因為親戚朋友唔多，想唔設靈堂，簡單送走仙人
問過殯儀果邊，話火化前可以做啲簡單儀式，但啲細節位唔係好清楚
有冇人有相關經驗可以分享下個程序係點？
另外，就算唔設靈堂，都會有親友做帛金，到時要唔要回番吉儀比人呢？
最大問題，我懷孕中，係咪唔應該出席呢，淨係去火化場送最後一程又得唔得呢？
以屋企做白事嘅經驗，你可以直接同殯儀公司講你想點搞，大有大搞，細有細搞，佢地會準備好晒，到時儀式會教你點做（例如幾時合十，幾時三拜，幾時合埋眼之類），吉儀之類要唔要派佢地都會教你，至於懷孕中都係同佢地講就得，佢地知道邊啲你唔參與得會識叫你迴避
總之就聽佢地講就無錯
2個讚
我有屋企人做牧師，幫妳問過了。可以搵殯殮嗰邊幫手醫院直出。
但而家疫情，唔肯定醫院俾唔入殯儀嘅人幫仙人化妝 (若果唔係新冠離世應該都可以)。而且屋企人都要幫仙人準備服飾，又或者有無D咩陪葬品。
但陪葬品一定唔好係貴重嘢。即使好平嘅手錶都唔建議，呢D寧願等火葬後令仙人骨灰上位先放入去。
至於儀式，唔知仙人有無宗教信仰？如果例如天主教/基督教咁，其實應該都會有教會職員出席祈禱咁。好快就會完成。
至於妳懷孕中去唔去呢個問題。睇吓妳屋企傳統或者老公嗰邊傳統做法了。如果無咩顧忌，始終仙人最後一程。都可以送吧？當然妳最好問問屋企人意見穩陣D。
Take care 
3個讚
至於吉儀，因為可以提前攞到吉儀封，有D人做法都會袋定幾個喺身。如果遇到朋友俾嘅話都可以回番俾人。
但如果過咗仙人儀式日子，就唔會再俾番親戚朋友的。我都試過Payme 收到帛金。我都唔會回番俾人。一般朋友唔介意的。不過禮多人不怪，加上疫情未必見到朋友。如果妳都肯定見唔到對方，講聲擔心未必俾到吉儀對方，是否唔介意咁囉。
1個讚
仙人走前有確診，已經通知左我哋，由殮房離開之後就唔可以開棺，直至火化
所以唔可以換衫化妝，唔可以膽仰遺容
可以响醫院靈堂做個簡單儀式，之後直接去火化場
我老爺當年响明愛醫院，搵咗搞殯儀嘅朋友請咗幾個師父做小小儀式就火化。得幾個親友，有吉儀俾返，再去食解穢lunch
我老公後來覺得打堂齋會好啲，所以食完解穢酒就去紅磡一間庵堂，有幾個師傅打齋，我哋就摺啲金銀燒俾我老爺
3個讚
可能因為疫情，醫院殮房已經爆晒
仙人遺體已經移咗去公眾殮房
所以唔可以向醫院做儀式
我信佛教，本來都想請和尚向寺廟做一場法事，但因為寺廟都唔對外開放，我唔可以親身去做，只可以托師傅閂門做
好似疫情下好多嘢同以往做法唔一法咁
我全屋任何迷信嘢到唔信，有家人過身大部份都係最簡單，直接由殮房去火葬場，殯儀館都會有人做啲簡單儀式，同佢哋先溝通好叫唔好有任何迷信步驟，我就會叫連乜嘢迴避廢話都唔好講，費事嘈，棺木用最平最環保。對家人好襯在生，過咗身從簡。屬個人意見，未必適合所有家庭。
5個讚
不要太傷心，祝福
1個讚
我最近先辦完白事，你所講火化前儀式。
我個時前面有一家人就係做緊你所講嘅嘢，喺係火葬場，有間房仔房入面係有條運輸帶將靈柩送入火爐，咁間房有地方俾人做法事，做完法事，家人就按制將靈柩送入火爐。
至於你懷孕，問下殯儀館啲人你適唔適合去靈堂/火葬場。
如果要去火葬場咁就要小心啲，最好自己坐車去。
我個時坐架舊式靈車，上車個級好高，全程「鄧」下「鄧」下，所以你最好call車去（人多可以租架16人車）
改改佢，係先人
1個讚
係，一時間load唔到
老公唔想我去
但係親人新年前入咗院，已經有一段時間見唔到佢，我自己好想去送佢最後一程
1個讚
近排睇新聞話連棺木都供不應求
都唔知有冇得揀
都預咗會貴
有紙棺，【泰記壽紙】
樓主保重
2個讚
摺些蓮花以表思念
節哀順變
好幾年前，有親人走了，因為某啲原因，都係無得幫先人化妝著衫，衫都只係放棺面（如果我無記錯的話）， 無得瞻仰遺容，而先人亦都無直屬親人，所以我哋一切從簡，無守夜，但我哋有book 靈堂，有訂花牌，有打齋，打完齋就直接去火化了，我覺得親人在生時，對親人好一點，就算親人死後一切從簡，親人亦會明白，知你有心，是愛佢的，所以過身後形式上嘅嘢我覺得無乜所謂的
1個讚
我都有聽人講話唔開得棺木嘅，啲衫都可以放棺面
希望到時都可以咁做