bb岩岩先1歲
本身自己有工作
如果離婚要自己再請工人
但依家請工人雖然無之前咁麻煩
但都唔係話即刻會請到
bb一向由男方家人照顧
我唔肯定男方家人會唔會同我爭bb嘅撫養權
上到法庭個官判比我嘅機會係咪會好微
每日同一個唔愛自己嘅人生活
真係好痛苦
單親條路可怕嗎？
帶住小朋友還會搵到幸福嗎？
有無同路人可以傾下？ 
Thanks
3個讚
如果有娘家支援應該好啲
單親條路唔會可怕，只係辛苦，加油。 
4個讚
BB只有一歲，老公就出去滾女？
佢完全無把你和BB放在心中，你要把這個情況話比你娘家知，等兩老有準備，我相信始終父母都會幫你的。
既然覺得同一個唔愛自己嘅男人一齊好辛苦，就放生自己（無錯，係自己！）人生苦短，自己開心先係最重要。
講個例子你知，我老豆當年都有出軌，但父母無離婚，多年過去，我媽話「最後悔係無離婚」。
自己諗。
6個讚
想知你媽係點樣看待呢個出軌既男人又要一齊生活?
你地做仔女其實係咪都睇得出同知道?
關於出軌，我有朋友選擇原諒，因為雙方仲有愛
但你話佢唔愛你，咁就…
其實嗰陣時我哋心裏面知道父母出現問題，所以你哋唔可以低估小朋友：佢哋知，不過唔出聲。
我媽話唔離婚嘅原因係因為層樓（未補地價居屋，和我爸共同擁有）。
我爸唔肯離也是因為我嫲嫲喜歡我媽，佢最錫我媽這個新抱；我嫲嫲病咗我媽貼身照顧，亦都係咁我媽一直都無把這件事話比我嫲知，驚佢唔開心。
至於我媽對呢種事有咩睇法，我講唔到，不過佢淨係講佢後悔。可能感覺被利用吧？我爸身體不好，最近2、3年和二奶分咗手，成日要我媽睇住，連去個旅行都唔得（話「無人睇住你老豆呀」）。我媽成日話「你爸係死就死得痛痛快快，唔好半生不死搞到我要睇住佢下半世。」
但「有愛」點會「出軌」呢？
男人唔同女人，人人都有軟弱時候嘅
1個讚
我唔係同路人，但家人都有類似情況。
小朋友仲好細，家庭生活先啱啱展開，呢刻火遮眼可能會影響你做決定。
如果係我，我諗我最首先會睇下對方態度立場，無歉意嘅，咩都唔使考慮。
我以為小朋友細，只要呀媽冇不良習慣，正正常常有賺錢能力，就會判俾呀媽？
樓下算係答左
其實我當年都唔敢問我朋友太多詳情，男方係响我朋友大緊肚時出軌…
如果係發生响我身上，我都相信自己冇可能原諒
我都唔會原諒。
大肚期間係一個女人最辛苦，情緒最需要關心嘅時候，比著我一定情緒崩潰+立即離婚。
同意，做任何決定都要先提自己保持冷靜
千祈唔好做令自己後悔既決定
希望樓主睇到
單親路並不可怕，我一拖2都係咁行落去，但好辛苦
先搵左屋企人backup先，如果唔係路仲難行
有第3者都可以有改過而繼續幸福既例子，重點係你老公係咪真心改過而你又係咪真係可以放得低過去，否則兩人只會越行越遠
點都好冷靜慢慢步署，千萬唔好急
3個讚
老公背住你出去偷食，做咗虧心事通常會更加錫你對你更好，但前提係你唔好去拆穿佢，同埋你要過到自己嗰關
我睇緊啲咩嘢呀… 咩邏輯… 有得一次就有第二次，點解要咁？
3個讚
可能只係想多角度去分析件事
等樓主知每條路係點…
一歲已經咁，點行落去？
回應返各位
我兩親仲未到退休年紀所以唔會幫我湊小朋友
所以離婚我一定要請到工人
我仲係愛老公
軟硬兼施都試過
然而老公只係為bb留低係屋企
我相信如果無bb老公應該會選擇同我離婚
老公坦言對我得返屋企人嘅感情，無左愛
但為左bb, 老公同第三者分左手
但佢應該沉左船
對我態度真係只係屋企人咁一般
始終bb仲細，岩岩先1歲
到底我應該離婚定等老公回心轉意？
定係變心嘅男人都唔會回心轉意？