真係好困擾, 有又煩, 佢唔黎又煩 
我都係咁情況, 以為佢就放完, 點知佢又標鮮血, 搞到個人好DOWN
同其他婦科差不多。
盧醫生係好有經驗老醫生，好多出名婦科醫生都係佢徒弟，我都係搵佢睇，好專業，不過預咗約咗當日都會遲，因為通常佢睇每個症都睇好耐。
1個讚
我都係噤，今日又多番。 
我打咗比醫生，叫我食多三星期藥。
真係好困擾
我都要睇，打完第三針亂到半個月黎一次，每次黎十日，黎親都量多又拖得長，好似無乾淨過咁
經期亂要刮宮架，你預左久唔久就要照子宮鏡刮宮，因為好多時經期太亂都會生瘜肉，同埋刮左減少變癌病變
我早2年幾3年前又係咁
不過我知道原因嘅，之後諗番應該係有親友離世心理上嘅因素所致
嗰排一嚟起碼個幾月先停，持續一段時間。當時仲做完婦科檢查無耐就咁，真係買M巾都買窮
於是去睇中醫，睇到第3次佢都叫我不如做吓婦科檢查。我話佢知做完無耐。然後唯有去睇番婦科。話我有水泡定咩。於是俾避孕丸我食，用嚟控制月經。食完一個月再覆診。話建議我刮宮。但我唔想。於是再食一排藥，開始穩定番。仲話粒嘢可能已滑落咗已見唔到咁。
最後最後，呢2年都叫做正常番了。不過每人原因真係唔同。但持續唔佔真係會好困擾
1個讚
子宮鏡刮宮係手術？要keep 住做？
醫生叫我再食三星期藥，希望今次會有幫助！
有問題就要去做，因為成日黎不規律要查下有無病變
請問係咪要入院做架?
有個朋友一樣來唔停，睇左九龍城中醫話佢幾出名，最後好似好返，但唔平應該要成千蚊一次
今次又黎走一個月唔識停啦, 睇醫生都係開荷爾蒙藥, 跟住要轉介睇轉科睇下再抽內膜定係刮宮, 抽內膜上年9月頭抽咗, 宜家又話要再抽, 其實係咪要CHECK咁密? 抽一次都要幾千蚊, 咁樣唔係辦法.
唔識 但完全感受到會好困擾…
推薦你搵九龍陳詩玲中醫師睇，係我屋企附近，上次我月經不調都係搵佢調理好的，人好好，好細心 
我一個月嚟咗兩次，經量唔多，搵咗盧醫生；觀察多一個月，如果都係咁就要食藥。
我知道自己最近因為要搬屋同埋份工壓力好大，搞到身體出毛病。
搬屋就搞掂咗，份工遇上peak season，忙到甩轆，成日要趕deadline。仲諗緊可以點樣調節心態
各位sis要保重，好好照顧自己
經期⋯⋯有又煩冇又煩
本來想開post問，見到呢度又係差唔多case好明白你地呀心同感受。
我本身因我經量多上咗藥性子宮環，好開心好安逸。最近嚟M連埋血塊跌咗出嚟，然後一直血流成河，食止血丸止到，但藥性一過又再血塊，搞到我情緒好低落，5-6hrs就食定藥。
今日第8日都仲係鮮血，幾時停啊？救命
1個讚