終於有人鬧正苦，我勁想鬧正苦！
我屋企都係奶奶（照顧者）中招先，好彩發病果日係星期六，我仔無去，才倖免於難。
我同老公無得WFH，個仔無人湊，又唔帶得返office!
我係密切接觸者（一齊食飯）可放一星期假湊仔；
奶奶已經做足所有消毒程序，自己隔離在房，無奈同住老爺六日後確診。
個仔又無人湊，今次就掉比阿媽湊一星期。
如果無得WFH，正苦唔該唔好搞咁多嘢，又隔離又成，唔係人人屋企都有幾個工人輪流湊仔㗎！
4個讚
而家係政府嚇到啲人連醫生都唔敢睇，一陣測到有2條線，仲要連累家人要拉要鎖咁，我又唔知竟可以係屋企定係要去瞓木板，邊個想病食凍炸雞飯之餘仲要同唔識既人一齊沖涼?
2個讚
根本就係個政府問題，鬧個62做乜，咁嫌棄咪自己辭職湊返囉
3個讚
我都覺得政策非常矛盾。
如果只係感冒，我會照送個仔去6299屋企，我兩公婆繼續返工，傳染到病咗最多咪請病假；
宜家6299屋企有人中，我完全唔去得，因為若我中會傳返公司，其他人要檢測，地方要消毒，浪費好多人力物力！
真係痴X線！
係
我公司前後消毒兩次，其他分公司都差不多，加埋即係兩個星期差唔多十次。
根本就無諗清楚，唔出清楚指引，人地外國出哂指引幾時留家幾時去睇醫生，唔識做啫，連抄都唔識抄，原因是自視過高
2個讚
我好明白你，我諗好多香港人都身同感受，一直唔係驚確診，基本上係感冒啫，係怕嗰種煩，比公司、家人、自己既煩…而後果可能會係冇咗份工，同家人一齊去咗方艙、竹篙灣、瞓醫院門口…
1個讚
根本潛伏期就已經傳染咗比你個囡，邊有得避
要賴不如賴自己抱住僥倖心態覺得一日幾萬單case但老爺唔會中，或者就算中咗只要即刻接走個囡就冇事啦
不過我估你可能因為病咗，個人有啲情緒姐。如果發洩完，不如理性d諗下埋怨你老爺「唔早啲講」呢件事合唔合理啦。
加油