好典型嘅blame the victim
只要解決提出問題嘅人，問題就會消失。
唔排除有過份緊張嘅怪獸家長，但總有真係被欺淩得好慘嘅學生，需要幫忙吧。
一見到「老師責任只係教學」就知呢個係教畜嚟。
阿老師，似乎補習社比較適合你多過學校喎
欺淩係會出現，但身為老師見到唔出手阻止，仲叫家長檢討？
枉為人師表。
被欺淩……小朋友要盡早習慣？點解要習慣？？？
老師責任只係教學……上堂教完落堂就算？學生身心唔需要顧及？
咁膠，句句刺激所有家長喎，有幾成係真？
咩價值觀? 呢個社會有欺淩所以學校作為社會縮影有欺淩大家應該隻眼開隻眼閉? 你比人欺淩就係因為你有問題, 個個唔蝦剩係蝦你! – 我睇左D咩? 咩老師嚟?
懷疑係咪真係出自教師？缺乏同理心，思考分析有問題，有無學校或者老師覺得呢D理據啱？！
咁都可以做教師，香港教育真係死咗
咁多人唔同意呢篇嘢講法，搞到我都係匿名出文好D ，戴好頭盔先 …
我做家長，阿仔返來話被人蝦，我係一定唔會出面出手去幫佢排解（絕唔會揾老師、亦唔會揾蝦人嘅同學家長），只會教阿仔點樣面對，同佢分析原因，強化佢外在內在。會教仔自己揾老師講返件事求助，但絕唔會用家長身份揾老師傾。
如果由細就出面同佢排解呢D 糾紛，佢會唔識同人相處咖喎。
呢篇嘢擺係家長 secret ，啱數喎 。
被欺淩者一方(家長同學生)咁諗無問題, 強化自己心態積極面對,
但如果老師(被認為係應該主持正義, 中立一方)覺得:
“有欺淩呀? 係咁咖啦, 出嚟社會都有咖啦”
“你比人蝦一定係你有問題, 自己反省下啦”
BLAME THE VICTIM 態度我就覺得有D失望
如果換成所以下事件擺入篇文，係唔係更容易理解，個觀點有問題？
以下是本人老作，擺明膠：
好多人覺得喺學校被人強姦、非禮，要同老師投訴，其實學生應該反省吓，點解全校咁多人，只有你比人強姦非禮，係唔係你日常行為令其他人想強姦非禮你。
老師細個都被人強姦非禮過，但我克服咗，仲成日同仔女講自己被強姦非禮嘅經歷，所以家長應該要和仔女克服呢啲經歷，當無發生過，件事就會解決。
要睇下欺淩有幾大件事，我有聽過小朋友小息無人同佢玩，家長投訴小朋友被人孤立同欺淩。
如果以老師身分係講得過分左，但某程度係事實，好少見欺淩事件會因為老師介入而解決到，反而投訴完好多時俾人恰得仲慘。
篇嘢話咗佢嘅身份係老師，都係家長。
可能佢真正嘅身份係老師+家長+欺淩學生嘅家長呢
咁 佢咁講立場上就好啱
係咁更加唔應該一本通書喎, 你唔同身份要有唔同立場, 自己小朋友比人欺淩你可以教佢積極面對, 樂觀態度, 諗下自己有無問題
但老師面對有學生被欺淩就應該主持公道, 了解事件
最慘而家好多教畜都多一事不如少一事.
見到欺淩完全唔理. 總之唔好自己上身唔關自己事.
結果被欺淩既越來越慘…唉…
如果佢咁識諗，佢就唔會出邊咁嘅膠野。
根本有啲人，覺得自己仔女做錯乜都係其他人嘅錯。同學嘅錯，老師嘅錯， 社會嘅錯，甚至老豆/老母家族嘅錯(遺傳)。
我小學俾人欺淩過，有好老師亦有唔好既老師，無錯，有d好老師會嘗試調停，確實係無咩用，但至少心內會有點安慰，至於我丫媽，我係無同佢講過，因為唔想佢擔心，但最後都係知道左，但佢知道果刻唔係安慰我，而係責怪我既問題，果刻感覺係好孤單好無助，叫被欺淩者改變，強化自己只係敷衍既說話，係一個大環境，個個都慣左欺淩你，其實你點改變都無用。所以如果我仔女被人欺淩，我會同佢地死過，有無用唔知，但至少話俾子女知，我永遠企係你果邊支持你
雖然個教師態度絕對有問題, 但佢又唔錯得晒. 其實真係睇返單欺淩事件嘅嚴重性.
如果係小學生, 因為冇人同佢個小朋友玩, 孤立個小朋友, 對小朋友嚟講雖然都係好大件事, 但未去到言語或肢體暴力程度. 被欺淩一方嘅家長亦都好應該檢討吓自己個仔/女嘅社交能力, 針對社交能力幫仔女做培訓/引導. 屋企如果有多過一個小朋友, 兄弟姊妹之間一定有爭執, 只不過嗰個唔係同學仔, 咪唔覺得係欺淩囉.
推薦一本繪本"我就是不想跟你玩", 有講到學園欺淩, 我每次同小朋友睇呢本書時都會叫佢地代入唔同角色, 問返佢地會點做 (欺淩者 / 被欺淩者 / 被欺淩者嘅朋友). 教導仔女學識處理同學嘅壞行為, 一定比起只向老師投訢有效. 但當然啦, 如果涉及言語肢體暴力, 呢啲一定要學校甚至警察介入, 千祈唔好忍.
你阿媽無用啱嘅方法開解你啫，佢未必唔想幫你。
支持仔女，唔係要由你出面同欺淩者死過嘅，我會教仔女自己同欺淩者死過囉。你個樣唔蝦得先唔會被人蝦。至於咁樣是否以暴易暴，我講嘅係所謂欺淩係未發展到肢體損傷個隻。
我細個無被人欺淩過，大仔都無，細仔初中應該有被排擠孤立，佢無求助於我（家長日老師有講過），後來佢應該係自己解決了。