我係現職公務員，已經決定拒絕打針，咁姐係意味著我返工返到2月24號就會被辭職… 我出呢個post嘅原因係想同所有被逼針，而考慮緊打唔打第一、第二或者第三針嘅人講香港真係仲有人咁蠢，願意放棄自己最想做、一份安穩嘅工作去守護自己嘅健康。或者我呢個咁戇居嘅決定可以令你重新慎重考慮係咪仲要繼續打針，哪怕只係得一個都好。
由9月開始，我開始自費檢測。由一星期一次，到三日一次我都冇動搖。希望捱得一日得一日… 直到政府再加辣，連俾我抌錢落海嘅機會冇。我得返兩個選擇。一係打針、一係辭職。我掙紮咗好耐，由於都係唔想冇咗份工，趁放新年假，我book咗打biontech。
我自以為已經做咗選擇唔洗再煩。竟然俾一個朋友嘅說話而令重新考慮我嘅選擇… 佢話：「你其實有得揀，只係你放棄咗去揀。」我知道好多人有咗同嘅原因嘅被迫要去打針去保住份工，但如果你係有少少條件嘅，不妨再考慮吓，呢個選擇嘅得與失。好多打咗針嘅人都陸續分享咗好多唔同嘅後遺症，小則皮膚敏感，大則機能退化、心臟有事、腦部出血，甚至冇命。單單都話唔關打針事，其實大家都知咩事。個身體係自己嘅，健康係無價嘅。
大家都知啲疫苗根本係未ready、大家亦都知政府係為谷針而谷針。萬一有啲咩事，當然冇人會負責。受苦嘅都係自己… 當然有人打咗乜事都冇，但有冇人能夠保證嗰個係自己? 又有冇人能夠make sure自己將來乜事都冇? 如果支針係好嘅，唔使迫啲人都衝去打啦。已知嘅後遺症好多人都分享過，未知嘅接踵而來… 希望大家三思。
雖然99%嘅人都會話我傻，呢個係事實，但我知道如果我打咗針，將來嘅我肯定會後悔、會每日都好忐忑不安。我既然能夠比一個朋友嘅一句簡短忠告救返，都好希望能夠俾到力量嗰個喺度struggle緊嘅人，話俾你聽you are not alone。都係果句，你身體係自己㗎，你係唯一一個能夠守護佢嘅嗰個。冇人可以幫你做決定，not your boss, not our gov！#自費檢測 #疫苗氣泡
共勉之
提交時間：2022/2/6 上午 7:36
———
有啦！