其實你呢個假設性問題，最重要係幾多人住，一人住、兩夫妻住、兩大一細住、兩大兩細住：答案會好唔同
3個讚
前提係我向網上面見到一啲室內設計，有啲係房冇窗，有啲係廳冇窗，所以先好奇有幾多人介意間屋冇窗呢個問題，先開嚟討論下
網上見到嘅設計都冇講係幾多人住，只有講間屋尺數幾大，幾房幾廳，所以先冇假設幾多人住呢點，重點都係想知大家點睇一間屋有冇窗，如果要取捨大家點揀
但原來係會有人在意間屋係幾多人住，我先再假設係1人住，因為我最想知嘅係個人睇法，或者你想自己假設幾多人住都冇所謂，其實都係隨便討論下
以前住過間屋夾硬間左三房，所以變咗廳冇窗，我覺得都ok. 我自己prefer房有窗
一個人住2房1廳同4個人住唔同
而又4個人住3房2廳同6個人住亦唔同
裝修公司D圖只係著重設計,我都睇好多,冇窗嘅多數係公屋,所以好多房都係用玻璃門間房
咁你只需要問接唔接受冇窗,唔好再加幾房幾廳會清晰D
雜物房冇窗ok
工人房冇窗ok
廳同其他房一定要有窗
1個讚
但係 Designer 接job ，第一樣就係問屋主幾多人住、乜嘢人住、想要間幾多間房…
2個讚
一家人會成日係廳活動，食飯/睇電視/傾計，要有窗，空氣流通/光線充足會令人舒服好多
只一房冇窗好過兩房都冇，所以我嘅選擇係⋯⋯2
接受唔到
我一定要有窗
知道出面天黑定天光 好天定落雨
睇唔到出面好冇安全感
咁多租盤點解要揀個唔啱心水
都係果句，其實都係隨便討論下，唔洗咁執著幾多人住
1比2好，
因為晚上瞓覺有窗通下風，呼吸新鮮空氣，
床褥都舒服啲。
接唔接受冇窗好視乎幾多個人住
不過有樣野叫睇餸食飯
有時唔係接唔接受，係有冇得揀
1個讚
一定唔會1
如2， 最好所有房都有窗
但如果唔得就盡量唔瞓人 因為要空氣流通
假咩設
無論租屋又好，買樓又好
budget + 幾多個人住係最重要考慮因素
呢d唔係假設，係考慮因素，大前提
開啲咁嘅積，呢個樓盤質素唔方高，為咗未來放盤容易，不如考慮吓其他樓盤
大前提就係冇話幾多人住，純粹討論下間屋有窗冇窗大家點睇
既然你好在意一定要有幾多人住先可以討論，咁我咪講個假設，你就用呢個假設做考慮因素囉
隨便討論下姐，又唔係出考題，唔洗打爛沙盤問到篤先可以答牙
其實你一開始都已經有答案，唔明點解後來先要啫住問幾多人住
哎呀，既然唔係考試MC二選一，大家討論下， open discussion 用唔同角度去睇呢件事，自然有唔同睇法
唔係吖~佢個問題問到唔清唔楚,只係想攞多D background 認真比意見姐
求其問
我地要求其答
想得清楚d，答得太認真，唔啱規矩呀
又一次認真便輸了
1個讚
該主題在最後一個回覆創建後90天后自動關閉。不再允許新的回覆。