一切都黎得太過突然 好多嘢唔知點樣接受。
琴晚我聽到亞女喊得好犀利 所以想知佢咩事入咗佢間房 見到佢界手界都一地都係血 果下我真係呆咗 我問佢做咩啊你 因為我都嚇親所以個語氣都唔係咁好
佢第一句彈埋黎就同我講「做乜X啊」我更加呆咗 因為平時佢係一個好樂觀好開心嘅女仔
之後佢就講話「依家你識出嚟啦咩？我俾人拉嘅時候你喺邊？我每日發惡夢都諗起呢個畫面嘅時候 你喺邊？我放學唔搭車自己行返屋企 晏晝唔食嘢 就係為咗每個禮拜掉幾千蚊出去睇醫生嘅時候 你喺邊 你咪X煩住我啦 你唔愛我我咪跳咗去算囉」
我真係唔知點算 聽到佢咁講其實真係好心噏 我好內疚 間唔中佢都會講下覺得自己好廢 好冇用可唔可以帶下佢去睇醫生 但係因為佢平時真係好開心成日講笑 我同老公都冇諗過佢真係認真
佢成日都講話好想我哋同佢一齊達成一個理想 我同我老公其實好支持佢做呢樣嘢 我哋俾咗好多錢上面嘅支援佢 我以為咁樣已經夠 佢話佢都係做吓啲簡單嘢 我哋都成日同佢講話自己要小心 但都係估唔到最後佢出咗事
我實在諗得佢太大個 其實佢都仲係一個細路 我以為佢想我純粹支持下咁 原來其實佢都只係想我陪佢多啲
佢而家好似已經對我哋完全再冇任何期望 我哋可以點算好 除咗對唔住 我唔知我哋可以講咩
13個讚
聽到你講既野，我都好難過，我都試過有口難言，有苦自己知，
囡囡將心底話都講出黎，快d幫佢約睇醫生先
安慰左女女情緒先
正面地同佢道歉，告知自己發現得太遲
希望同佢溝通下有乜嘢解決方法令佢舒服啲
如果佢依家唔聽你講，就寫封信說出心底話
一齊去見精神科醫生，希望從醫生口中取得藥物及非藥物的幫助。
祝女女早點康復
-
你同你老公, 平時係… 好少同佢傾計??
-
好想我哋同佢一齊達成一個理想 … 除左錢, 有冇留心寧聽佢想做D咩? 到而家做到未?
-
間唔中佢都會講下覺得自己好廢 … 有無深入了解當中發生左咩事?
盡快帶佢睇醫生, 應該有社工跟住啦? 學校知未?
仲有係, 你同你老公需要同佢有個好深既傾計
(但唔好當佢係自己個女, 當佢係朋友, 咁樣傾會舒服D)
你唔愛我我咪跳咗去算囉 (呢句入面, 包含左,你平時好少理解佢心入面感受, 亦可能你, 你誤解左佢, 佢自己屈埋係心, 睇到覺得好傷心 
)
1個讚
首要處理傷口，止血先
再安撫情緒，去到有死的念頭就好大件事。
精神科醫生收費唔平，女女一個人負擔肯定好困難。
父母可以負擔到嗎？
如果唔得，可以睇家庭醫生，寫紙轉介政府排期
但當然要排好一段時間
政府真係分分鐘以年計的等待時間
通常要睇住私家去排政府，我知道中環卡佛大廈 梁偉x醫生，收費比其他平。如果樓主女女同意轉醫生，可考慮下呢個。否則就睇返女女睇開嗰個。
1個讚
契約
叫阿女應承自己唔好死
呢個方法係治標唔治本，但可以買時間
但如果佢hea你，就唔work…你要打動到佢先有效
其次係，比阿女知父母會支持佢
如果2對1，或1對1傾，以佢舒服肯講嘢為考慮點
佢收埋咗咁耐，應該係搵唔到一個傾偈對像，好難要求佢一下子講哂
如果佢有醫生睇緊，你問吓佢覺得依家個醫生點，佢好唔好人，喺嗰度傾偈舒唔舒服，之類…
唔食飯係好大問題…營養不良會影響精神、睡眠、體力等等，惡情循環，留意佢會唔會冇胃口
轉換空間，安排固定親子活動，例如一星期一次
諗吓佢以前鍾意啲咩活動，投其所好
可能都係2對1或1對1，要試吓點樣好啲
1個讚
做父母每日都係學習，囡囡情緒發洩出嚟都係好事，慢慢一部一部咁樣好好傾吓啦，父母視覺同仔女視覺好多時本身係有好大分別，我哋都要用時間去適應，先可以諗到點做，一齊努力
冇醫生但可能安排到輔導員
我睇咗錯，已經自殘算緊急，可能會見到醫生
如果係輔導員都照要，輔導員傾得幾深入
但阿女可能會介意唔肯睇？
係嘅話就冇得免強
關於睡眠
如果已有失眠困擾
儘可能用一啲非藥物既方法處理
例如播放一啲輕柔既音樂幫助入睡
先放鬆心情
訓唔到都唔好太怪責自己
慢慢再試其他方法
1個讚
如果自己處理唔到，盡快一齊睇醫生
情緒病並唔咁簡單，一齊搵啲專業意見
希望早日解開
放低晒所有嘢，陪呀女….可能佢仲會怨你哋，講好多難聽嘅說話，但一定要陪住佢……用陪伴來表達歉意
LoveB
20
睇完樓主個message…我個心都揪住揪住
我唔知自己有無Miss咗。女女幾多歲？青年人嗎？
發生咁嘅事，無論女女同樓主、老公都會傷心同擔心。而家女女傷口止到血未？深唔深？如果眼見嚴重真係安全起見送去急症先。
個心係一定會好亂。最緊要呢一刻大家平心靜氣。就算過咗今晚。樓主都忍一忍，我覺得語氣上都需要。
樓主妳本身有工作嗎？如果有，聽日不如請假留意吓女女情況。其實唔止妳㗎，有時其他父母可能見自己仔女開開心心無咩嘢。有時可能仔女收埋都未必察覺。
妳都可以再仔細了解吓女女想法，同佢深入傾吓偈。期間佢一定會有情緒，希望樓主妳都可以聽佢講。辛苦妳呢個媽媽，真係會好難受。
之後就同女女傾吓，會唔會一齊見吓輔導？除咗私家、政府醫院 (排期會耐，我估除非因今次事件入院會排得快D）、又或者可以考慮青草地呢D非牟利機構。因為收費會平好多。起碼快D希望見到專業人士先。
純粹個人意見
始終每次經歷嘅事，每次處理手法都可以唔同
希望女女無咩大礙、盡量身心靈都康復。
樓主&老公要撐住啊
你哋唔會孤單㗎。
2個讚
