我係一個讀緊初中嘅學生,我明明已經早咗成個月開始溫考試,結果竟然考全班第尾,雖然阿爸阿媽冇鬧我,但我真係唔知點算好,有冇人可以話畀我知,我可以點做…我明明努力咗了…
4個讚
可能溫書方法不對？
搵補習
找社工協助，看看是否讀寫障礙或其他問題。
細個做過讀寫障礙測試,冇事
搵補習？
已經補緊了
首先、你明白內容嗎？溫得哂考試範圍嗎？
第二、有冇派卷？知不知失分在那裡？
考試範圍都溫曬
我都唔知發生咩事,攞六十幾分,但全班第尾
學校啲老師好好唔好人？可以同佢哋傾吓，一般黎講老師睇完你份卷就知問題係邊
是中一第一次考試？未知同學咩程度
6x雖然唔算高分…但應該未到最尾果個…唔通係咩神校
不是中一,我中二
上次見老師,佢show我張成績表畀我睇,淨係講咗一句：「你份份卷都攞唔夠一半分」,當下真係有D吾開心,老師除咗呢句冇講其他了
試吓問其他老師
你搵咩老師，班主任？如果你想針對各科問題，你都係搵返果科老師
至於你話有補習，老實講係咪補功課先，中學的話真係開始搵專科，有d功課班老師你就咁問佢真係都未必識答你
當然如果你真係科科都唔過半，咁真係搵個肯認真同你傾的老師傾下睇下咩問題
Ps我中三phychembio三科都係4x/100，最後讀文科，都係一個方向既……
專科,阿媽唔畀補習老師教我做功課,佢話功課問學校老師都得
班主任,科任老師都搵過
1個讚
問吓同學朋友平時點溫書，請教佢哋，比較一下有咩唔同，溫書方法係咪唔啱。
再唔得就搵老師/長輩幫忙。
同學吾會話你知佢點溫,驚話咗你知你會考得高分過佢
1個讚
我作為補習老師講，如果我唔知你學校功課或測驗考試係點，其實我點樣因材施教呢？有d學校難、有d學校淺、有d學校平時好淺考試好深……etc
當然我知道我學生咩學校，有經驗，都好少睇佢功課，除非佢真係有唔識問我。再換個角度睇，你問得即係有唔識，咁補習老師要知道你唔識咩野，教返你都應該好正常者，係咪？嘗試下理據同阿媽講？例如補習兩個鐘，其實都係花少少時間睇下你學校學習情況……
4個讚
我平時有功課吾識都真係問老師,坦白講,其實我鐘意問老師多D
補習老師有睇我D功課,但吾洗教我做,因為我之前已經問咗學校老師
咁你問咗學校老師之後你識唔識做那些功課？如果平日都識做功課 + 每日都有溫習/預習，其實成績唔會好差。
補習老師唔洗教你做功課，佢用咩同你補？補習老師自己出題？會唔會補習老師出嘅題同學校要考嘅都唔一樣，你哂咗時間溫咗D 唔啱考試範圍嘅嘢？