其實距都好似你fd咁，但係我一直未離婚 我都唔知真實情況會係點咁咯
咁個 story 又相差好遠喎, 如果係咁你離婚大家各有各生活啦, 大家傾好個仔點算
定係你地協議左各有各玩? sorry 太前衛我唔係好理解
4個讚
你自己冇bno其實已經冇得諗啦，第一一定要佢申請你去，仲要一齊去你個仔先有passport，但應該冇可能啦你地已經冇哂感情，第二離婚的話你一樣冇得做dependant身份，即係又唔得，英國呢條路冇得諗，但如果你本身有d積蓄就考慮下去加拿大讀書移民，一邊湊仔一邊讀書，再用畢業簽工作，再拎省提名去pr，不過如果你冇乜錢就咩都冇得諗，移民的確要錢先有得去，不如諗下離婚自食其力仲好
1個讚
咁仲唔快d離婚用新男友bno申請你去，不過都要你老公肯同意個仔走喎，佢玩野你都帶佢唔走
1個讚
但佢男朋友都過左去都仲可以申請墊帶佢去咩？
兼且佢又未同佢老公離婚，即使離左，咁個男朋友又可以用啲咩原因可以申請埋樓主
樓主個case 太復雜樓主男朋友現階段好似又想飛起樓主咁
1個讚
我已經2年無再問過我老公d嘢，我都唔知距宜家咩狀態，我同距都接近2年無用嘴講過嘢，係最近因為移民嘅事有WhatsApp。我諗距都知我有第二個，只係我哋都無篤破，我覺得係真係需要攤開來講，但係我又好瞻前顧後。個仔距講咗係跟我。我唔知我同距真係攤牌，會產生d咩後果
Bno visa係容許之後申請新伴侶架，所以佢過左去唔係問題，問題係未離婚又未結婚，咁就申請唔到
不過睇個款呢個新男友似乎都唔多可靠，講到想逃避咁，即係又冇得諗
4個讚
唉，新男朋友唔太穩陣⋯⋯不如同老公離婚，自己同仔仔生活
3個讚
本身係傾好我唔跟老公走，同距離婚，然後等我男朋友果邊工作穩定之後，距返來同我結婚，然後就申請我哋兩母子過去。但係人算不如天算，距一直未穩定，開始覺得壓力好大，我諗距嘅意思唔係想飛起，只係距覺得好無力，唔敢比承諾我。我都因為咁樣好猶疑不決。
我都覺得太複雜太煩，搞唔清楚自己想點可以點，所以好想有人可以幫我分析下
1個讚
下咪直接同佢講要即刻搞離婚同申請個仔去英國囉，一路拖都唔係辦法，但你新男友個邊點先，如果你而家過去佢肯唔肯申請你先
1個讚
唔諗個仔既話，你自己會點選揀？
你個case好複雜，
首先要諗，你自己想唔想去英國？如果唔想就諗方法喺香港生活，完。如果想，就要認真同老公傾傾喺英國係點相處，要對6年。或是揀離婚同新男朋友結婚，你要問哂2位男士嘅諗法先知下一步點行。
新男朋友仲肯唔肯返嚟同你結婚？如果佢已經唔肯，都已經冇得講落去。
2個讚
唔諗個仔嘅話，其實我男朋友都講過，我過去同距兩個人做嘢絕對無問題，距宜家覺得無力同壓力大係因為要照顧埋我同我仔。如果唔諗個仔，我諗距會返來接我吧。。。
如果係一個我想相處嘅人，其實我係想去英國嘅
其實你本來都係諗住唔靠人，靠自己賺錢，跟老公定男友都一樣。
至於兩邊男人，sorry我認為一樣靠唔住，唔知行唔行到6年。
最後都有機會要返香港，你無娘家，萬一真係有回流嘅一日，你生活會點安排？
3個讚
其實係，其實我同邊個住，我哋嘅經濟狀況都係一樣，唔同嘅係一邊係一個我想相處嘅人。
香港無娘家，唯有返大陸，我爸係大陸開廠。香港的親戚都好現實，唔會伸出援手
1個讚
親戚當然唔係依靠嘅對象啦，就算話幫你都費事欠人地啦。
你老公話就算你唔去，佢都會去，即係離婚。如果你唔跟佢去，咁之後生活打算點？
另外，男友話返黎接你，係用咩身份接你呢？應該做唔到佢dependent, 咁即係，想跟男友生活，就唔可以同老公離婚（做老公dependent至入藉）？
你會唔會太天真，我係女人，見到你咁寫，都大笑三聲，正常男人有咩可能會應承，你一邊比綠帽佢戴，一邊想攞佢BNO著數？！
就算係老公出軌先，你從未離婚就同其他人拍拖，你都係比緊綠帽佢戴。
11個讚
正想咁講，樓主諗得太簡單
同埋咁樣同假結婚有咩分別? 呃緊HO哦，第6年你老公同你攬炒舉報HO話你地not in a steady and genuine relationship 你估會點?
同埋點解樓主會覺得你個男朋友會可以同你喺英國長相廝守呢？ 呢6年有咩變化你點算?
坦白講，你三個大人都好有問題，自己冇能力，冇條件，冇責任感，唔願意付出，但求依靠甚至利用，遲早一鑊泡，不如搞清楚關係先！ 
14個讚