識得好多都係個男人遲疑。我屋企個都係咁。
你小朋友仲細，我覺得走得過。慢慢勸下你先生，移民好大決定，大家齊心好重要。
1個讚
因為無長老幫手又無位請工人, 所以被迫做ftm.
我覺得小朋友7歲左右開始出去做野係最理想, 但如果真係移民(係走就趕2025年前), 到時小朋友先3,4歲…
在香港返工加上交通時間預左朝8晚8, 在呀仔中學前根本無可能返工, 而且老公養得到我, 所以在香港就會做ftm
好現實講，我驚比卡超上台後，都唔知走唔走到甩⋯⋯
7個讚
在香港係鬼中產, 住間爛鬼屋咋, 物質上我無要求, 只要求在英國不用省住暖氣用, 因為我超怕凍。
其實有小朋友又儲蓄唔多, 移民又要煩無時間照顧小朋友, 我都1516走唔走, 不過目前老公未想走, 所以我自己plan住先, 可能有一日佢會想走, 佢唔肯走我都無法
1個讚
你移民目的係咩？
決定走嘅話，最緊要唔好忘記初衷，到時唔好怨同諗返轉頭。
2個讚
英國媽媽返工，和香港唔同。
英國無功課，放工返屋企唔洗跟功課。
因為有洗碗碟機，焗爐，無咩昆蟲，家務可以做少好多。
不過比較麻煩係食。如果好堅持食中餐，就會難搞
移民係覺得香港無得救, 會愈來愈差。
唔移民果d就係覺得香港仲有希望, 唔會好似想像中咁差。
去到迫人打針先可以入商場和超市果時, 我已經覺得香港無得救。
應該係一定要走, 問題係幾時走和點令到老公都想走
1個讚
講起家務, 香港又多塵又朝濕, 浴室清潔完唔夠1星期又起積。個地抹完半日又有塵, 真係做死人。
最遲升小5，過來就要報中學
1個讚
你咁講我又醒起，英國啲屋真係好似冇塵！香港啲嘢擺一兩個禮拜已經一層塵，陽光之下會見到啲塵飄來飄去，英國反而唔太覺有呢樣
1個讚
緊係走。
我窮，連首年開支都冇，而家努力中，一儲夠就走（希望到時仲走到）。
5個讚
加油
唔係咁福音下嘛? 香港真係好多塵, 係咪因為人多車多? 我用DYSON 次次都倒好多塵
1個讚
香港每一日總有樓上樓下在裝修, 附近總有地盤或修路
咁做ftm 定做嘢根本唔係一個咩問題
1個讚
你啱, 隔離起緊樓, 已經唔係好敢開窗
我同你情況一樣，選擇左走
如果留港的話，我可以一直ftm落去
去英國的話，好大機會小朋友返曬學就會搵pt，搵多啲錢多啲收入
係囉, 就咁睇樓主已有答案, 只係同先生ge分歧先係重點
咁係香港點做FTM？
即係去到邊，其實生活水平都無太大分別？
親戚英國屋企真係長年都冇塵 (樓梯地墊除外)，客廳張檯玻璃做嘅都可以一塵不染。本身佢係勤力做家務嘅，以為佢真係勤力到呢個境界，點知佢話簡單抹下。