如果租屋嘅話，大家接唔接受房或廳係冇窗口呢？
如果兩房一廳單位
- 廳冇窗，但兩間房都有窗
- 廳有窗，一房有窗，一房冇窗
大家會點揀？（一定要2選1）
香港啲樓越起越細，其實房/廳冇窗口係咪好普遍呢？
要睇整體感覺,幾多人住?
接受唔到… 會考慮第二個樓盤
如果真係要揀，會揀2
2
最好廳房都有窗啦
乜唔係舊樓先多係咁咩？眼鏡房有時會廳無窗
2個讚
一定要揀就房冇窗
房多數只係訓 冇窗冇太大問題
廳會多日頭活動 有窗會好啲
1個讚
呢個唔係重點，最想知係大家接唔接受到一個單位嘅房/廳係冇窗口
我有見過公屋間完房，間房係冇窗口，所以想知其實係咪好普遍
或者只要租金比同區同尺寸單位平，就算房/廳冇窗都冇所謂？
無窗房用黎放雜物，唔住人
4個讚
無錯，只要房門長開，廳都可以有d光透入黎
你話一定要二選一喎,而家又話接唔接受
本錢唔夠梗係睇點用啦
2個讚
我覺得廳有窗緊要d
我活動範圍多數喺廳
睡房我甚至有時唔關門瞓，所以無窗都可
（我有少少密室恐懼）
如果你家人係鐘意各自喺房，咁房有窗重要
1,2都試過租
其中一間無窗的房就俾工人瞓同放雜物，會長開對廳隻氣窗。
另一單位，廳無窗，房有窗，呢個問題不大，當人在廳時就開大房門，透光入廳。
如果二揀一，我會揀廳無窗。不過最後都係入屋的整體感覺最為重要。
睇多幾間就會知自己想要啲乜，同會遇到一間有「叮」一聲感覺
1個讚
我接受唔到訓無窗嘅房，酒店房我都一定要有窗
接受唔到，無窗空氣唔流通潮濕好多，好易發霉。
新樓亦好少會咁，因為通常廳會有個露台，納米樓甚至有兩個露台（係咪呃面積就後話，起碼無通風問題）。
亦唔似洗手間咁，因為如果洗手間無窗通常天花板會有浴室寶換氣，房唔會有。
1個讚
廳冇窗唔ok，特別係房嘅窗d陽光未必照到入廳，由朝到晚都要開燈，小朋友分唔到日夜
接受唔到呀，有窗都仲要睇間屋光唔光猛，無窗真係唔得
1個讚
因為你問有幾多人住，我意思係幾多人住唔係重點
最想知係大家接唔接受到一個單位嘅房/廳係冇窗口，呢個係第1個問題，歡迎表達自己意見
第2，有個2選1假設題，如果咁嘅情況大家會點揀
第3就係想知房/廳冇窗係咪普遍
以上3點都係開放性討論，你想講邊一點都無所謂，隨便表達意見
梗係重要啦
如果只需要一間睡房比人用，無窗房根本唔係一個問題
如果兩間睡房都係比人瞓，考慮會不同
幾多人住，點會不是重點
1個讚
如果好在意幾多人住，咁你可以假設你一個人住，租一個1房1廳嘅單位，咁你接唔接受個單位嘅房/廳係冇窗嘅？
另外可以假設你1個人住1房1廳單位
- 廳有窗，房冇窗
- 房有窗，廳冇窗
2選1你會點揀？
重點都係想知大家有幾在意一間屋有窗冇窗，其他假設真係唔太重要
咁1人住，就無所謂啦，只要廳或房其中一間有窗都得啦。唔間房都得添
1個讚