔記得叫走餐具而覺得唔好意思之際,原來仲有人咁指定要人俾餐具⋯

1個讚

會將屋企野分類拎去回收

係屋企附近買外賣,盡量都自己帶玻璃盒去裝。不過有啲鋪頭會宜家疫情,就算自己帶盒去裝,只會裝落佢地堂兜,再自己裝落玻璃盒

1個讚

其實呢個係正常,亦都係好習慣, 其他人嫌麻煩先唔帶

我會照洗自己嗰份外賣盒,有時都會幫同事洗埋,不過亦有時會懶冇洗。

但如果見同時掉飲品樽/罐落垃圾桶,得閒的話會執返出嚟洗去回收。

我覺得做好自己,唔好係咁逼人環保,係唔乞人憎的,有時仲會默默感染到人~

我去買餸會帶環保袋同網袋、食物盒,街市啲姐姐叔叔都好欣賞啊,有啲會平一蚊比我,有個阿姐仲問我邊度買網袋 :laughing:

5個讚

依家好多餐廳唔接受外來容器。

可能我食嚟食去都係某幾間,好少比人拒絕
連大快活都可以:smiley:
而且有人做咗裸買地圖…我搵搵先…

2個讚

我會帶環保袋同膠盒去買送。膠盒裝豆卜,職員都會比多1-2粒。反而冇用過網袋:laughing:

1個讚

係,我問過點解,話因為疫情,不過唔知係唔係間間原因都一樣啦
咁我就照買堂食,自己裝落兜拎番屋企

2個讚

正呀:+1:t2::+1:t2:
下次我試試先

我上次問阿姐,佢話:小姐,公司話依家唔得,以前就話啫。