呢排好負能量，好想呻下
老爺上星期有一日無啦啦戴口罩，我已心知不妙，因為佢平時講到自己咩都唔怕，另外佢係阿女既主要照顧者，我地問佢做咩戴口罩，佢只係話小事，攝親下，飲盒仔茶就好。死叫爛叫佢終於睇醫生，而第二日快測係2條線…而同一日，我好似都有啲病徵，為免影響阿女，我將個女送左去我阿媽度照顧。
過左兩日，我阿媽話我個女燒到39度，我都知大鑊，即刻接阿女返黎睇醫生，檢測完係陽性，食左藥燒左兩日，屙左幾日，好彩暫時情況ok。
但不幸地我個女應該係傳到我個妹，我好唔安樂，之後我一家中哂，我而家就黎咳到甩肺，有時都好難抖氣。
我好嬲，嬲都唔想再見老爺奶奶，我知佢幫我湊阿女好辛苦，因為我同老公都要返工，但我覺得老爺有病徵時要出聲，叫我帶走阿女，而唔係戴住口罩湊左佢一日，仲要唔肯睇醫生，當我地發現老爺唔妥，佢已經話自己周身骨痛，聲沙同喉嚨痛，明顯呢啲病徵已經唔係第一日發生。
我想講，我唔係怪佢染到，因為避無可避，而係好嬲佢明明可以早啲講自己唔舒服，叫我地接走阿女，佢又冇做到呢點。而家個女中左，都唔知之後有咩後遺症，我個女得8個月大咋
8個讚
佢病發都要幾日，潛伏期都傳左俾bb了。
咁諗會唔會舒服啲？
16個讚
留意住bb情況
發燒要留意
老公點講
一家人。。。仲要係呀女照顧者。。。
預左水裡水裡去。。。
嬲到爆都明白。。。
但而家最緊要呀女，呀媽，所有家人都無咩大問題就好。。。
加油
3個讚
保重，祝早日康復
嬲好正常，係我真係會嬲到黑佢面！唔好講咩幫你湊仔，老人家係咁！呢d唔係包容係縱容！same case,我老公呀媽有咩唔舒服都唔出聲，又係周圍播毒果隻嚟，好彩而家唔同住，如果唔係分開住佢想同個仔取下暖爆左出嚟我地都唔知佢燒住照返工！仲呃人去驗左無事！呢d人自以為是咪搞到出哂事囉！難聽講，個仔係你又唔係佢，佢一句：我都唔想架你估我想架！你真係吹佢唔脹架！唔係要仇恨佢，但起碼都要比個warning佢，意外唔係應該盡量避免咩，點解要制造機會呢？仲要小朋友咁細，有咩事真係一世架！叫你老公同佢講啦！
1個讚
唔出聲係唔啱。
但初起病懲好似普通傷風感冒，未必察覺
祝早日康復
其實你唔應該明知咁大機會中招都送走個女，變相傳開病毒，而你62，我覺得佢真係幾無辜
11個讚
最慘係病住都仲會想幫佢地湊女
6個讚
仲有老人家中咗危險
因為佢自己都驚，淆底，所以唔敢出聲
呢啲無得攪，你只有一個嬲字
1個讚
老人家係咁，你地兩個都要返工，老人家都係唔想影響你地工作者。就咁睇我唔覺得有咩咁嚴重，隱惡揚善個個老人家都係咁。你可以感恩d,病左都仲想幫你地分擔，唔想你地辛苦啫。
老人家點識判斷咁多呀，病左唔想睇醫生都係老人家通病。
鬧都係應該鬧正苦啦，你今日受害，關都關呢個無能正苦事啦！
點知源頭一定係老爺，佢係老人家，可能佢發病先呢？
我雖然都覺得我既奶奶好x煩，但老人家係咁，你要佢幫手，佢肯幫你，都係應該抱住感恩的心，因為湊小朋友真係體力消耗，好辛苦。
6個讚
第日自己湊個女
6個讚
潛伏期都有好幾日
你老爺只係不幸最早病發嗰個
邊個傳染邊個都唔知
明白中招人人都心情唔好
過一排病好，有咗抗體就可以放心一段時間了
2個讚
你62唔出聲就真係唔岩!
不過佢發病先又未必係佢中病毒先既…
祝福你BB早日康復 
1個讚
明知自己唔舒服都唔出聲，唔知樓主兩個份工做咩啦。如果係可以請到假自己湊返，老爺都唔出聲就真係過份。
雖然應該點都會傳到俾小朋友，6299自己都要休息啦做乜仲要死頂？俾我就唔識欣賞或者感恩，呢啲係不自量力同婆媽。照顧者唔照顧好自己係最差嘅情況。
不過樓主真係唔應該送女女去媽媽度…
1個讚
你嬲你老爺, 你屋企人一樣可以咁嬲你.
你覺得內疚由你個女傳咗俾你屋企人, 你老爺一樣內疚傳咗俾佢孫女
冇人想病. 而且邊個湊, 件事嘅結果都係一樣. 就算工人姐姐湊, 佢都未必敢同僱主講話唔舒服.
你老爺應承咗同你湊女, 佢就係想負起個責任幫你照顧 BB , 等你地兩公婆可以專心返工.
除非自己做 FTM 自己湊. 就算自己中咗招傳咗俾BB, 咁就冇得有冤
14個讚
老人家唔舒服，唔肯去睇醫生係唔啱，但傳染到你娘家，係因為你明知女女係密切接觸者，都送佢去娘家。
如果女女係老爺照顧，其實都好大機會已中招，只係未發出嚟，你送佢去娘家係一個錯嘅決定，唔應該因自己做錯決定，而遷怒老爺。
但唔錯都錯咗，算啦，希望你哋所有人快啲好番
5個讚
唔好嬲啦⋯⋯
病都無人想
希望佢經一事長一智
希望你囡囡盡快好番