如果女都有問題，生仔應該係100%有問題，差在輕度定嚴重嘅分別，咁基本上可以肯定第二個有問題嘅機率超過9成，其實會唔會老公都有問題，否則冇理由成日失業又唔湊仔
2個讚
有ASD嘅女仔係比較少數，通常一中就比男仔嚴重，留返啲心力照顧個女好啲
SEN 光譜好大，資優生係 SEN 但嚴重殘障都係 SEN。
如果身體健康/冇特別殘障加上智力正常，一般都平平安安可以完成中學甚至大學，只係社交方面需要好長時間去改善。普通嘅都會搵到份工 eg 超市執貨, 文員，叻嘅同其他人冇分別只係親人朋友相處先感覺到問題，呢到有過網友話自己老公係 SEN。
如果係智力障礙，咁呢個就完全另一個世界。有啲輕度嘅會聽教聽話都玩到運動玩到藝術，就好似之前殘奧乒乓球兩個女嘅都係同一間特殊學校畢業。
https://www.sls.edu.hk/tc/校友分享
呢度有佢地畢業生分享
但你都睇到，唔係屆屆都有校友分享，同埋冇同一屆嘅多人分享，佢地後面其實有唔少人係冇工做等入宿舍入庇護工場…
有事鍾無艷 無事夏迎春 完全係正常，衰啲講句 “唔通叫個唔得嘅去做咩！” 通常有第一個係 ASD，都唔太敢生第二個，驚再黎多個自己都頂唔順。有啲係生幾個，最細嗰個先中，咁就兄姐照顧弟妹，但之後正常嘅兄弟姊妹都有自己世界自己夢想，最後都係父母照顧。
4個讚
佢其實都似亞氏保加症。同人相處唔到，得罪老闆。就算做野點capable ，老闆寧可要個friendly 既人。
個人性格同思維，由細到大受父母好大影響
相信／接受基因會遺傳
我都相信。
我奶奶個性都好有問題，覺得外面全部人都係壞人，我老公從小就被灌輸外面世界好危險，有乜都係我奶奶處理。當佢哋全家越封閉，其實就越井底。
當日我帶我個囡去評估，我老公去challenge 我果啲係乜醫生。我個心好想講粗口。我帶個囡做乜都話危險，阻住晒。錢同時間都係我付出，但説話多多。係我唔理佢，有時又偷偷地帶個囡去試野，宜家佢見個囡有進步先無咁多説話。
2個讚
咁講不如養隻寵物，一樣解到悶。做到心靈朋友機會仲大。
2個讚
如果用養小動物來解悶， 100 % 勸你不要養
1個讚
呢個真係好多人生笫二個嘅理由
其實訪問下身邊生一個以上嘅朋友
有幾多家小朋友，呢個"暑假"入面，係冇叫過悶？
1個讚
真係要拖出去打，唔幫手仲要指指點點。
我嗰個剛剛先叫完悶
咁你諗住生多個？
有冇見過年老父母面對嚴重ASD子女嘅壓力？
好彩而家囡囡有進步，但生多個係點邊個保證！？仲要IVF！？啲錢留俾囡囡做訓練會唔會穩陣啲？
2個讚
聽完你描述成個package，完全冇生多一個既理由
3個讚
佢同佢屋企都係無付出，但聲氣多多。我個個星期都聽佢媽挑剔我照顧個囡，係因為第5波耳根清靜左3個月
有見過，所以我其實都心急想個囡追返進度
我身邊兩個例子。
-
小學時哥哥弟弟仲會一齊玩。到中學，弟弟有自己朋友，開始覺得哥哥好奇怪，越來越憎哥哥。小朋友無父母咁理解包容sen，見哥哥sen行為就大罵。父母要處理sen已經辛苦，但仲要照顧埋弟弟需要，兩個仔都唔體諒父母。
-
兩個都出嚟返工。哥哥思想奇怪，本身無咩朋友又俾人欺淩，返教會先有好人理下。弟弟已經廣交朋友，閒日出街唔留屋企，唔會和怪哥哥點交流，因為智力相差太遠。
4個讚
其實可以考慮養動物，外國對ASD小朋友好流行動物治療，對佢哋有好大幫助。
我大仔岩岩都被評為ASD，個CP都有咁suggest 我。你唔一定要養貓狗，可以從考慮易照顧既小動物，同小朋友一齊去照顧，學識責任感同同理心。
當然，我而家做功課，都覺得養咩小動物都唔簡單
我諗住搵日帶大仔去寵物店望下，睇吓佢有咩反應，再搵領養。
不過記得，養小動物都係一生一世嘅事
2個讚
呢個都好正常，亦唔可怪其他兄弟姐妹
3個讚