請大家隨便分享
有興趣就講下
尤其想知道你地同其他人既互動，合作係點
利申：我自己係非常反對、亦好抗拒“見步行步”呢樣野，我真係接受唔到LOL
所以先想借呢個po了解多少少，感謝大家
1個讚
我性格係好驚青 所以都想了解吓 呢一種心態
對唔同嘅人、唔同嘅事處理唔同。
近年同唔同朋友傾移民問題，有時plan 好哂都會有阻滯，我就同佢哋講關關難過關關過，真係要見步行步。
我性格係做哂萬全嘅準備之後，就用天跌落嚟當被冚嘅心態去對付未知嘅變數
因為我份人好焦慮，所以應該要多啲佛系
4個讚
呢類題目超似想當年中化小組討論
1個讚
我係相反 想控制所有嘢
但係發現真係好辛苦 壓力大到會嘔
但係到頭嚟又咩都改變唔到
有時誤打誤撞可能仲好
所以而家只會諗大方向同盡做
結果係點就由佢
呢個世界太亂啦 根本控制唔到
之前做FYP嘅時候老師話有外國姐妹學校嘅產品要幫手做 之前做嘅全部落曬垃圾桶去迎接
結果一個疫情打嚟 我畢業前都未見過個產品呀
連學都冇得返 實驗做唔到
得一個完全唔合格 得十個樣本嘅問卷
咁未又pass左
放鬆啲 個人都開心啲
2個讚
呢個講法只係hae 人，其實心中早有盤算
1個讚
我都覺呀…我自己估，佢地因為唔想人煩住哂唔鍾意同人交代，所以先會咁樣講一句“見步行步”
2個讚
有埋呢句，感覺成件事正面左好多
工作定點？
盡人事聽天命。做好自己本分，明白世事不如意事 常八九，平常心面對時才能對突發事寧活應對。
正所謂不要為明天而憂慮，一天的難處就一天當就夠了。
1個讚
我一定唔係聽天由命嘅人，一定係做足準備，以備不時之需。
例如最近嘅⋯⋯肺炎大爆發，必理痛及感冒藥 ，平時屋企一定準備有足夠儲存喇，阿媽中咗招，仲可以比幾盒外家，
過農曆年時屋企仲有咁多儲存量：
（兩盒半特效必理痛、兩盒半必理痛傷風感冒、五盒蓮花青瘟、一盒半銀翹解毒片、半盒藿香正氣片、兩盒藿香正氣水、京都念慈菴）
仲有啲感冒沖劑、盒仔茶、沙溪涼茶、金銀花白菊花⋯⋯
其實而家睇返，見到咁多人都冇準備，
我都懷疑，我係唔係有啲神經質，
我算係freestyle嘅，但都唔係你講果種人，有時係控制唔到嘅範圍，就會放寬心理放過自己囉。
例如，我控制唔到老爺奶奶鍾唔鍾意我之類。
明明有時間 有空間 有條件準備，都唔去做，好似上面話買定必理痛咁，咁仆左街唔好喊
1個讚
我一向唔plan見步行步！因為我覺得諗咁多冇意思又未必會發生，點解唔做好目前嘅野？
我會有個大概就算, 唔會好細緻.
我去旅行係只搞機票同頭幾晚酒店, 行程係今日Plan 聽日
我覺得去旅行咁樣幾好，太早plan好哂每一日行程，要追行程其實都幾辛苦
如果放個假搞到好似返工咁要樣樣野預備好，咁點放鬆呀？
會有個基本計劃，
也同時有遇上情況突變嘅心態。
我係plan得好足先安心嘅人
去旅行會有a,b,c plan
天氣唔好，miss左班車都即轉
但去到當地都係睇心情
總之返到酒店、安全就ok
1個讚
“見步行步”好多時只係拖延的藉口
有個朋友好鍾意問人意見，打探人地嘅睇法，當你俾意見佢時，佢就話都係要見步行步，其實佢根本一直只係原地踏步，冇任何實際行動，浪費自己和別人的時間。
見步行步對於我嚟講唔等於齋講唔做/冇planning/冇諗法
我做野都中意留d buffer比自己
但拖延症係另一樣野
我有同事係嘭嘭聲乜都去左先
佢有時都話我拖佢、叫我唔好問咁多野……
但我又會覺得佢係衝動、唔聽人意見