多謝你鼓勵呀！其實我喺一個宅人，本來喺無動力去識朋友。
但一來我覺得在英香港人都有個使命，要將香港嘅情況講出嚟，所以我希望小朋友大咗後， 我可以做下義工學吓英文接觸吓本地人。我有嗰小tips，就喺可以接觸吓非白人非香港人，例如日本人，馬來西亞人，印度人，佢地會明白我處境，我講英文好難聽都會理解多啲。
另外我小朋友又喺不擅交友，為咗佢哋，我喺迫著要擴展一吓我嘅社交網，方便我約佢地小朋友一齊玩。經過好辛苦嘅努力，終於有人約我仔去生日party
7個讚
老實，除左老果輩，英國人對香港既認知同關心都好少。我有向佢地講解港共係幾咁惡劣，但真係無得硬銷，而家唔係賣慘。
只得一個本地人係認真同情及感到憤怒，所以我同佢成為左交心以上既朋友。
我屋企三個都係 SEN (包括太太)，學習同社交都有若干困難。同你一樣要協助佢地建立社交圈子，能夠明白。
老一輩真喺好好，我和家人在路上講廣東話，就有嗰英國婆婆問我哋喺咪香港人，講佢以前住過香港，好支持我哋，問我哋settle down得好唔好。
同輩嘅如你所講比較少。不過我啲鄰居喺咁搵位入，真心勁。團契一個英國人同我講，香港倉鼠好慘，原來有嗰香港人同佢講過，而呢個英國人又有養倉鼠，身同感受
我個女都係sen, 有社交障礙，唔識同人相處，係香港無朋友。黎到呢度都係鍾意自己一個，好在本地同學都好熱情，有時都會同佢傾偈，加佢入WhatsApp. 不過佢唔太enjoy, 因為佢已經升中，我都唔知可以點幫佢識朋友。我自己係度都只係同一個香港家庭熟
文化背景唔同，有時都聽唔明佢哋嘅笑點，我哋港式笑話佢哋又唔知jm9
係呀，有次個英國人問我點解嚟，我大概講香港而家情況，佢好意外咁，之後佢話好鍾意食Chinese food，又話讀大學時成日去London China town食野，所以我都識做唔再講香港嘅嘢。唔好覺得西方國家嘅人就一定會同情香港人，有好多人唔明白㗎
完全一樣。
試下培養發掘一下佢既嗜好，運動音樂烹飪藝術。
這些係超越文化語言的，即使拙於溝通，甚至唔多識英文，都好自然會識到同好。
識到後，唔好害羞，試下主動邀請到家 午/晚餐。
英國人去朋友家作客，好平常。
這樣朋友便交成。
交到朋友後，再熟絡些，佢會再介紹佢既朋友圈比你。
佢好固執，你講東佢係都要講西，只鍾意上網。之前嫌同學group好嘈，佢直情quit埋，佢自己本身都唔願意同人做朋友，所以我有時都會諗係咪佢覺得自己一個係真開心就由佢
我大果個就係咁，佢心底其實係想要朋友的。
所以我由佢沉迷 online game，起碼都仲同人有基本互動。
由於已經係中學生，學校無咁著重 SEN的事。
幸好班入邊有一個日本和一個泰國同學，主動同佢一齊食飯(佢果班就係得三個亞洲人)，否則佢係學校既生活真係難以想像。
長遠的話，會比佢入美術大學，相信係果度佢會易些結交到朋友。
1個讚
我住果頭相反啊，好多一聽到我香港人，佢地就主動係咁講香港嘅情況，有次有個唔識嘅顧客都係咁，我都好驚訝點解佢地咁清楚香港發生咩事，佢地話之前新聞真係鋪天蓋地咁講。
1個讚
感同身受，我都後悔。
佢地既所謂互相照應，百份百係單方面百般要求。
好在我揀既學校，佢地睇唔上眼。
確認佢地生活到後，我都唔再幫手，之後便疏遠我了。
很現實有些心淡，而家只有當有事時先會搵我，我咪口頭提供解決辦法咁囉。
1個讚
咁你住果區真係唔錯
有朋友放心好多，我都知佢係學校絕大部份時間自己一個，佢話鍾意自己一個，我代入佢覺得慘，但佢既然咁堅持咁做，我只希望佢真係enjoy.
佢打online game都識到d打機朋友，叫做有同人傾兩句偈，我都由佢玩
我都係
原來英國嘅吸引點係小鮮肉！
多謝分享
1個讚
去China town 食嘢，咪同我地食其他外國嘢咁，完全唔關事
1個讚