小朋友3歲，喺歲半發現ASD。經過訓練，宜家進步左好多。講嘢雖然差同有啲固執，但好有意欲學習，都好努力識同輩小朋友。
因為疫情，發現屋企得佢一個其實佢好悶。開始諗係未要生多一個，始終我都已經40歲。不過好多野擔心，我又好怕第二個都係asd 。加上，第一佢老豆係limited involvement in child care ，第二經濟上支援都係有限，家用少到我都唔好意思同人講基本上係我養家。加上佢呢幾年成日都失業。第三要生我要再做IVF。我自己兄弟姊妹唔會生小朋友，所以我小朋友應該都唔會有老表。年紀大限到，所以逼住要諗。
唔好！我有大仔sen，又係怕佢悶生多個。
但哥哥sen，唔識同弟弟相處，經常吵架。我陪咗弟弟玩，仲少咗時間陪哥哥。最嚴重那一排，哥哥問點樣可以整死弟弟。我話唔可以，結果哥哥就試著自殺…
因為照顧弟弟，少咗時間帶哥哥做訓練，只能選近屋企嘅中心做。選學校又好麻煩，好難有同時符合兩個能力嘅學校，結果要返兩間唔同，接送好痛苦，我要半職再請工人先搞掂。
唯一好彩嘅係我地有預足夠嘅錢去處理。
多謝你經驗分享
更多角度件事
加油呀，媽媽，辛苦晒你
唉
所有事情都好似賭彩數。
你大仔宜家點？
上面都係以前嘅事lu，而家未解決曬，但已經好好多。
首先改我自己嘅態度，對哥哥語氣好啲。移咗民後，大家壓力細咗，大家語氣都好咗。
移咗民後，活動空間大咗，衝突機會細咗。我儘量安排唔同嘅活動俾佢地，減少佢地接觸機會。
而家努力教緊細佬，唔可以成日煩著哥哥。
不過哥哥都係仍然無朋友，雖然我做咗好多努力，我係另一回po講過，太長唔重覆。同情況嘅谷友勸我，父母做佢朋友就夠。我都放開咗，佢無朋友就算，我試下陪佢多啲。
如果已經40，就唔好諗生多個，唔夠精神湊
下個月放寬，同仔仔出去玩下
當兄弟姊妹關係好緊係好，但係無必然，獨辛苦自己
就唔值得，情緒處理係好唔容易
從1-3原因巳唔好生，一黎IVF 要使一筆錢，二來你先生又唔會點分擔，三黎工作不穩，太多不明朗因素，將心機放在而家仔仔身上較好，仲有女人點都要獨立及有個錢係身，你生多一個就會負擔更大，唔好搏了，第日多一個更大壓力，香港生活先唔講政治，生活壓力使費都唔少，居住環境又迫，社會又多怨氣，真係一個都好夠了。
年紀大體力差左，生到 SEN 嘅小朋友機會又會上升好多，當然一定有幸福嘅例子 eg 我 
(醫生講過，生女正常嘅機率高好多)。但你情況要去到 IVF，咁就真係要諗諗。
我阿媽都係你呢個年紀生大，阿大都係 ASD 仲要去到中度，阿爸工時長所以湊仔都係阿媽一腳踢。你小朋友照你描述應該係輕度甚至係智力完全不受影響只係性格社交缺陷，算係情況比較幸運。
另一個角度諗，你小朋友願唔願意有個伴？有機會佢覺得唔悶唔需要有伴，而且亦有可能阿細唔想同佢玩，最後只係 2 個 “室友”。
假設阿細正常健康，呢個時候就會出現 3 個可能性：
A. 皆大歡喜和睦相處 B. 因為阿大 SEN 你花好多時間落佢到，忽略阿細 C. 因為阿細語言能力高性格又和善啲，你容易覺得 “阿細容易教，開心”，忽略阿大。
做父母聽到 C 都會覺得自己唔會咁樣做，但生左出黎發覺能力同性格差別之後，真係有機會變到咁嘅情況。
如果經濟穩定同唔緊的話，都可以考慮，但你老公失業佢自己都壓力大，容易有產後產前抑鬱。你亦可能會有同樣問題。雖然 ASD 比較 “同外界隔絕”，但佢都會感受到父母唔同左感受到壓力。
我地只係外人客觀分析，最主要都係你同老公想唔想有想唔想生。兩公婆有共識有目標就得。
上過一個經驗豐富的SEN訓練老師堂，課堂中佢有講過好多阿媽諗生唔生第二個好，然後答ASD有相當一部份係基因影響，雖然兩個siblings的程度未必一樣（我諗佢見過不少兩個都係ASD)
細仔唔係玩具嚟
返學就會有朋友，如果要好艱難咁生，我覺得唔好啦
發現屋企得佢一個其實佢好悶。開始諗係未要生多一個>>>
這個不是生仔理由
其實有冇SEN 嘅成年case睇下？
好多都係 邊個醒目d，就乜嘢都堆曬比佢攪，好嘢就比另一個，完全係 有事鍾無艷 無事夏迎春
但呢個真係聽好多人會咁講
有d隔成10年，根本就係兩代人
硬係唔接受基因問題
你個case唔生，專心湊大1個會更好
生多個冇時間又大壓力，到時對大個果唔會好
呢幾樣加埋，生嚟做乜？
唔會再生，獨生有獨生的好處
再生又要延遲退休。
依家儲錢退休好過。
佢悶你就帶佢出多d玩
搵媽媽gp同年紀既一齊玩
相信係香港都多你呢類既case
而唔係諗去生多個陪佢玩