之前係呢度分享過
我老公出軌
問番佢當初係諗住玩完就返屋企 從來無諗過離婚 唔係我唔好 係佢話覺得出面嗰個大家好夾喎
件事已完結 當中經歷唔想再提
佢亦都已經返歸 我有小朋友
佢愛唔愛我亦都無再深究
學識自己愛自己先
原諒係好辛苦既 永遠有條刺
樓主你冷靜下諗下自己想點
唔急 唔駛立即有決定
3個讚
佢有咩表示？
你唔使而家決定，可以等自己沉澱下先
離婚 計下自己啲駛費夠唔夠用
佢肯唔肯比贍養費你呢
萬一佢賴皮唔比贍養費 你又支唔支持得住呢
離婚佢要唔要小朋友呢
做同屋主無感情交流你肯唔肯呢
你兩個有冇諗住培養返感情
慢慢諗
有冇坐低傾過 錢 小朋友 等等既問題
當時我個心好亂 每日諗法都唔同
所以 冷靜左 再慢慢決定
請問你依家如何呢？你冷靜左考慮左幾耐？
身邊朋友個個叫我先分居
等對方試下失去我個陣會點
睇下會唔會回頭
件事已完
當時拖拉左一年
佢話離我唔肯
我話離到佢唔想
兩個坐低諗左好多方案
(但從無驚動雙方家長 佢地唔知的 越多人知越麻煩 多把嘴 佢地幫你唔到亦無好建議) 我地兩個自己拆掂佢
我小朋友都大 小學生 大約有同佢講屋企乜事 可能會分開 唔代表爸媽唔愛佢
最後主要係佢比唔到我要求既贍養費同佢知我仲愛佢 我連簽離婚份form都準備埋
而家佢地無見面 但我知有聯絡
我唔會問佢愛唔愛我 都癈事問
打擊太大 我亦唔會再信佢 心有條刺 好辛苦
但當比多一次機會大家
建議 諗唔同方案睇下可唔可行
當無感情 就最緊要錢 為自己同小朋友爭取最大利益
同之前我情況差唔多，最後我趕走左佢，佢亦擺出一副嗱係你叫我走，唔係我唔理你2母子㗎，既咀臉。
單親之路十分艱難，對小朋友亦有抱歉，但到今時今日我都冇後悔過。
不過每個人質地唔同，你絕對需要再俾時間大家沉澱下先。
樓主，而家真係唔駛急於一時要決定離婚定唔離婚，既然事情已發生，有冇坐低兩個人好好傾吓大家嘅意願係點？大家又可唔可以接受再一齊生活？如果你想維繫家庭，但佢唔想，你留住佢，痛苦嘅一定係你自己。而佢聲稱話同第三者分手又係唔係真？會唔會糾纏？要時間去睇佢表現，與其你而家一個人難受，有能力，許可嘅話，可能分居先，再睇吓大家意願係點。
小朋友一歲，佢暫時唔會明白咩事，亦都唔會太有個人感受，對你無咁大負擔，但你一個照顧佢一定好辛苦，但媽媽都係遇強愈強。
過來人話你知，愛自己係最重要，好好照顧自己同BB，我同前夫糾纏咗一年有多先分居，嗰一年我係勁辛苦，好大疑心，分居後先重生。
3個讚
認同，而且多誘惑。
我都有個男仔朋友當年好愛佢女朋友 (而家嘅老婆)，都成日出軌。於是佢結婚前驗身就當解決咗無發生過一樣。
不過婚後有無我就唔肯定了。
和一個自己唔愛的人行埋下半世，你會唔會覺得好浪費人生？其實分開咗，你可能有機會迎接第二春，有更美好將來
1個讚
明你意思
但考慮左好耐 比多幾年時間大家
1個讚
幾年不會太耐嗎？
我地傾左到岀年睇下個關係係點再打算
依家大家各有各冷靜
講就講幾年
係覺得大家有機會繼續行落去先咁講
駁佢幾年後大家淡忘左件事再行落去
幾年後事who Knows
可能我發左達一腳伸開佢
或者到佢發現無左我唔得
樓主
可能而家你個心都仲好亂
每人諗法唔同 一家唔知一家事 亦都無話邊個方案岩 邊個方案錯
最緊要 對自己好啲 愛自己
佢出軌已經成事實 係佢唔岩
都係嗰句 決定離婚就攞佢最多既錢
唔離婚 都對自己好啲 照顧下自己情緒
1個讚
離婚