我係你即走…依家環境不宜久留, 點捱到個仔讀到中學呀… 我寧願過去辛苦D…
3個讚
睇樓主都唔多享受做ftm, 不如返工仲開心。
Ftm 比working mum更多時間陪仔女都係迷思黎，好多媽媽因為返左工見唔到小朋友，放工更有耐性同心機陪小朋友。
利申：兩樣都做過
考慮生活實際難處之前，應先問問自己，到底期望點樣嘅生活環境?
難處亦唔係返唔返工陪唔陪小朋友，而係同另一半嘅共識。
2個讚
香港空氣污染係倫敦3倍
1個讚
英國托兒服務完善過香港。學校有付費托兒服務，有啲工仲俾媽媽接仔放學
2025…而家先2022呢
睇你諗細路定諗自己多啲
好搞笑，我d 移左民既朋友會問返我仔女中英數(尤其係數)學到邊，然後就呻當地太容易，再搵教材額外谷佢地。
反而係我笑住勸佢地收手啦，入鄉隨俗。但佢地不約而同都覺得擔心，成個幼稚園點可以只學1-50。
難道大家無遇到呢d 媽媽？
1個讚
情況同你一樣，我有幾個朋友都係咁。
其實佢地去到英國都係讀緊私校，但放學後依然塞好多興趣班俾小朋友，同埋會打探香港而家學到咩程度。
我覺得佢地未正式融入英國，仲係事事同香港比較緊。
當初離開香港就係覺得香港唔好，咁點解要攞一個差既地方做比較呢，人有時真係茅盾。
3個讚
我身邊反而無乜呢啲朋友, 最多係keep住睇中文書
不過佢地本身都唔係谷媽
要比較就唔好嚟啦！
我仔唔使做功課，我仲開心過佢
！
2個讚
咩係，放手啦。係香港又話中文字好難寫，學習好有壓力。去到又。。。
岩呀，做咩仲要咁留意香港呢個地方呢？走左就唔好回頭望，知道香港既家人朋友安好就夠，個地方變得幾壞都幫唔到d 咩ga la.
4個讚
可能我係懶媽媽，雖然我仔係香港讀咗16年書，我都冇咩理佢學習上嘅事，所以我D朋友都費事同我講。
同埋我去咗英國D朋友，最細嘅都高小，佢哋反而鬆咗口氣，唔洗呈分試。
1個讚
agree!! 呢個"暑假"我不知幾開心, 一開學我放工又要問佢功課做完未呀刨好筆執好書包未呀, 唔駛理不知幾爽
有呀，呢個話題真係傾唔埋。因為我懶到痴線，唔好話練習，學校教咗咩我都唔理，見家長嗰日佢話佢跟到就得啦。
久唔久就見到有人話等小朋友幾大先走，唔同原因啦，如果可以嘅話，幼稚園都唔好喺香港讀，香港幼稚園happy school 同外國Happy 都差天共地，見到自己小朋友返學每日玩得咁開心，我都唔捨得佢哋上小學。
仲有得學1-50已經好深，我個女仲係連緊條直線咋，近排同d 大個D 嘅玩hide and seek 啱啱數到20，好有進步
我無乜呢啲朋友，可能佢地知我唔行呢套都唔會同我講呢啲話題掛…呢度啲人一講考grammar school我就會走開
不過喺香港土生土長有呢啲思想唔奇，望子成龍要慢慢戒
幼稚園和初小學果d野, 大個左唔洗點學都自然會識啦, 都唔明有乜都擔心。
佢地本身都係虎媽，當初高薪辭職湊細路就係話要跟緊學業，培養左咁耐玩哂升小變態遊戲博入神小後，我覺得佢地已經係習慣左谷既模式。
未過英國時已經睇定私校，過左去又嫌連私校都係太hea，我心諗放過個仔喇，開開心心咪幾好。唔係話完全唔洗理學業，但唔洗小學就諗定將來要入Harvard Cambridge 架。
已經問定dgs = uk 邊d 學校，其他都睇唔上眼
但聽聞uk 幼小唔谷，上到中學就黎料, 唔知係咪真。
係真，小學就間間都好happy，中學就睇你入邊間，有d state school都好hea，有d學校或者私校就好谷，成績反映一切，你要公開試成績好就一定係好谷，想開心hea就要接受成績冇咁好，中學呢方面同香港都幾似，只係gcse考衰左都仲有其他出路咁解，其實如果想入oxbridge或者Russell group，都一定係要好勤力讀書架
1個讚
做雙職家庭冇乜咁可怕，除非你本身唔想出去工作，最大問題係邊個湊仔，不過呢個問題係外國都相對容易處理