真係唔好為去而去、苦了孩子
3個讚
樓主有以下選擇：
-
唔去英國，咁就要和老公離婚，自己喺香港又返工又湊仔
-
跟現任老公去英國。和老公協議分開住，自己養掂個仔。但要保證6年內老公唔發難和你離婚，佢仲可能用呢個要脅樓主。樓主生活都難有保障。
-
和現任老公離婚，和男友結婚，再申請bno visa。但呢個情況下，小朋友申唔申請到bno visa? 又，如果離婚後，男友唔肯結婚，就pk。
-
去中國投靠父母
睇曬上面，我諗1+3/4啦。留喺香港，由得老公離婚走。然後睇下男友肯唔肯定接你走，如果唔肯，樓主仲可以選擇繼續留香港，或者去中國
1個讚
睇黎最保障係留港或者返中國揾父母，萬一你跟老公過左去，而家佢話肯6年後先離婚，但之後萬一反口點算。
明白緊係想個小朋友過去生活，但萬一佢反口，你同小朋友就要離開。
除非樓主真係有筆錢可以去加拿大。
2個讚
睇完所有comment，個所謂新男友唔係咁可靠囉，係想接埋你就一早propose你離婚再結婚啦，咩壓力大都係借口，一個男人想同中意嘅女人生活係唔會有壓力架，只有你唔應承佢一齊先會有壓力，分分鐘佢係個邊已經識左個新，你又同佢無名無份，憑乜佢一定申請你，而家接你過去都唔肯，冇得諗。
另外老公個度，你未離婚已經同左第個一齊，我諗都冇乜可能同返你重新開始，而佢又好大機會已經有第個，不如諗快d離婚還自己一個自由努力生活先啦，移民呢d唔到你諗，因為你而家冇呢個能力同資格。
7個讚
其實你同老公係咪真係完全冇彎轉？曾經我都同老公嘈過大單野，我都執野走嘅（帶埋小朋友），但最後我地有傾過後決定從新開始，而家關係都唔差嘅。
同邊個男人都好，希望樓主最後唔會掉低細路唔理
唔係啊，咁情侶申請嘅話英國果邊正路都會睇下你地兩個嘅關係係去到咩地步，咁一睇，頂啊，個女岩岩離婚嘅，咁你地一齊左幾耐先
定係得諗多咗，其實英國果邊唔會睇咁多野
有結婚證書就得啦，用civil partner身份先要睇係咪同住，同住幾耐，有冇證明
1個讚
唉，自力更生啦，做呀仔既好榜樣，雖然辛苦，但一邊工作，一邊湊仔無話無可能，無屋住就申請公屋。唔好多多藉口，唔離婚又識第二個，依家通過左BNO可以俾埋個仔，你老公去英國，真係成功留低，你仔仔大個左想去英國都唔難。
1個讚
加油
咁前題係爸爸到時重記得同肯認個仔先得
其實女人冇男人都可以，做女人要有靠自己都可生活嘅決心
贊成，靠老公靠男友，應該諗下自己點樣行出黎
樓主你去到英國有冇信心搵到工？你自己夠唔夠獨立？
如果有能力，一於跟埋老公同仔仔過去，自己喺嗰邊set up 新生活
仔仔返學，你返工，時間應該好容易過
嘩一個男人肯唔肯俾個老婆用自己個visa留係英國，又出去識男人呀
得你老公有bno，無感情仲要喺新環境對住起碼六年，就算有感情嘅夫婦過到去乜都要親力親為，無人無物，你仲要話佢係窮，好多野要一齊傾去妥協，好多都鬧曬交收場，你小朋友見到你地咁都唔會開心，佢可能喺香港多d親人仲開心，唔好介意我坦白，我係你就唔會同佢過去。
2個讚
你都已經有另一個情人，
你仲要唔要個仔？
容我講得白d,
其實你沒有 BNO, 即係點都要老公或者男朋友申請你和小朋友過去, 所以我覺得 與其 靠男人不如靠自己.
如果諗邊個申請你去, 一個係你唔喜歡的人, 另一個是未有能力申請你去的人, 諗嚟都無意思,因為你是被動的.
1 係離婚喺香港從新開始, 2係諗移民去澳加從新開始
到再有機會被申請去時再諗都未遲
無人話去咗澳加不能再去其他地方, 你小朋友還少, 相信你也年輕, 不用抹殺可能
2個讚
移民冇錢已經艱難
你係冇錢仲要對住個唔鍾意既人喎
唔日日家嘈屋閉都難啦！
我諗你仔未攞到護照先心靈崩壞
我唔會建議你移民
人地隨口講肯捱肯做頂六年攞本護照好易
真正捱果個可能抑鬱
3個讚
睇你為唔為個仔，拿我冇判斷，純粹攤出嚟傾：
為個仔：跟老公
為自己：跟男友，個仔比老公
你係香港有冇工作？