所以我好難接受佢地叫黃
因為好多人唔當”宣誓”係一回事
由宣誓
打針
到強檢
其實都分化左好多自己人
佢地樂見大家撕裂
5個讚
宣誓就梗係唔好架喇，我覺得似係嚴重版既員工守則。我對黃既定義未至於話覺得宣左就係藍就係偽黃。老師/醫護我覺得會係政府下一步目標，再之後就係各方專業人士同中資，如果依呢個原則，香港人除左移民都冇乜邊個算黃。
5個讚
醫護咁唔聽話，當初企出嚟罷工要求封大陸關，港共一定想整頓好耐。到而家都唔出手，因為仲要靠佢哋打仗，佢都知一逼人簽宣誓就會走好多人，社會承受唔到。
面對社會現實，就將自己底線越改越低，甚至變到同流合污，老實講我會睇唔起呢d人。宣誓唔係話簽個名就算，而係代表你認同呢個政府，配合同實行違背良心嘅政策，去換取穩定嘅人工。犧牲其他人嘅自由、呢個城市嘅未來，唔係無代價嘅。
2個讚
真，難聽講句如果而家再黎一次社運，我覺得潰不成軍。
2個讚
我唔認為係員工守則, 宣誓=要你take side
一但宣誓左, 已代表你認同尼個政權, 我好難仲話佢地係黃
佢係要迫專業人士take side, 咁留得既真係冇乜邊個算黃。
而家疫情唔明面上出手，但其實已經陰d進行緊取代，例如早排話引入外地醫護，我覺得疫情完左就係逼佢地宣誓之時。佢地resign我好repect，但就算真係妥協左我亦唔會話睇唔起佢地既，有d可能真係有難處。
見到咁多人食美心元氣我就知好多人冇骨氣
1個讚
純好奇，咁黃店配合安心出行同d唔知咩打左針就乜區乜區，冇直接執笠你係咪都覺得算偽黃？
利申：認同食美心元氣冇骨氣。
3個讚
我自己對宣誓一路都保持中立，覺得兩邊都講得有道理。但其實只要將公務員轉做警察，大家就即刻會話有良心就唔做
，仲有幾多人會諗下究竟幾多都係打份工？為份糧？
你入得呢個團隊，就要有準備實有人咁諗你，如果香港仲有警察，係要怪破壞自己形象。公務員亦是，要怪就怪班老細，政府做衰自己個名。
1個讚
安心同乜區乜區又唔係宣誓, 冇take side喎
1個讚
如果呢d情況：
- 醫生配合政府逼針，遇到身體情況差嘅老人家，都淨係講適合打針、打針對身體無風險
- 教育局統一教材，每個學科都滲透歌頌黨嘅內容，由幼稚園開始教出一個個小粉紅
醫生同老師覺得自己各有難處，份工對佢哋好重要，宣誓都係為世所逼，自己心入面唔認同嘅，都係當打份工。當人嘅底線越嚟越低，最後嘅代價都係成個社會承受返，今日保住自己家人嘅生活條件，但實際犧牲左其他人。
4個讚
明，我就係接受唔到popo但接受到其他黃公務員既人。冇話覺得宣誓有問題就係唔啱，只能夠話大家對黃既標準線set 得唔同，同政府好叻分化。
有時見到連登仔嘈mirror接金拱門廣告，賺藍養黃論其實我到而家都冇定論接唔接受到。
2個讚
難聽D講
又要做雞又要攞貞節牌坊
邊有咁著數
但食美心元氣都係冇宣誓，但都算take side 變左偽黃同港豬wo。
1個讚
唔明你講乜
你第一條問題係問黃店
而家係問食客?
我有種感覺大家最後都係各行各路、人都係為自己、朋友兩公婆教書有樓有車有工人仔女讀私校、一句辭咗你養我咩、我答唔到、醫護都仲好啲、去邊都有需求
講真, 一句"你養我咩"就要做塗毒下一代既幫凶, 我真係做唔出, 我會走或轉行
有咩所謂吖，佢哋d仔女大個咪去外國讀書發展，衰d講，就算要荼毒其他人嘅仔女去成就自己仔女，都係人哋嘅事，最緊要自己仔女無事
1個讚
呢個其實未去到宣誓，而家都真切地發生緊，一張醫生紙難求。
我對醫護特別深刻係當初佢地罷工封關救港，我有移左民既朋友指責佢地就係唔夠黃冇貫徹到底最後都係妥協左，我就間唔中諗"唔夠黃"呢3隻字要去到咩位先算夠。
3個讚