得老公有BNO, 我同準備3歲嘅仔無。距係我仔出世4個月嘅時候出軌，中間各種事，到宜家我已經對距無感覺甚至厭惡，但都應各種原因未離婚。
距想移民，都想個仔移民。話比多個選擇仔仔。
我唔想同距相處，但係我又唔想因為我令到仔仔無咗個選擇。我宜家好矛盾。
我想去嘅，但係唔想同我老公去。
又擔心我去到個仔咁細， 我無辦法做嘢。。。
1個讚
個人意見:
如果去到你唔做嘢只湊仔都可以捱到6年嘅話: 去 (當為個仔攞本PASSPORT頂硬上)
如果去到要捱又憂柴憂米咁就唔好啦
10個讚
我老公就係果d好窮嘅人，我都唔知距有幾多錢去。
我去到肯定就要安排好個仔就出去搵嘢做嘅啦。你話要我靠距，其實我自己都唔想，又無安全感，不如靠自己。只係但係去到已經無人無物，仲要對住個唔想對嘅人，我究竟得唔得。。。
1個讚
咁你自己有咩技能學歷? 有信心搵到工都可以去馬嘅, 最怕你仲要養埋佢又湊唔到個仔, 到時更加唔開心
養距我就肯定唔會啦。我只會考慮可以獨自養起個仔同自己。如果我個仔有5-6歲，可能我都會即刻去，唔諗，因為都叫大個可以返學有自理能力，我都可以出去返工，但宜家距得3歲，我只怕開頭我都返唔到工。。。
4歲可以讀reception啦。
即係下年9月，你安排得嚟差唔多啦
2個讚
不過都要睇下究竟你老公有幾錢過去，傾傾先啦
但個問題係佢先有BNO佢係主申請人, 如果佢到時要食軟飯而你係佢 DEPENDENT 咁為左本護照同個仔你可能都要焗比
4個讚
咁恐怖。。
但係其實我係香港宜家係同奶奶姑仔一起住，我無自己嘅地方，都無娘家可以住。
距話就算我同個仔唔去，距都會去，咁到時就要辦離婚。
我都唔知自己應該點，我覺得係香港好壓抑，主要原因都係因為婚姻不順同無自己嘅地方。
我都真係想去一個新嘅地方。唉
1個讚
咁到時個仔跟邊個? 佢又錫唔錫個仔? 如果佢要帶仔走你又肯唔肯, 見唔到個仔你又點? 又或者個仔比你喺香港你又養唔養到? 如果上述答案你都清楚咁就可以作出選擇
咁就要睇你地手上究竟有幾多彈藥啦, 如果去到都搵朝唔得晚, 又或者搵唔到工有無退路? 返香港仲有地方住? 如果有的話咁就放手一搏啦, 當比個機會自己同埋段婚姻 (仲有個仔)
3個讚
反正都係迫住走，如果有心理準備死捱難捱，我會考慮離開
min之類嘅嘢，我都希望去到可以搵到文職啦。我最擔心係搵工啊。因為我個fd去咗4個月都仲未搵到份長工，搞到我好擔心。再加上我有個仔，就更加擔心
1個讚
如果我決定唔去，我會帶住個仔係身邊，如果香港有屋，我都有信心可以自己養到。距當個仔可有可無，但係宜家見個仔咁得意識回應，又成日走埋來同距玩。
其實我自己都係得30萬，入面包括要交嘅保險費（阿仔同我嘅儲蓄危疾）
係香港我只可以住係我奶奶度。我唔知我真係離婚之後距會點對我，就算真係比我住返係度，我可能都會覺得好奇怪
1個讚
的確係要預搵唔到工要點做, 我有朋友去左年半都未搵到 (好彩佢彈藥夠)
果邊就算做收銀都要INTERVIEW 問好多嘢, 同埋個個都話去做收銀, 講到人地國家本身無收銀咁
如果要做D 體力勞動/厭惡工作自己又頂唔頂到? 個個都話肯捱肯做就唔死得人, 但捱嘅定義人人不同, 移民好大決定, 唔係想放負但不要高估自己, 有個仔更加要謹慎D
2個讚
其實得佢有bno 嘅話，你唔想同佢一齊去係唔得架啵，即刻你點都要捱6年，冇話淨係養自己同個仔啊，你老公搞唔掂要返香港，我諗你地一日未有永居一日都離唔開個老公
3個讚
99對你點? 我都識人係離婚後仲同99一齊住, 99仲幫手湊等佢可以返工 (99一齊鬧個衰仔玩女人正人渣)
1個讚
呢個就係最大嘅問題，最大嘅糾結啊，6年啊 好恐怖
我覺得就算真係因為老公有BNO同為個仔頂硬上，都要傾好過到去你哋打算用咩模式相處，6年如果仇家咁又同屋都幾難頂，同埋如果到時去到大家都再搵到另一半定點你地要出發前傾好，咪佢去到掉低你嘅話，你就唔會有居留權，當然到時搵僱主擔保定點都會有方法。
但係重點係你哋攤哂出嚟講，佢無咩錢又係另一個擔心地方嚟。
5個讚
對啊，所以我左諗又諗都諗唔通。
如果距真係有再搵另一半嘅打算，我反而安心d。
因為其實件事3年了，我都識咗第二個，果個宜家去咗英國，本身係諗住距穩定咗返來接我哋，但係距一直未搵到工，壓力大。開始話唔知要我等到幾時。想逃避。搞到我真係唔知去定唔去。
本身因為距，我可以好堅強咁去，就算挨都係同一個想相處嘅人挨嘛
但係因為我無BNO，真係有好多麻煩嘢綁住
1個讚