我小朋友今日終於放所謂的暑假，經歷了幾次用zoom 上堂，對於我這個在職媽媽，疫症開始有一半時間 wfh, 真是百感交集
趣事
如果我在家，就會留意下小二的細仔上堂情況，可以見到不同老師的教學方式，有些對小朋友是嚴厲處理，班主任一來就點名，追功課，講規矩….
而有些老師可以全程不停咁讚，不停地鼓勵，即使小朋友做得唔好，都可以溫柔地勸勉、提醒，做得到再讚佢哋叻叻（這個我也學希望可以學到）這些老師明顯特別受歡迎
最後當然是可以看到自己小朋友上堂時的情況
辛酸事
Wfh 唔代表唔使做公司野，現在補習社又唔開，要自己跟功課，功課無少到，突然多了幾個身份
- 補習老師 - 教功課，溫默書
- 老師 - 改簿，小朋友上堂唔專心時要不停提佢
- 分析師 - 很多功課都要上eClass upload/ download，但當找不到時，作為家長就要分析是自己找錯地方，或是老師未放，過一陣會有，也有可能是老師完全忘記了放出來，要第二日等老師見無學生交功課才發現（我有2個小朋友，每個星期總會發生兩三次）當然我也明白老師已經很努力，電腦不是他們的專長，所以我也很體諒
其實在這段時間大家都不容易，我諗集合大家都有不同的經歷，應該可以出到本書
如果大家有興趣，也分享一下
1個讚
其實上zoom 可以好輕鬆同唔使一定留响屋企咁悶㗎，只要有綠色背景就得。
外國有人出街玩，睇波，揸電單車，跳降落傘都得。
https://youtu.be/j6IjGTSINJw
我啲細路好大個，最煩係爭位。一個喺房一個喺廳，多咗嘈交。
返學對大家都好
2個讚
絕對好啦，學校既學習環境irreplaceable
我做左功課輔導員同埋時間管理大師lor, 將2個小朋友既schedule 合2為一又要各具優點
1個讚
我在香港，小朋友反而很少出街，因為有兩個小朋友，要分別找兩個地方比佢哋zoom(要分開少少，因為佢哋Zoom，有時要開咪）老師要求zoom 的背景只可以校「懵」不可有其他，即是有人在後面經過，老師也會見到，ipad 又要叉電，我又要用電腦位做公司野…
因為間屋細，就曬以上所有條件，屋企冇咩地方可以行，我倒杯水，經過都要避開他們的枱枱櫈櫈，所以近來我發現我的小腿撞到瘀曬，唔知以為家暴
我兩個小朋友唔同時間上
要跟埋功課覺得有d吃力 好在大個個開完電腦自己搞得掂
兩個都好掛住d同學 係咁問幾時可以返學校
有時見佢地同同學show曬玩具出黎 好搞笑
有時會抱屋企d寵物出黎同大家打招呼
大個個初小 同同學傾Mirror,blackpink
Mirror我都仲搭到咀
Blackpink真係唔識
1個讚
我都寧願佢哋返實體課，我2個仔都在廳上zoom, 有時其中一個大聲少少，都會影響另一個
1個讚
我大仔小息時，會同同學講打機，大家攞啲玩具出嚟出比同學睇
細仔的老師就非常嚴格，老師要求佢哋小息時要熄咗個視訊
1個讚
我小朋友也是小二。有時八下啲同學既背景都幾得意。見過有啲個背景十幾個獎。
有啲同學而家先知成日俾老師叫。
1個讚
好嚴格呢
我大女老師之前都有要求佢地熄咪熄cam
後來有家長反映話想俾佢地同同學多d interaction
就無再鬧佢地傾計了 但唔可以太嘈 始終有d同學想靜靜等上下一堂
1個讚
這位家長好好，返學除了學習知識，也是學習溝通的地方，學校能接受意見，小朋友真辛福
1個讚
我又 home office, 女又對住我上 zoom, 係一個幾好嘅機會了解老師教學質素。 話說個英文老師都幾犯眾憎，英文發音又好重港式MK口音，攪唔掂 classroom management 就最叻全班留堂。
detail 唔講咁多廢事俾人起底，家長日佢自投羅網打電話來，講起佢上堂點教書，講起我就把幾火，佢有啲嘢唔肯認，我同佢講大部分嘅堂我都有旁聽，佢 dead air 咗一分鐘，我同佢講呢啲嚴重加低級錯誤要改，總之一日仲有疫情，你都可以 assume 我在旁聽。
之後佢已經好耐無再罰全班留堂。
4個讚
小朋友K2好彩唔駛日日zoom，多數都係睇片做功課，但要WFH同時兼顧買餸、煮飯、教書同睇功課真心累。幼稚園嘅小朋友間中Zoom下都有好處，可以同老師同學互動下冇咁悶。
1個讚
好多招魂同拍賣（陳大明 1～陳大明 2～陳大明 3～）
小朋友想靈魂出竅/打機，開左 cam 都照做。
1個讚
小女幼稚園，每日zoom個半鐘，中間會有1個break
放break時小朋友趁機同同學仔傾下計
有個家長連續2日一放break 就開咪叫其他小朋友熄咪唔好傾計，話嘈住佢
其實你嫌嘈咪自己mute囉，點解要扼殺埋小朋友每日僅有15分鐘同同學仔的時間呢？
1個讚
小朋友一定要同朋友仔傾下偈，才叫有正常生活。如果幼稚園生每日對住自己的同學都唔出聲，做父母都驚啦
我小朋友一路上堂一路打機。我自己又要wfh, 理唔到咁多，總之D功課識做，唔明就問我，我就當佢學識左
1個讚
好同意，我都見過有個同學仔，上堂好似聽唔到老師講嘢咁，老師叫極佢冇反應，好明顯一路開住Zoom，一路用同一部iPad睇緊其他嘢
同一份功課，因為太耐冇交，累積欠交五次，仲有其他功課也一樣（欠交太多會收警告信和記缺點）
有時我都很同情那位同學仔，家長冇能力支援小朋友，老師隔住個mon又幫唔到什麼，罰/罵有什麼用？這樣對學生真的好嗎？
當然也試過有同學仔學習上有問題，老師想同家中的大人溝通，才發現家裏沒有大人，只有一個同讀小學的姐姐在家
老師都唔知可以點，有啲學校嘅校長要查簿，甚至份功課可能要入分，見到有學生屢欠功課又會覺得係老師辦事不力，教得唔好。老師都唔想浪費精力罰同鬧但家長搞唔掂自己個小朋友，老師都唔識點樣隔山打牛。平日就可以捉住個小朋友做野，依家完全奈佢唔何。
1個讚