拖延同衝動之間取到個平衡的”見步行步”就最好
1個讚
樓主,唔好抗拒，某程度上，我好鐘意呢種人
睇咩事啦！工作上，對住閪老細，都係只有見步行步，我就係咁！對住工作日變夜變，永世無 fix，唯有係咁！當然，人要夠靈活識走位。做唔到冧檔，真係天跌落嚟當被冚，大家恰埋眼攬炒算！做到無人讚，做錯你狽飛，有邊個肯蝕底去做？唔咁做又可以點做？
對於唔鐘意變化，做慣死板工種既人，吓吓 plan 住做，就會覺好辛苦，成日會擔心焦慮，好易屈出病架
2個讚
謀事在人，成事在天
堅持而不執著
我反而覺得見步行步係去咗先講嘅行動執行者，有D 人乜都話要諗好哂plan 好先行動，但世事多變，計劃永遠趕不上變化，咁都要行出第一步，有乜事嘅時候到時再見步行步囉
1個讚
某程度上會覺得做到見步行步嘅人好犀利，例如有啲朋友做生意，freelance維生
我覺得佢哋好有勇氣，我就唔夠膽要放棄正職去做同埋唔知長唔長遠
咁就要視乎佢只係口講的見步行步，還是有行動的見步行步
Hope for the best
Prepared for the worst
Unsurprised by anything in between
算唔算兩者兼備
2個讚
其實呢個觀念係咪可以叫做“隨遇而安”?
無話啱唔啱，如果咁樣就會諗少d開心d
當然針無兩頭利，有得就有失，要睇番嗰個人點諗
其實都係一種境界
我自己就唔重要/控制唔到既野就見步行步
儲錢/學業嗰d梗係要有plan啦，不過都會睇到時情況而作出改變
我覺得大部份人做事都有plan 嘅，只係plan的嚴密程度有不同。喺香港呢兩年，遇著千變萬化的政策，真係要靈活變通。見機行事。
我都係
我曾經係天羅地網預備plan A,B,C, 嘅人， 以為自己好叻咁，壓力大到有焦慮症，人生規劃卻又不似預期, 反而盲舂舂咁又會有意想不到嘅收穫。 近幾年決定過自由自在，低慾望，見步行步嘅生活，而我依家擁有‘見步行步’嘅條件係偶然機會累積得嚟嘅！ 感恩原來一切上帝早已預備！ 
1個讚
ok呀，冇問題
開呢個po既目的，就係想試下由另一角度認識我唔鍾意既呢種處事態度，睇下到底有乜野好
見到大家咁熱烈討論，我好開心
呢個回應100分
平衡好重要，即係類似“取長補短”
1個讚
對住閪老闆，呢種人先對付得掂，旁人望住，都覺大快人心，出返啖氣！仲可以保心臟，心情愉快，分分鐘將壓力化成笑料
我諗心臟病,抑鬱病,精神病…都少 d,唔駛成為社會醫療負擔，haha
我諗起上流寄生族主角爸爸講：冇計劃就係最好嘅計劃。
有啲人真係唔會有計劃，諗嘢過分樂觀，到有問題就埋怨。我身邊有一個例子，事主冇真正計過條數就生2個小朋友，之後發覺支出太大，日日喺度怨，冇計劃嘅後果要全家一齊承受。
樓主提出果兩句說話，我經常要黎忽悠d無謂人又或者d想梳擺我人。
唔想/無必要交代咁多，就會咁講。
我同你一樣, 我了解成件事之後, 心會有準備同打算, 之後就用天跌落嚟當被冚嘅心態去面對…
我心態好樂觀, 就算有咩唔開心事, 我都盡力做阿Q搵個開心點去令到件事好D…
坦白講, 我幾鐘意我自己呢一份性格… 
我人生格言係"Prepare for the worst and Hope for the best."
1個讚
請問你介唔介意分享多少少要過咁樣既生活有冇咩必要條件？定單純係心態上既調整已經足夠？
好現實，一個字，你知，我知，個個知。問題係要幾多，個個唔同，有冇必要冇止境追求？亦視乎年齡，一過中年，駟馬難追！
其實樓主講呢兩種心態我都會有，係睇咩情形就用咩心態去對待。
如果樣樣都只有一種心態，做人就會變得唔夠靈活應變。
一路追po，我開始慢慢睇到“天跌落黎當被冚”＆“見步行步”呢兩種心態都有其可取之處
接受程度已經有所提升
如果之後有時間，都會想做個round-up
我開po係想睇下學唔學得識點樣應對
信心未係好夠，不過因為大家既回應開始有左初步既方向
唔抗拒係第一步
呢度提到針無兩頭利，我同意，每個生活態度都必定有其可取之處
真係好睇當時情況，去決定揀“見步行步”定要繼續諗多幾個方案