大哥大嫂offer同佢一齊走真係仁至義盡，我估大哥差唔多六十，如有仔女都差唔多出身，都仲要照顧個超級公主，
而家香港得返阿媽，我反而最擔心佢
7個讚
冇可能啦
最多咪遙控教佢
嘩~人地移左民仲想人地回流照顧佢?
果然自私
知唔知佢番工果邊點樣?
有無同同事social? 同同事關係如何?
2個讚
大哥仲可能想照顧個妹… 大嫂就…問心, 我係佢大嫂真係無咁大愛… 50歲嘅姑仔要我照顧, 我真係做唔到囉…
10個讚
她住哪裡? 她居住附近有值得信任的街坊照應下?
照顧就真係無可能做到, 行過或相遇或放狗出街時, 可聊下或關心近況就未必太難
都已照顧到五十，大嫂都算唔話得啦，姑仔大半世人都被照顧，仲想點
3個讚
超過50歲，好震驚
成世人就痴住個啊哥
好恐怖！
事主自己都唔想幫自己，外人冇得點幫
佢有冇要求過你點幫手？ 你自己都睇開啲，唔需要咁上心
其實佢有情緒病幾耐？你話佢食藥多年，我估佢都病咗好耐？你話我mean都咁話，佢自己都唔肯幫自己，唔去多啲同出面嘅人接觸，真係無人幫到佢囉。
其實佢兄嫂無義務照顧佢一世，人哋都有人哋嘅生活，睇咗佢咁多年都仁至義盡啦。而家佢哋移咗民，有番自己夫妻二人嘅生活，有孫嘅就弄孫為樂，都好應該囉。
4個讚
有病嘅人唔可以當一般人咁樣處理
如果我係你, 想幫你朋友, 我會真係用好長時間去同佢傾,
叫佢唔好成日咁負面, 咁樣無人會鐘意你同做朋友
你想有人陪, 但你成日放負, 邊個會想同負能量做朋友??
但我諗你都已經要做既都做左,
佢唔想自救, 其實真係無人幫到佢
佢留係自己世界會係好安全, 但寂寞時就不要伸, 因為係佢自己ask for it
佢阿哥都提議一齊走, 我相信, 佢阿哥都唔想放棄個妹
但你朋友係唔走既, 呢條都係佢揀既路
我覺得呢個阿哥好好
想唔寂寞, 請趟開心扉, 你唔打開度門, 無人可以入到去
世界或者有好多唔如意既事, 但你唔行出去, 咁就係一世架啦
你可以send返比你朋友睇, 叫佢自己諗下
(對呢類人, 講野我會決斷D, 只有1或2, 無第2條路, 因為唔想比佢有太多可以揀)
8個讚
即係咁, 我媽個妹廿年前情緒病, 但佢一直唔肯睇醫生,淨係依賴我媽, 我媽搵過其他親戚朋友想幫佢開解佢, 但全部俾呢個人鬧走晒, 呢廿年黎, 我媽日日做佢奴隸, 我屋企就俾佢影響到家嘈屋閉, 連我結埋婚生埋搬走埋, 呢個人連我小朋友都想控制埋, 情緒病唔去醫, 真係累到好多人
6個讚
其實大家都唔需要震驚, 驚嚇, 社會上有好多呢類人
有病, 佢地真係無咩事都唔想改變, 維持現狀, 只求安心
希望大家都可以明白 
大家見到病左既人, 發燒, 傷風都會問候一句
情緒病人亦需要大家既陪伴, 慰問,
如果可以都可以同佢地傾下計,
以正面回應佢地就得架啦
佢地既腦未必可以好似正常人咁釋放出 多巴胺, 安多酚, 血清素
所以先要食藥
4個讚
你阿媽tum佢去睇醫生啦, 可以既就私家, 夠快
(當然呢個時候要溫柔D tum佢, 話如果唔去就點點點, 話我咁多年我都聽你講, 而家你聽我講一次, 去睇下醫生 )
有食藥同無食藥, 我唔敢話差好多, 但有醫生一個專業角度切入
起碼你媽可以無咁辛苦
(即係好似去到醫生度, 問醫生, 咁咁咁其實O唔OK?, 如果醫生都話唔OK
咁之後可以話返比佢知, 醫生都話唔OK, 你就唔好做啦)
tum 唔到, 佢自己就係醫生, 只有佢講冇人講, 所以我話我媽做奴隸就係咁解
係真醫生? 真係醫生??
咁樣… um… 你有冇相熟既精神科醫生?
電話問下可以點處理, 我諗醫生總有辦法處理醫生問題
(打去醫管局話醫生有情緒病, 可以點做? 諗起都覺得有D絕)
再唔係就直接同佢講, 你咁樣令我媽唔開心,好辛苦, 你有冇諗過你既愛
令到好多人都唔開心
1個讚
唉…咁一個願打一個願捱, 好難搞喎
1個讚
已經廿年, 我地都放棄了
1個讚
不過近年聚會都轉哂ZOOM，又會差D。