我知佢有情緒病，但我識幾個情緒病朋友，都係因為知道自己嘅情況，會好落力搵興趣，想幫自己。
自己好落力嘅朋友，成果都係好少少，已經好難幫。如果自已己都唔落力，可以話已經幫唔到
3個讚
Yes 我妹妹前年突然間工作期間爆喊，個人好驚，發現有情緒病。我哋屋企人陪佢、同事協調佢工作，佢都睇醫生食藥。
佢靠宗教渡過艱難時刻，保持正面。而家已經好番好多，有啲藥都唔需要再食。
明白情緒病係需要身邊人好多耐性，但自己唔極積面對，分分鐘身邊人都比佢搞到有病。
2個讚
同事關係麻麻，其實佢心地唔錯，又肯做，但唔識同人溝通，令人覺得佢好defensive
我諗無乜街坊可以咁照應法
感覺上佢唔肯幫自己。我叫佢至少試下多啲揾個姪仔都唔肯
我就係咁諗，但我唔知點可以迫佢行出第一步
1個讚
呢句好啱，佢想人對佢好，但佢又唔識付出。所有嘢都有個「但係」，唔好話交心，做熟嘅朋友都唔得啦
1個讚
我識有d人係咁
但我唔知佢真情緒病，定係個人衰格
我朋友係因為情緒病問題，乜都驚，乜都但係，所有野裹足不前，變咗好多嘢唔做唔試，點會有朋友吖
1個讚
當事人一時之間唔捨得大哥，過渡期黎既姐，遲下就會適應
佢情緒病有影響到人嗎？
有返工有返教會都已經算係咁
人到中年，就算冇情緒病，都難d識朋友架喎
樓主會唔會太過濾？
請大家唔好用一般人既標準去看待情緒病病人
關於呢個病人，我地知道既背景唔多，有需要都係尋求專業人士意見
1個讚
叫佢做運動，安多芬對佢有益。
其實佢呀哥離開咗香港成年㗎啦，佢仲係想佢哋回流返香港
佢情緒病冇影響到人，但係作為朋友我見到佢咁唔開心我都唔想
係呀，好彩佢有份工，又有定期返教會，如果唔係仲慘
我冇要求佢識新朋友，但係佢真係乜嘢社交都冇，我冇誇張，佢真係冇朋友，以前後生識落嗰啲都冇。冇社交如果係自己選擇當然冇問題，但並唔係佢自己選擇
我都希望係我過慮，但我清楚佢性格，佢平日唔出聲，呢排好耐都冇蒲頭我就知佢有問題，然後佢突然主動搵我話佢好唔開心，我就知道情況應該幾嚴重，所以我先擔心
我雖然覺得我對情緒病無好深認識，但我都唔覺得我有帶有色眼鏡睇佢
佢乜都提唔起勁做，我唔怪佢，情緒病係會咁。我只可以鼓勵佢幾辛苦都去下戶外
明白你出於朋友之情，所以希望代佢尋求協助
我都唔係指你戴有色眼鏡睇佢
不過提醒一句有時一個人熱心想幫手，反而會幫倒忙
唔好講有冇情緒病，如果一個人動力低，乜都唔想試，都係唯有响佢本身已經感興趣既事情/話題著手，即係同佢傾佢份工，佢教會既野
接受佢而家既狀態亦未嘗不可
最重要既係提佢定時食藥
如果可以，而你又問准你朋友，你會想陪你朋友去覆診？
問下專業人士意見，或者都可以減低你既憂慮
地區上有精神健康綜合社區中心呢類服務，服務對象除左係精神病康復者，為家屬、照顧者都會提供支援
果啲咩係咪屋企人既負累就唔好理太多
呢個回應好好
陪伴/慰問呢啲看似平常既事，為病者既親人朋友其實都會有唔少壓力，驚講錯野，驚刺激對方情緒，漸漸就會減少接觸
1個讚
明白，謝謝你提醒
佢有食藥，但我覺得佢病情嚴重咗，佢又唔肯同醫生講，話驚加藥
我又唔想同佢睇醫生，因為我同佢其實未去到呢個程度。佢對我嚟講係普通朋友，佢唔係我好朋友。我對佢嚟講係一個比較好嘅朋友，但佢只係當我係水泡（我無介意，只係實話實說），即係我有事同佢講，佢唔識安慰我（天生，無辦法，無怪佢）又唔知點幫我，亦唔會想幫我（唔知點解）所以我同佢好難發展感情
1個讚
係，佢其實要個伴，個伴可以幫佢決定所有野，等佢唔使面對生活壓力
係，只可以話作為旁人，唯有等佢自己有一日諗通
你話佢唔想面對生活壓力，我想分享情緒病患好多時點樣發現自己有病，就係因為當初壓力太大導致生活失衡
你而家睇到佢咩都唔願試，佢想減少壓力，佢覺得咁樣舒服，我覺得唔好太打擾佢好啲
承接上面有會員講社會往往對呢類與眾不同既人感到難以接受，感到震驚，其實當我地將大多數人既價值觀都套用响病者身上，係會造成壓力
壓力會令人進步，反之亦會令人變得退縮，你平時同佢接觸，可以試下評估佢既受壓能力，先再提出你既建議
佢有你作為佢朋友，已經係對佢呢個病好大既祝福，你都唔好俾太大壓力自己
1個讚
你分析得好好，但你朋友而家冇左呢個伴都係事實
佢唔接受現狀，佢就會郁，佢開口叫大哥返黎，我地睇佢係自私，但企响佢角度，佢係嘗試緊解決問題，我覺得都值得獲得欣賞/肯定
然而，大哥移民係無法改變既事實，咁你朋友就用錯左方法，你講返呢個事實俾佢聽就可以，要儘量減少批判，病者先會覺得同你有連繫，願意繼續同你傾落去
就例如，佢係主動話你聽佢唔開心？你先欣賞佢有求變既心，之後可以透過提問方式引導佢去諗解決辦法
講左咁多，其實我覺得對於無情緒病既人，人同人之間都係咁樣相處，只係有時我地急於見到結果，先忽略左過程
情緒病患走出舒適圈要俾一般人用更大心力時間，你朋友既大哥既然都放心移民，可能就係想俾個機會佢個妹學習獨立
3個讚
佢仲有你呢個朋友