大家好
每星期都會有簡易既食譜比大家
岩晒依家晚晚都無得出街食既你
簡單就是正！
係，岩哂放工快煮 
Follow左
多謝晒，希望幫到大家諗煮D咩
好啊 
幾好，謝謝推介
多謝大家支持
Followed. 加油呀！
除左天氣凍既時候，有時無咩胃口想簡簡單單一煲過就搞掂好餐飯既話，煲個靚既粥就會係你最好既選擇。只要你買到既海鮮係新鮮既話，基本上依個粥都無咩失敗唔好食既機會。今次既食譜只係用上兩種比較簡單處理既海鮮，其實自己鐘意食既話夠咩海鮮都無問題
材料
米 1杯
水 (係米份量既10-12倍)
海蝦 10隻
蜆 半斤
薑絲 適量
蔥 適量
雞蛋 1隻
做法
- 先將米放係加左一茶匙油既水入面浸30分鐘
- 將蜆放係鹽水入面浸最少30分鐘令佢吐沙
- 將所有蝦去殼，去腸，然後切成細粒
- 係煲入面加入1比12既水同米，所有薑絲，用中火煲滾
- 成個煲粥既過程大約30-40分鐘，間唔中可以慢慢同一個方向咁搞避免黐底
- 30分鐘後粥大致上會煮好變得傑身
- 將處理好既海鮮 (蝦，蜆) 全部倒入粥入面煮多5分鐘
- 所有海鮮熟透之後，慢慢倒入打發好既蛋液成蛋花
- 最後加上胡椒粉同蔥花即可
好好呀… 簡單又多款… 最煩就係要諗食咩…
春川炒辣雞
韓式炒粉絲
韓式蒸蛋
當煮西餐既時候，好多時蔬菜類既選擇不外乎沙律菜或者洽下啲紅蘿蔔薯仔。今次推介依個杏鮑菇既沙律，做法非常簡單，可以一早撈好晒放入雪櫃，當處理好其他主菜之後拎返出黎拌碟又得，作為頭盤亦都非常開胃
材料
杏鮑菇 4-5條
醬汁
味噌 1湯匙
沙律醬 1湯匙
醬油 1湯匙
味醂 1湯匙
日式芥末 半湯匙
做法
- 將杏鮑菇用廚房紙抹乾淨表面
- 將所有杏鮑菇中間切一刀，一分為二 (如下圖)
- 開中火，用白鑊烘乾菇既表面直至金黃色
- 兩面都金黃色之後，拎出黎等杏鮑菇灘凍
- 將醬汁部份既材料全部放入一個盒入面再撈勻
- 然後將所有杏鮑菇切成細條，放入醬汁盒內撈勻
- 蓋上盒蓋，放入雪櫃冷凍最少30分鐘即可
- 食用時可以隨喜好灑上蔥花或者芝麻
依家咁凍食好, 又噤熱又夠營養
營多撈面我諗好多人都會食過，就係無買過返屋企煮，係街邊既小食店都會有撈麵賣。但係食得多撈麵既話可能會有啲悶。今次介紹依個食譜，就係利用營多既麵底去做成PIZZA既麵底，再係上面灑上自己鐘意食既材料，非常簡單就可以製作到營多PIZZA。其實依個食譜係營多既官方網都有介紹過，大家不妨可以試下
除左腸仔之外，PIZZA面可以根據自己鐘意食啲咩就落咩
材料
營多撈麵 3個
芝士碎 半包
腸仔 3條
醬汁
豬扒醬 適量
沙律醬 適量
做法
- 煲滾水，然後將全部營多撈麵放入水，拾到可以發晒到個麵就拎起，放入一個大碗內
- 係放有麵既碗入面倒入其中一包營多既所有調味料 (如果重口味既可以落夠2份)
3)之後可以加入少少芝士碎撈勻，方便麵底成型 - 係另一隻鑊加入兩湯匙既油，然後將麵餅倒入，用鑊鏟壓平，中火慢慢煎到香脆 (約5分鐘)
- 當一面煎至金黃色之後，可以反轉麵餅煎另一面，轉到最細火
- 係麵餅既表面放上切好既腸仔片，再灑上芝士碎，蓋上鍋蓋焗3-5分鐘至芝士溶化
- 上碟後可以淋上豬扒醬同沙律醬即可
之前介紹過大家買一樽煮潮汕菜必備既調味料 - 普寧豆醬。其實除左用黎煮雞之外，有另一樣同佢非常之夾既野就係通菜。材料同做法都非常之簡單，只要記住以下兩點，就可以煮到又好味又唔會變黑既通菜
煮通菜緊記以下兩點，要大火同埋煮2分鐘左右就好上碟
材料
通菜 1札
蒜頭 4瓣
調味料
普寧豆醬 2大湯匙
糖 1茶匙
魚露 1湯匙
做法
- 將通菜先用水浸半小時，洗乾淨再掠乾水份
- 將洗乾淨既通菜切成三份，令佢煮既時候容易啲
- 蒜頭切成蒜蓉備用
- 開大火加入2-3湯匙既油，油熱後放入蒜蓉爆香
- 將所有通菜倒入鑊中，繼續用大火炒1分鐘
- 之後加入普寧豆醬，糖，魚露再炒1分鐘至均勻即可上碟
味噌蜆肉意粉
味噌可以話係每一個日本家庭必備既煮食醬料，無論煮湯定係餸都會好多時用到味噌。今次依個食譜我地都會用到味噌黎配搭上西式既蒜膏，煮出簡單既日式西餐。只要用上新鮮既大蜆 (依個食譜用左花甲) 撈埋味噌加蒜膏既香，令到每一條意粉都沾上濃厚既醬汁
如果買唔到西式蒜膏，可以簡單地用蒜頭磨成蒜蓉
材料
意粉 200g
大花甲 半斤
蒜蓉 2粒
醬汁
味噌 50g
味醂 20g
蒜膏 20g
清酒 7g
糖 5g
做法
- 先將大花甲洗乾淨用鹽水浸半至一小時，令花甲吐沙
- 將醬汁部份既所有調味料放入一大碗內撈勻
- 先煮滾一煲水，將所有花甲放入後煮至全部開口就可以熄火撈起備用
- 用中細火加熱橄欖油，將蒜片就入鑊中炒至香味釋出
- 同時間煲熱另一煲水，放入2湯匙鹽，再倒入意粉，按照包裝指示時間煮熟 (要減2分鐘，因為之後要再煮)
- 將撈好既醬汁倒入有蒜蓉既鑊中，然後炒勻至微微傑身
- 加入一湯殼煮既花甲既水，慢慢將醬汁推至均勻
- 將煮熟既意粉倒入鑊中，轉大火將醬汁同意粉炒勻
- 可以視乎喜愛既濃傑度再加入花甲水，上碟後再係意粉面放上煮好既花甲即可
@hkchef22 
唔該晒你,我睇睇 
的確煮西餐時諗整咩蔬菜係最苦惱, C6又唔好沙律菜, 牛油炒菇、芝士焗翠玉瓜依d 又整過好多次。