如果在香港我就可以做ftm做到個仔中學, 但移民英國一去到就要搵工, 因為無錢, 咁你地會唔會移民?
我個仔先歲半, 如果真係移民, 去到佢最多3-4歲, 咁快就要變雙職家庭…
1個讚
可以嘅話，小朋友 4、5歲時走。
最遲升小6會走。
愛國教育、不了。
我會，我而家都係ftm，個仔去到可能4歲左右，本身想遲少少出發，不過真係受夠小朋友連返學都要受情緒勒索，正苦帶頭bullying，去到都應該要即刻落地搵工，對大人嚟講都係一個新開始嘅機會，一世人有幾多次呢d機會。
1個讚
除左關注雙職家庭，都睇大環境。
幾年後呢度會點，救生艇滿座你哋有冇可行嘅後備方案？
如果強烈想做ftm，咁留低都係一個方法。
你接受到呢種教育可以唔走(住)
4個讚
多口問句，點解喺香港咁貴反而可以做全職媽媽？
通常情況都係調返轉
4個讚
係香港可以做全職主婦，去到英國唔得，係咪預期你先生係英國嘅收入會少過香港好多？你先生有冇反對移民？
1個讚
通常係另一半做到高層, 但去到英國未必搵得返個人工,
加上可能近年買樓, 錢不是特別多, 所以去到未必可以靠passive income過活
純推測咋, 因為我身邊唔少家庭(包括我)都係咁
3個讚
唔係好明返左學做FTM有咩意思？
通常去UK工時會少啲，家務可以放工做，小朋友大左都可以幫手。
1個讚
喺香港如果想仔女身心發展得好, 其中一個父母係全職湊小朋友係好重要, 原因係香港嘅教育好失敗, 好少有啓發式教育, 冇機會俾小朋友作多方面思考. 全職媽媽先有時間同心思去喺學堂以外時間再教育自己仔女(當然前提係媽媽本身真係有去研究兒童教育).
不過 on the other hand, 外國教育冇咁填鴨式死操爛操, 學校嘅教育基本上已經可以幫助小朋友有健全嘅身心發展, 所以父母反而唔需要放太多時間再去額外教小朋友嘢. 唔使帶佢地放學後仲要去補習. 而且外國工時冇咁香港咁長. 週末假期有足夠親子時間.
我睇唔到去到外國做唔到 ftm 會比喺香港做 ftm 有甚麼損失.
7個讚
有D人可能覺得做FTM係一種身份嘅象徵(不是指樓主，不過見佢都重視FTM呢樣野)
- 參加早餐會收集升神小升神中考dse神科情報
- 自製montessori教材, 研下做勞作, stem, experiment, programming etc
- 去書店睇下有咩補充練習可加料, 又或睇下教養書, 烹飪書
- 無工人的話, 就要趁小朋友返學準備三餐材料, 仲有大量家務
1-3就總係離唔開打造十項全能細路咁…其實好攰…
1個讚
如果移左民都仲要做呢啲野，咁不如唔好移，留返啲錢送小朋友出外國讀書算
4個讚
我係回你, 係"香港"做ftm又係小朋友返左學期間做乜會有意思
可能我理解錯你條問題~
我都寧願逃離亞洲k型教育
如果係香港嘅，明白嘅。
1個讚
樓主個問題應該係
移民之後其實一家物質生活都會差咗？
係香港就算係中產
移民就中下產
究竟走唔走？
我相信BNO移民唔會永遠開放，依家仲可以走就走。
遲D可能有錢都未必走到
5個讚
睇下你邊樣睇得重要d
我做咗6年ftm, 都決定過去重新開始，反而我好期待返工。
佢應該唔想走，但又唔肯同佢傾佢係點諗，只係識逃避問題。
本身儲蓄唔多，去英國預左搵最低工資多少少