女女心情好啲未？希望經過今次事件，女女不用收收埋埋自己的想法，你們的關係可以更進一步，女女也可以快些康復
其實我都有一位抑鬱症的朋友，她很早之前給我看了一編文章，使我更學懂和她溝通，希望也幫到你
我相信你女兒知道你愛她的，否則也不會告訴你們她的理想，可能今晚她一時情緒低落，才只想到負面的事情
今晚好好休息，明天再用心聽聽女女的需求
3個讚
呢一段時間，作為家長都會好辛苦㗎，因為女女未必咁快接受番你，甚至可能會講好難聽嘅說話，但希望媽媽你唔好放棄啊，亦都唔好講任何有judgement嘅說話，唔好反駁佢講嘅野對定錯，呢個時候佢好需要無條件嘅接納，令佢感覺番父母係企喺佢身邊，畀佢知道一直以來你地唔係唔愛佢，只係唔了解佢真正嘅需要。
但媽媽都唔好咁自責，你都要好好的呀。祝福你地。
唔好咁急住帶佢睇醫生啊 慢慢黎 情緒差既人係唔會肯跟你去睇醫生架～ 我覺得年青人都唔敢直接同屋企人講心底話 可以試下用msg同佢傾 或者搵唔搵到佢既好朋友？問下佢朋友知唔知道佢發生咩事 之後等佢心情有少少好轉再去睇輔導！
情緒病係冇得解釋嫁，可以本身好地地但突然發病
唔使自責，盡快去睇醫生
之前睇左Jonas細路佢有一條片係講情緒病陪伴
佢都係突然之間有左情緒病
呀囡一直收埋自己
冇將內心真正既感受同至親講
佢或者未必想家長一齊入房見醫生
我覺得，家長如想急於了解，反而會做成呀囡心理壓力
到時如果有需要家長入房，醫生都會提出，結論交返俾專業人士就可以
就咁睇
呀囡問左家長幾次"你喺邊"
似係怪責
但亦係渴求家人既陪伴
樓上講jonas果條片
題目係由家人角度去講解
值得一睇
見到就好心痛，屋企人曾經有情緒病，食左藥一年左右已經好番，加油。
1個讚
好心痛
你同佢做左對話未？真係打從心底講出所有說話
同佢道歉，話佢知你關心佢，後悔忽略左佢感受，後悔要佢自己獨自面對，希望佢會接受你，你想同佢一齊對抗情緒問題，你想陪伴佢，你係一定支持佢，希望佢願意同你打開心窗
你識唔識佢既朋友？有冇朋友可以幫忙做你既spy，唔係監察，但可能有啲心底話佢未想同你講，咁有機會從朋友方面知道
多啲攬下佢，錫下佢，話佢知佢長大左都仲係自己既baby,永遠都係媽媽既最愛既baby
囡囡應該都唔係好識表達自己，父母亦冇深入了解佢嘅需要。
囡囡應該都大個？青少年要開始學習自己解決問題，同及早向人尋求協助，唔好用「暗示」，而係要向人明言。
同埋就算父母唔掂，都要識得向外人搵幫手。
如果可以嘅話，問下女女肯唔肯見社工/輔導員/心理學家。其實佢界手又俾你見到，係一個msg: 有想死既諗頭，但未必完全想，同想你知道同關心。而見精神科醫生會通常會開藥去穩定情緒，但未必解到心結。同而家就算搵私家都可能要等幾日，因為太多人屈到病。
記住好好陪個女同行
片中主角個女都曾經企圖自殺
唔好介意我轉咗做匿名，其實一年前我小朋友都有類似經歷，因為家庭原因佢試圖自殺，最後被送去醫院而且證實患有抑鬱症，其實我覺得佢有燥鬱症先啱
，因為成日對住屋企人發脾氣。
其實佢呢大半年都成日界手，所以好明白你見到佢咁樣，你會覺得好難受。佢同我講覺得界手可以令佢減到少少壓，因為佢之前好想有部 iPad，我有同佢約法三章，我買部iPad 比你先，但你應承我一年唔好再去界手，當時佢應承咗，最後當然違背諾言啦，我承認當時想 buy time，想令佢唔好再諗儍事。
因為我呢個case社署介入咗，呢一年有社署社工，學校社工，政府精神科醫生，政府心理學家同我自己揾咗私人醫生跟進，有食精神科藥物(大約半年左右)，成效好唔好，我覺得一般啦，佢成日同我投訴唔想見社工，佢覺得佢地好煩，佢地講啲野我夠知啦，洗乜你講，見佢地又浪費時間，但我主觀覺得好似食咗藥好少少啦，所以一定要佢 keep 住睇政府，因要配藥食。
而家呢個階段，你最好多啲陪佢，幫佢發掘一啲興趣，我有幫佢上幾個興趣班(全部佢自己鍾意啲興趣)，有時佢打手游，都要迫我坐響佢隔離，因為佢話想有人陪佢。所以你個女會唔會都係想人陪多啲佢。上個月佢突然問我，你覺唔覺得呢幾個月我無界手呀？諗返起又係咼，希望以後可以越來越好啦！
所以你可以揾精神科醫生，睇吓可唔可以配啲藥比你，多啲陪佢，幫佢報啲興趣班，而家佢有病又係青春期，喺難搞啲。加油! 有咩事可以多啲上嚟講，條路喺長嘅喇，無辦法
16個讚
陪佢睇精神科同心理輔導
多啲同佢傾偈陪伴
係真係聽佢講 唔使加個人意見
好心痛，唔知點安慰你，只能留個言鼓勵下你，做媽媽要陪囡囡走出難關一定好辛苦，你都要好好錫自己，不要過勞
陪佢一齊行
我2個小朋友都有情緒病，佢哋都有同我講過好彩有我，仍然相信佢哋、陪佢哋一齊面
如果有自殘/自殺傾向，一定係call白車入急症室先
之後再由醫院轉介精神科醫生跟進
去到有自殘/自殺情況，已經係刻不容緩，唔好再諗慢慢同佢傾下，開解佢
首要係即刻睇醫生先，入急症係最快見到精神科醫生嘅途徑，希望盡快有藥物治療
唔係想嚇你，朋友嘅屋企人有抑鬱症，有自殺傾向，屋企人已經長時間陪住佢寸步不離
但病人趁屋企人去廁所，即刻衝出門口，搭笠上頂樓，一出笠就跳咗落樓
所以真係唔好拖，唔好諗住自己攪得掂慢慢開解之類，要快啲帶阿女去睇醫生
7個讚
曾經有屋企人是抑鬱症患者，你囡囡個case要直接搵精神科醫生，我建議負擔到就盡快睇私家政府新症會排好耐，食藥大概2星期就會起效，係呢一刻唔好講一些明白佢心情或者道歉或者唔好唔開心的說話，再講只會刺激佢，佢需要係父母關心同陪伴
這個是什麼意思？
你哋有冇可能抽啲時間，陪伴佢做戶外運動？
https://fcsc.caritas.org.hk/contact
向晴熱線 18288
家庭危機支援中心
辦事處電話：2383 2122
以上兩個熱線電話
有當值社工會接聽電話
佢地會提供專業意見
網頁內另有其他電話
可以自己再睇下
1個讚