我有親人又係咁，而家仲癱緊。由當初一開始既好唔開心好擔心佢走，到而家望住佢唔郁得，唔識講嘢，唔認得人，其實更加心痛佢日日醒左望天花板。
有時都諗如果突然收到醫院電話我會咩反應，我諗我應該都會係好傷心，但同時知對佢黎講係一種解脫。
2個讚
住老人院對老人家身體係唔好，好快退化無晒肌肉同瘦得好快。
就好似你所講因為唔想老人家跌佢地會盡量減少佢地活動。（其實係外國或台灣有啲院舍都主張老人家多走動，香港反而係呢方好差，可能人手唔夠)
如果老人家體重太重，會減少食物份量，在短時間內減到某一個體重，咁職員就會容易扶抱。
我現在基本上很少喊了，已經接受了，是每天都會想起他
會想起都好正常
就當佢去左旅行
總好過日日悶在老人院吧！
自己照顧好自己就最令佢放心
你講得好啱，相信爸爸在老人院時都是每日望住天花板眼光光，因為唔俾佢落床，連電視都無得睇，好慘….某程度上我都同意係一種解脫，因為我爸爸好憎外人掂佢，鍾意自己一個
係真係退化得很快，一星期已經瘦了很多。如果可以都不想送他去老人院，奈何媽媽已頂唔順，工人亦很快走。如果無入過老人院走可能會少點內疚
明白你心情，可能你對送爸爸入老人院心情個種思緒仲未完全釋懷，就接著收到爸爸突然走咗既消息個種衝擊，係會令你思緒好混亂好多愧疚好多疑問。
唯有正向諗短時間可以脫離呢個痛苦，好過唔知係院舍望著天花板望幾多十年。
該主題在最後一個回覆創建後90天后自動關閉。不再允許新的回覆。