好多人都係為生而生，
唔係講樓主，佢都仲識上嚟問下。
生兩個都未必夾得嚟，同一定孝順。
如果你係為咗大女而生，唔建議再生，每個小朋友都應該視佢獨立個體去看待，但你依家已經對個未出世嘅小朋友有哂expectation
7個讚
好多人唔會諗咁多，覺得生左就會自己大，教養唔理，成績唔理。
樓主發現到小朋友有問題，會出去做訓練已經好好
好多人唔理傢，話小朋友天生性格係咁
3個讚
我屋企細佬有嚴重ASD
阿媽係照顧上十分吃力
然後阿媽會指望你第時可以幫手照顧埋佢下半生 
6個讚
我老公都呀哥，點睇都似係ASD。
10幾歲，已經同我老爺奶奶嘈交，自己搬左去老爺另一間屋住。
一直做救生員，好彩嘅係佢都識打算下，考左入政府救生員，但冇深交朋友，冇女朋友。
同佢傾計，傾佢啱嘅話題，都叫有兩句，但唔會主動同你講野，唔會主動打招呼。
新年食開年飯，團年飯，係唔會出現。
2個讚
你小朋友幾大？
其實養小動物同養人仔一樣都要勞心勞力。我覺得動物有靈性
1個讚
我其實真係覺得小朋友係一個一生一世既commitment 。有人覺得我花咁多錢去帶小朋友訓練其實係燒錢，會覺得佢大啲未好。事實上我覺得做得佢媽媽，係我能力範圍內可以幫到既，我都想幫。
所以當好似要諗會唔會有第二個時，都真係好認真諗。雖然話仲有雪藏胚胎做IVF，不過我覺得以我老公既gene ，可能unfrozen 未必分裂到成功懷孕
1個讚
你成長都好不容易，都好多壓力呢。其實真係唔可以期望一個照顧另一個，因為長大左有自己嘅路，最多有事就可以一人計短二人計長。
1個讚
身為過來人、養貓狗、都要睇動物本身性格。
我有四隻貓、其中一隻、係一出世已經拎返屋企養、養左十幾年、唔比人摸、唔親人、就時仲會特登過嚟出手打你。
又成日撩其他貓打
我成日都懷疑佢係ADHD貓。
貓其實好似人既脾性
佢都叫有工作能力
我細佬直情連普通出街都有困難
起碼你係哥哥，阿媽唔係為咗照顧佢先生你出嚟。
阿媽好多呢啲一箱情願，唔需要駁佢，哦幾聲就算。
你媽不在人世時，你照唔照顧邊個，都係你自己話事，你媽唔會知。
1個讚
係囉,悶有好多其他野可以做架
3個讚
我係家姐 
已嫁左人
叫做自己有頭家
所以阿媽同我講時…我都係普通「哦」完事
但希望透過自己經歷
比人知第一個有事唔好再生第二個
如果第二個係正常既，佢無形中受左好大壓力
無論係平時日常所處，定係長大之後要面對既問題
如果咁唔好彩都係有事既，家長自己會仲慘
因為你會好擔憂自己走左之後個小朋友會點
年中有唔少家長殺左個仔然後自己再自殺既案例……
3個讚
做媽媽，我其實真係願自己身體健康。我有乜事，我個囡會好慘，佢老豆養唔起佢，都唔會帶佢四圍去
淨係個老公成日失業，又唔盡力幫手湊女呢樣嘢都死罪啦，仲幫佢生第二個？嫌自己未夠辛苦咩？！
7個讚
結左婚7年，失左兩次業。第一次係global restructuring ，果次一年。第二次係得罪director 無得renew contract ，果次失左年半。前者係我計劃大肚，後者係我生左bb new born 。成個過程我其實覺得好有陰影。
2個讚
明白，我老公都覺得大過會好，不過我都唔理佢。其實我個仔所有活動training都係我安排，我老公完全唔理。始終幫都佢幾多就幾多。
其實有咁多限制，倒不如睇吓有冇方向可以彌補只有一個小朋友既不足。不幸之中大幸，我小朋友ASD算係mild, 我吔係幼稚園識左幾個好好既同學仔同佢哋爸媽，我哋成日約埋一齊出去玩，又行山又露營。我又會俾佢參加團體運動，改善佢社交能力。
我仲有個細女，但佢哋年紀都有啲差距，變咗細女岩玩，哥哥又覺得悶。我又真係少咗時間理個細女。所以預期勉強，倒不如搵方法去幫佢更多
我希望我小朋友9月上K1都可以好似你仔仔適應得咁好啦
如果係我，就唔會生