delete please
我爸爸幾年前亦突然離開咗我哋,佢當時仲要唔响香港,再見到佢嘅時候已經係冷冰冰嘅身體
就算後事處理好哂一切都覺得好唔真實,冇人知道佢最後有咩說話留底,我同爸爸嘅關係同你差唔多,都係唔多交流但心中有愛
初初係好傷心,一諗起就喊,做人好似冇咗方向,總係覺得自己做女兒時可以做好D咁
過咗半年左右,經歷時一D事先發覺走得咁快對爸爸黎講係好事,始終受痛苦時間唔長,痛楚可能只係剎那間,慢慢我就釋懷了
你都要加油,老土D講比時間消化,要喊就喊,唔洗強裝堅強,但係要set個時間比自己放下
4個讚
多謝你回覆呀！因為我見放了一段時間，又沒人回，所以就把內容del了，今天再看時，見丁你的回應，謝謝你
1個讚
雖然唔知乜嘢事
不過你好好生活，就係對父母最好嘅回報
2個讚
唔洗客氣,呢度係一個大樹窿,有咩事都可以上黎分享
2個讚
其實是咁：爸爸突然離開了，剛入住老人院才兩個月，然後我們接到職員說他不肯食飯，說無乜事，觀察下吧。點知半小時後再睇佢話佢情況有變，失去知覺血氧急跌到60，不醒人事要搓心了，再多半小時後送院急救無效離開人世。
真是很多遺憾…. 我相信不關老人院事的，是應該有急性內出血之類。在生時他是嚴父style都不會跟我們說笑談天，我對佢也是戰戰競競，就是一句起兩句止的基本關心問候，當然我內心是很愛他。唉…
——-
我現在想加返去一樓已加唔到了
我都廢事同朋友講，無經歷過的人不會明白，至多一兩句保重
的確唔需要特別講，等你自己ready先
2個讚
明白嘅
take care
1個讚
我當時根本無可能同朋友講,一提起就一公升眼淚,就算身邊人講咩都冇用,真係要自己慢慢消化
嗰半年我好似消失咗咁,冇揾朋友,就算佢哋揾我我都冇提過,始終佢哋冇經歷過,頂盡同你講句折衷好未?！對事情冇幫助
1個讚
完全同意，就算之後平復了也不想提起了，現在就是不想見人。
唔好介意我問句媽媽還健在嗎?
當時雖然我好傷心,但她一定比我更需要親人扶持
媽媽仍在，佢好似看得很開，佢哋的感情本身不是很好。但媽媽最尾幾年都是貼身照顧他
我嘅經驗係上一輩通常口是心非,多D同佢傾計,可以互相舒發吓感覺
4個讚
你講得啱，謝謝你
其實咁樣可能對你爸爸黎講係個解脫。
我爸全身癱瘓住老人院差唔多成十年先走，我哋每日願望就係佢可以快啲走
我當年仲細，比著我以家應該會襯推佢出去散步時推佢落山。
實在太痛苦
俾多啲時間陪媽咪。
你自己都 take care.
2個讚
真的嗎
其實我們都很傷心，入住才兩個月就走，不知跟住院有無間接關係。我爸行動不便，但坐家時都每天坐椅幾小時看看電視。入了老人院後，他們以佢脾氣差及很易跌倒為由，基本上無下過床….在家時有人扶著起碼可以走兩步，我相信他在老人院後已經失去這個能力……
很遺憾未能跟他說最後一句話
樓主保重，唔開心明白的
得閒上來傾下計
1個讚
當然，你諗下如果你係佢，都想快啲走，返上天父嗰度啦，係咪？
唔好太傷心，你爸爸知道唔肯走㗎，你哋好好生活，將來天家再見啦。
如果你仲係覺得有遺憾既，可以做下探訪老人嘅義工，將愛傳比其他老人家。
1個讚