唔同話題大家諗法都可能有出入，或者有時又好啱key。
其實分唔分化，只係大家想法可能唔同，我講緊嘅係理性討論上，正如你唔認同，但你會明。
2個讚
我唔會去諗佢哋黃唔黃，而家過得到自己良心就算，學某藍人講，「我嘅良知同你嘅良知唔同，唔代表我錯」
1個讚
宣誓單嘢都多人辭職，係正苦報細數
1個讚
明白你意思
其實識諗嘅話，要宣誓個時就應該即刻辭職跟手移民，宣左誓去英美未必得，加拿大就講明唔計，其實係呢個玩表忠時代，各行各業要宣誓先返得工只係時間問題
好認同
針對之前，問下自己可唔可以每個月返足工，然後每個月都成份糧完完整整捐出嚟，比幫你犧牲過嘅手足打官司。如果唔得，憑乜嘢叫人哋去犧牲，純粹係因為自己份工唔係公務員就冇問題。
唔好再幫個政權去批鬥。
7個讚
係，人民批鬥人民，一路都係靠咁樣生存壯大。
2個讚
支持 from 失業未打針的新手媽媽
咁黑社會拜完關二哥去殺人，原因係要搵錢養妻活兒，係咪要捐錢去受害人嘅家人到先可以批鬥黑社會？
就算唔係佢落手，入黑社會都唔係一件啱嘅事。
大家都只係從多一個角度去睇呢件事，唔係下下都批鬥、鬥黃。
利申：我對公務員宣誓無感覺，喺我角度，唔離開嘅話黃到金都改變唔到咩嘢更加做唔到d 咩。
1個讚
你攪錯左
我針對既係為左拎政府份高薪厚職, 而跪低宣誓既人
我份糧又唔係政府出俾我, 唔係跪返黎既
我明白一定有人係冇左份工生活會好有問題
但眼見大部份既人都唔係咁
我從來都唔會幫政權去批鬥
而係底線問題
宣誓左, 就表示願意為政權做野
e.g.叫你教"中國咩都好, 美國係衰人" 你就要教
要幫手洗腦, 唔可以有任何批判思考
有D人覺得"我打份工姐, 唔係我想咁教架, 唔關我事"
我就冇可能接受到, 除非唔打尼份工生活有問題
1個讚
咁就可以叫人辭職而expect人地為”良心”而放棄生存？而我地就可以工照返糧照出？
咁你有冇查清楚你公司係咪黃？老闆係咪黃？同事係咪黃？
佢地有冇將你工作帶比佢哋嘅收益用左喺藍 / 紅？如果有，你都係支持緊藍打壓黃？
其實我哋只係無宣誓啫，唔代表我哋可以好清高去叫人地辭職。
3個讚
我邊度講放棄生存?
完全認同，大家唔好將矛頭指向受害者啦，就好似當初醫護罷工唔罷工，都係佢地嘅決定。
比較起宣誓，更加多同路人仲食緊金拱門，甚至元氣、敏華、富臨、稻香，買緊一田、千色店、惠康⋯⋯
呢D比起宣誓來講，代價應該少好多，但係呢個係社會現實。100%黃嘅同路人，有幾多可以做到？只能盡力。
鬥黃係鬥自己，鬥自己，鬥自己。
如果你認為有咩係應該要做，首先做好自己。其次如果你覺得其他人應該做，咁你嘗試營造環境協助佢地。例如如果見到屋企人想飲茶，你唔想佢食富臨，咁你幫佢book徐記/富東閣/豪隍。如果有人覺得大家樂平，咁你推介佢一間附近小店更加抵食。
如果幫唔到佢改變，咁我覺得我都無理由要求其他人付出代價去改變，因為其他人都從來無覺得我地付出代價太少。
8個讚
但係佢最初係知道自己入黑社會，而20年前入政府嘅時候，果個政府根本唔係咁架，點解可以用黑社會比較呀？
3個讚
其實比起已宣誓公務員，有更多行業做左更多「實事」：
- 係老人台（同其他媒體甚至星X明X）打工，幫助宣傳
- 獅子行做左幾多嘢，大家應該好清楚
- 黨鐵，都唔需要解釋
- 金拱門、美X、富X⋯⋯飲食業其實好缺人，多一個人多一份生意
- 所有大學，應該都睇到依家咩情況，學生會基本上無得玩。
- 中資、國企，推行一大一路，融入大灣。
- 地產商，每次都行得最前
呢D應該比一個宣誓嘅郵差、消防、醫護做得更多「實事」。
黃線劃係邊度係大家自己嘅選擇，但係背後思考過程比劃線複雜好多，現實亦唔係咁完美。如果唔去經過呢個思考過程先畫下結論，最尾只係會成為一盤散沙。
10個讚
呢啲鬥黃或者鬥(黃)公務員嘅po隔段時間又會出現，我已經半免疫。
我嘅心態依然，各自努力，盡力做。
6個讚
真人真事：
識人做國際石油公司高層，大大聲指責他人睇實體書唔環保，造成地球臭氧層惡化。
4個讚
blame the victims
佢地樂見我地反面
希望大家做到和而不同
3個讚
Exactly.
1個讚