近呢1年經期亂, 一係就唔黎, 一黎就2個月, 已經KEEP住照子宮結構, 抽埋內膜都無問題, 驗甲狀腺素正常, 請問仲有咩要驗, 好煩啊 
我都有近似問題
想睇下中醫呀, 有無好中醫睇女人好架?
西醫建議可以試下盧乃本醫生, 非常好
佢會詳細幫你檢查
2個讚
我睇咗幾個月中醫都唔得, 收唔到血, 最後睇返西醫食3星期調經藥, 食藥期間都係有血水同啡, 食曬藥黎M宜家第8日都未有停跡象… 
1個讚
請問收費如何?
正常婦科? 我無比較唔知… 打去問?
我朋友都持續成日流血，中西醫都有睇，最後帶子宮環先控制到內膜。
我早幾年都試過，嚟經量多又長。後尾睇同事介紹嘅中醫，係上水的，調理左大半年就冇再有咁嘅情況。
個人經驗：
婦科醫生檢查清楚，
佢覺得適合嘅，
會開止血丸比我，
經期四日未止，就食一粒，停咗佢。
你係咪打完冇肺針先係咁？
2個讚
我好明白你，因為近嚟我都係經期唔正常，舊年直頭一嚟嚟足三十幾日，又熱又焗唔出熱痱都偷笑。睇中醫，止唔到，醫師仲叫我睇西醫婦科止血先；於是我睇西醫婦科，開咗止血丸，食晒成包藥都止唔到。最後，婦科醫生開荷爾蒙藥（黃體胴）俾我先止到。
食黃體胴要好似食避孕丸咁日日食，食足廿幾日，停四日就嚟M., 如是者，我食足半年，呢半年簡宜非常準時。問題係，食黃體胴係會爆瘡，仲係大粒嗰種。
好喇！再複診，醫生話食咗半年了，停藥試吓。點知，停藥至今兩個幾月都冇嚟M，最多有幾滴淡紅色。
十幾年前睇過 dr lo , 好詳細
1個讚
因為有研究話打完枝針後有機會經期混亂異常，或量比以前多，係勁多。我身邊好多朋友都識人打完針後都有呢種情況
3個讚
佢真係好細心, 救左我… 非常非常感激
1個讚
係咪好大壓力？
我都係食咗兩星期荷爾蒙藥，其間都kept 住留啡加粉紅。到依家嚟經第八日似快完，又有返鮮血，仲有啲少血塊。我都唔知應該點？
話俾醫生知，佢可能會轉藥。
醫生上次話如果唔得，食多一次，冇話轉藥。佢有提過刮宮。我又唔想食荷爾蒙藥。
你依家繼續食西藥？
我舊年因為有肌瘤，已經刮咗宮。經期唔準係舊年年尾嘅事，但我冇再睇，我估更年期啩？
無啊, 唔敢打