返新工一個月多少少，老闆叫我做一個員工名單比佢，名單入面要有員工中英文名稱，其他要求乜都無講，咁我做完之後交咗比佢，佢就同我講，話呢度唔啱嗰度唔啱，格式唔啱，有頭無尾，唔合佢心水等等😮💨
其實做前我係咪要問清楚老闆要求先做呢？ 但又唔好意思問，驚比佢覺得我玩嘢
，叫我做少少野都問返佢十條問題轉頭
，但唔問佢又唔知點先可以做到啱佢心水
，老闆係大公司區域經理，我係公司小薯一個，幾乎最低級嘅員工，直接問佢又好似唔係太合適，
好苦惱
如果比著你哋，你哋會點做？有冇人可以比吓意見
唔明一定要直接問，如果唔係做錯咗又話你
2個讚
以我多年的工作經驗, 可以好肯定告訴你, 寧願事前多問好過之後做漏或者做錯.
你是新人, 問清楚老闆要求, 正常的老闆只會覺得你認真和盡責, 只是想做好那份名單而已.
老闆吩咐我工作, 我不想猜他意思, 雖然我跟他十年了, 但也可能猜錯, 所以我會直接問他要哪些資料, 甚至是甚麼目的.
1個讚
嗯⋯⋯其實你都講得好啱，我都之前都有諗過問吓佢，但我又好驚問咁大粒老闆問題，好似咁少事都要問佢煩住佢咁
，吓吓都要問問問，好似好低能咁
，只係整個人名表都問東問西
我對直屬上司或者同事一定會問，但對住咁大粒嘅老闆，我唔敢走去問佢
雖然個個老細脾氣唔同，但叫新人做嘢都預咗人哋會問，唔問即係個新人咁有信心？咁老細個expectation 咪會好高囉。
但問都要問得有技巧，唔係白紙咁咩都叫老細講到明。例如用返員工名單做例子，可以講「咁我加埋電話、內線同email做full record」，「如果冇舊標準format，我整個新比你睇下有冇資料要加？」等等。比人覺得你問之前有諗過同有input.
如果你事前已知份名單有乜用途，d問題仲可以諗得對題d添。
4個讚
你講得好啱，聽完你咁講，下次佢叫我做嘢，我都係問清楚先，廢事做完唔啱佢心水，今次係比佢話我格式唔合心水，下次會醒水啲
唉，其實我做呢啲小薯位都係唔想接觸大老闆，但點解偏偏大老闆要搵我做嘢
我剛出來做野，當時上司同我講，你係新人係應份問野，如果唔係趁probation 問（講緊basic野），之後先問，我會覺得你做唔到野。
我都覺得要做下功課先問，例如睇下上一手點做、有冇senior先打探人哋點做（我唔清楚樓主公司文化，唔知方唔方便問其他人）。起碼比上司覺得你係有心兼有諗過先問
4個讚
我有問過我直屬上司，我直屬上司話大老闆叫做乜就做，佢都唔係太清楚大老闆心水係點，就係咁，唉
我都係probation 前盡問，果時問乜都冇人會怪架嘛（只要問題正正常常）。通常一兩個月點都上到d手。
我都好驚人唔做功課冇準備就問，感覺等人餵唔夠主動，尤其忙緊時如果問啲自己一查就知嘅嘢，真係會反白眼
2個讚
我就係怕問呢啲好低能嘅嘢，好似好白痴咁，人哋又忙緊，好似特登玩嘢咁，話晒新人，大家唔熟大家脾氣，陣間以為我推嘢唔做，問題多多
我有時真係搵晒啲舊record ，睇晒上手留落啲資料, 無資料參考，我先至走去問人，so far, 同事上司都好nice, 只不過無人get 到大大老闆心水係乜，但我又真係唔夠膽走去問佢
所以要做功課同問得有技巧啲，唔洗擔心嘅，好多人對新人好包容，記得趁仲新問多啲，等自己快啲上手。
4個讚
多謝你安慰
大公司一般都有以前留落黎既員工名單，可以當template。如果找不到，可以睇下其他大公司/舊公司既格式。
1個讚
一般公司都會有 keep 唔同 document 畀人參考或者 copy。
一定要問清楚！問完再覆多一次 “係咪 X Y 同 Z？” 佢話 yes 咁就去馬，一來唔會做錯，二來做錯又要再做多次攞苦黎身。
不過聽過朋友講呢招對佢老頂唔啱用，新人驚做錯問下野就即刻話 “你唔識用腦諗架？自己搞掂佢” 然後做得唔啱就鬧。呢類最麻煩。
2個讚
我就係驚咁，呢個世界乜人都有，新人唔知頭唔知路，又唔知老闆脾性，好易中大伏
我最怕新人唔識問野唔take notes ， 做到岩我心水當然係醒目人，但唔岩我心水，我覺得仲浪費的時間，我並唔係教書，亦唔係興趣補鑊
我跟我老闆廿幾年都未有能力知道曬佢心意更何況新人，我一定會發問。
我會問，都係想做好件事啫 
但係會自己諗咗先
例如我會問，除咗中英文名之外，地址、電話呢啲資料需唔需要/我個構思是咁的…冇問題我而家做俾你先…
你個位會唔會間唔中要幫吓佢手定真係咁啱
我又覺得唔駛咁介懷今次嘅，但係有所學習，今次知佢心水同埋消化下佢嘅要求，咁就更加好番D囉。胸襟廣闊嘅老闆唔應該同一次功課要judge你嘅工作水平，向前看