點解講到欺淩者無錯，錯在被欺淩者？？
1個讚
呢度無人話欺淩者無錯，樓主貼出來篇文都無咁嘅意思。
教仔女，唔單止要教佢唔好蝦人，都要教佢點樣唔好被人蝦。
1個讚
而家啲香港教師質數就算啦，咁嘅環境仲留晌香港教書，都係為咗份糧啫。
我自己覺得被孤立就無必要搞大件事，但肢體暴力不能容忍。
無錯。孤立可以當享受寂寞，比人笑可以笑返佢地幼稚白痴，但比人打就唔可以忍，一定攪大佢。
其實比人欺淩既同學一舉一動往往都備受矚目（因為其他人要睇住你來笑）。所以，有效反擊方法唔係正面衝突，而係要活得比佢地好，亦係train 自己eq 既好時候。
呢d青春期小朋友唔明，當局者迷，需要家長係隔離引導佢。如果過到呢關，日後出社會都無咁玻璃心。
2個讚
我諗起姜濤，佢話自己細個成日被人蝦，現在佢嘅應對，係成熟過同齡嘅藝人。
係真架。what cant beat you make you stronger. 如果可以正面d睇bulleying, 其實係train eq提早入社會既一課。而且當時既孤立，都迫你有多d時間面對自己了解自己。
當然啦，實有人話你不在其中一定口響響講到好易解決咁，亦有人話好在你只係比人孤立比人笑下jie, 如果受更嚴重欺淩一定唔會講到咁易。
其實，人生往往有逆境既時候。你有無去求救，點去求救，如果無人幫自己咁點去自救，呢d都係life long lesson. 身為家長同老師，插手幫係幫唔到d咩，只好適時做軍師開解下。但正值青春期，d年青人都覺得好掉臉唔敢周圍同人講ga la. 呢個梗要自己過。內心要識強大。
2個讚
佢篇文講得好清楚，佢自己細過受過，覺得我捱得過家長自己教返仔女都可以捱得過。
被欺淩其實個個原因都唔同。我細個真係聽過訓導主任當住全班同學，同受害同學講叫佢諗下係咪自己有問題。我人生係唔同學校都經歷過三四次唔同同學俾人欺淩，我係外圍跟隊果啲。
講真，大個識多啲先知被欺淩嘅啲同學疑似自閉，又有啲只係某個同學出於妒忌，又或者外形上比較特別。成班人會欺淩佢哋只係因為唔識共融，家長會知道哂全班同學係點咩？可以點提醒佢哋？一個家長教得好又點，只要班上面嘅大哥大姐係唔識，就有一班同學跟佢哋蝦人。
老師認識全班同學，先至係最能夠教佢哋每個唔同嘅人之間點相處。
1個讚
部分同意位老師嘅喺，同學仔要自強。
唔同意老師講嘅，老師只喺教書。
喺英國學校第一次家長日，老師同我講，小學階段，最重要喺識朋友。雖然我仔無被欺淩，但7成面談時間都喺講社交，無咩講教書。安排咗朋友不突之，仲話set咗嗰target俾阿仔，要佢每日都找到同學一齊玩。我喺香港轉過唔少happy school ，未試過有老師咁關注仔社交，好震撼。
最後同意老師講，學校喺社會縮影。呢位香港老師打工嘅態度，完全反映咗香港社會嘅現實。喺香港社會，強權壓落嚟，政府唔會幫你，喺學生時代就認清現實啦。
1個讚
該主題在最後一個回覆創建後90天后自動關閉。不再允許新的回覆。