分享下⋯有2家鄰居係香港本身係識咗好耐的朋友，表面睇佢2家人好close, 成日去對方屋企食飯，小朋友一齊玩，互相幫手睇住小朋友
但佢地背後都各自向我呻過，例如：有時出去唔太想都一齊，但又唔好意思出聲；對方小朋友係佢屋企一齊玩，搞到管唔到自己小朋友打小啲機；唔想日日一齊開餐，做多好多家務等等⋯
我都有聽過類似呢啲移民個案。
又或者有啲香港人朋友表面上幫你，其實各自有自己計算。
唔怪得30 歲痴住屋企懶死
講乜移民，去長洲餓C
唔好咁講, 可能好多人都冇睇佢個名就回佢.
隻藍蛆就以為大家都忘記左佢NANCY身份
只係呢幾日睇呢隻NANCY大媽不停扮冇野係度出聲真心燥
(唔好意思我離題, 請見諒)
我哋見到香港鄰居有嘢要幫手，都會主動幫忙，有時整咗嘢食都會分啲俾鄰居，大時大節會約埋gathering。但平日生活我哋係會同佢地保持距離，亦唔會八掛佢哋私生活，佢哋各自同我呻，我都淨係聽唔會俾意見。
君子之交淡如水，永恆的道理。
2個讚
有好幾個已移民去英美加澳既香港朋友，都入晒藉。
生活圈子仍然一直係港人群居，我見哩度既黑人，中東人同牆國人都係咁，無咩同其他種族來往。
咁樣真係好事？
我覺得係無需要迫自己融入本地社區，但都唔使畫地自限。
要做英國人，但又唔接受英國人，好熟面口。
先說明，無指這裡任何人，唔好對號入座。
只係講眼見既事。
1個讚
有啲喺同你講嘅一樣。亦有啲識香港朋友之餘，都特登去識吓本地人，有啲喺兩種人都唔識。
最理想喺兩種都識。不過有啲人真喺無呢個能力，咁我寧願佢識香港人，都好過咩人都唔識。
唉，我講緊我自己。特登返英國人教會，睇bbc電視劇，返英國人小組，但應該喺我本人性格問題，真喺只能識得一兩嗰英國人，同兩個日本人 仲要唔喺好熟，一講嘢就硬曬軚講錯嘢。我家人勸我唔好格硬嚟，講錯嘢得罪人仲衰過唔講
正常㗎，始終唔係呢度成長，就算係香港用開英文冇問題，都聽唔明本地人啲causal talk。我係呢度返工之後，更加覺得唔需要刻意融入佢地，大家客客氣氣做hi bye friend最舒服
當然仔女自細喺度成長，佢哋就要真正融入呢度生活，識呢度朋友
見到鄰居香港人好厲害，已經可以向英國人解釋香港發生咩事，我連基本對話都有困難
我見小朋友有啲融入得好好，有啲都喺傾向和香港朋友傾計，大致和其英文能力成正比。
我同我老公都前後腳
我出發先 租到樓佢再過嚟
我小朋友融入得好好，同學邀請佢去party /play day幾次，佢哋喺屋企傾偈已經近乎全英文
我都未識到本地人朋友，同鄰居打下招呼，日常生活有時同人吹下水傾幾句咁，返工feel到佢哋都冇想同你做朋友，咁未算lor，我佛系融入英國生活中
係啦，咁樣最好，交朋友方面無得chur, 順其自然啦，有心實識到既。
親戚40幾歲移民過嚟英國，喺呢度工作咗20幾年，英文溝通完全冇問題，佢都話冇識到真正本地朋友，佢話本地人都好現實，工作上或生活上對佢哋有幫助，就算唔太啱傾都會同你做朋友，真唔真心就另計
佢仔女就真正完全融入了英國，喺呢度成長、讀書、工作、結婚、生小朋友
你嘅case我都遇過。幾家人成日一齊玩，旅行都一齊去，但私下就講其他人嘅是非。我都好錯諤。
我都有親戚同你講既遭遇好似，最後仔大女大佢就功成身退，自己返香港，因為覺得香港最適合自己（老婆唔跟）。
呢d人真係放棄自己成就家庭，好偉大
1個讚
我眼見就大多數都係咁，人既社交資源有限。
統計所得，知心友1~2人，交心友5~6人，其餘都係泛泛之交。
所以開始左三日一小飯聚，五日一大飯聚後，再無時間或動力去擴闊其他圈子都好合理。
你有自己想法，都有嘗試去做，很好呀。
不過你本身都返開教會？ 煲開英劇嗎？
通常唔係做返自己，先會好唔自然。
記得你係 it人，不如先加入本地 it gathering group。
或者參加興趣班，有共同嗜好自自然然會成為朋友。
識朋友冇得勉強，岩傾咪傾耐d. 係人大左，唔係全賴哂本地/非本地。你好積極，欣賞
我本來預期喺，至少可以和鄰居和家長講下香港咩事，住我附近嘅香港鄰居都做到。不過原來我嘅英文不似我自己預期
我有返開教會，又睇開BBC科幻片和歷史片。如你所言，科幻片和歷史片對日常生活對話真喺無咩幫助 不過我自己嗜好嚟，同對了解英國文化有幫助嘅。
返教會其實喺好有用（當然自己要接受嗰宗教），喺我和本地人唯一共同嘅文化。不過我讀開中文聖經，要學返英文版先
欣賞你好積極面對，融入生活同識朋友可以順其自然，唔好比壓力自己。嚟到英國都係想生活得自在啲輕鬆啲，識唔到朋友就學懂享受獨處，搵啲興趣打發時間。
其實未必係白人local
可能其他亞洲人又傾得埋
1個讚