其實係咪解題出左問題？即係完全答錯方向所以低分？
因為正常當你溫曬，答岩方向，只係漏左point, 唔會去到唔合格。
同埋你咁勤力，溫書嗰時有冇試下自己做總結同筆記？或者搵補習老師set 問題俾你試做？
2個讚
可唔可以講係咩科，科科讀書心得都有少少唔同（雖然不外乎都係勤力同搵唔同方法去理解同強化記憶…）
同埋你讀其他科成績ok？有冇呢同樣問題？
2個讚
你冇答到上面一個重要問題呀
有冇派卷? 知唔知失分位喺邊?
正常知道咗就可以知道點解自己答唔啱
有冇捉住問題嘅keyword/重點? 答非所問? 答唔哂啲point?
失分嘅又係咩科目?
有幾個因素你要諗清楚。
- 讀緊英文中學，但英文唔夠洗，所以串字好多都錯，甚至詞不達意，讀左都浪費左
- 補習老師唔夠針對你學校課程
- 緊張得濟，一開考就乜都唔記得
- 學校份卷淺，有粗心大意就會跌好多分
- 用錯方法幫自己溫書
- 你唔識睇題目+指示+答題技巧
你有冇同高分嘅同學對比試卷，睇下自己邊到得分，邊到失分，到底自己有冇寫中 keyword？初中除左數學係冇得背，幾乎科科都可以背，肯背唔寫錯就點都合格。老師嘅 marking scheme 都係睇 keyword 而判斷啱唔啱，你寫一大段但唔中字眼就 bye bye。
1個讚
係每一科都係咁嘅情況，定係某幾科？
平時上堂明唔明老師講咩？做功課時識唔識？如果平時ok考試唔ok，好大可能係溫書方法問題。
考試時覺唔覺得自己識做？會唔會覺得識做但收到份卷先知原來答錯？
首先要讚你先！
雖然你考得唔好，但此乎你有想改進既心，同坦白！係一個好好既優點。
之後，要諗下點樣溫習喇！
溫書要有point, 重點去溫
好似中文個啲咁，老師有時唔覺意提下「作者寫作背景，咩原因寫出呢篇文」呢啲都係會出架，唔一定淨係出文章內架！
1個讚
咁學校老師講既你明唔明先……如果你問完係明+真係有溫書，其實不至於會太差。當然亦會涉及緊張問題，的確係有人平時好ok，但一到考試就唔記得哂，你又係咪呢種？
最好方法 打去早霸王同森美傾傾…
所有科,我大部份攞6X分,全班第尾
吾係,考試個陣仲記得
同學吾會話你知,驚話咗你知你會考得高分過佢
1個讚
唔係佢話你知，係你自己比對返大家寫嘅答案，佢攞某一個分寫左啲咩字眼，自己係咪兜左大圈。
如果呢個唔可行，老師一定有講解 marking scheme，比對返自己邊到寫中 point 邊到 miss，一樣得。
我嘅意思就係人哋唔會畀你睇,畀你睇咗點知你下次會吾會高分過佢,所以係唔會畀你睇
咁啦，你唔係唔記得，你又有問老師，暫時認為你覺得自己明，但其實又未明哂果種？
如果你唔介意，你會唔會影份數學卷，pm我望望，咁我睇下可唔可以直接俾建議？
咁後者一樣得。老師講解 marking scheme，你照睇返自己寫唔寫得中 point。咁大間學校，一定有一個同學肯畀份卷你望兩眼，就算真係冇，老師一定有得畀你知答案嘛，畢竟要對分入成績表。辦法總比困難多，你要達到一個目的就一定有方法去做到。
其他卷我幫唔到你，但英文卷我仲可以畀少少意見嘅，你唔介意可以 PM 我望望。
可唔可以問下你個miss sir
你係答錯 答案
定係答唔中個key point而少咗分數？
我覺得兩者有分別
答錯， 即係你記錯答案， 或者你無明白條題目問咩
唔中key point, 表達能力， 思考邏輯， 精簡/概要，唔夠好
1個讚
其實你搵坊間啲練習做，都會有answer key。
試做下再對答案就會知問題喺邊
雖然同學校卷未必一樣，但點都有7成似。
你試下先啦
同埋你係咩學校? Band 幾?
一個朋友都識唔到? 啲人咁自私嘅?
如果你上面話你測驗考試嘅時候仲記得溫嘅嘢，咁可唔可以歸納話係唔識答問題？
老師應該會講返份卷嘅答案？有冇得一路抄notes，到收到試卷嘅時候compare 返，睇下自己差幾遠。
有冇邊個老師最nice 嘅，由果位老師入手請教，先改善一科慢慢攞返信心先。
同時自己另外搵方法，例如樓上講做下補充練習都幾好呀。
老老實實我覺得中學60分唔算好低分（
sorry）而且你未係唔合格，即係你都明學咗嘅嘢同埋有溫書。如果問題唔係出喺「理解」同「有冇溫書」度，咁好大可能係答題技巧未夠純熟。
香港呢個考試文化有好有唔好，唔好地方係考試高分其實只係反映你識考試技巧，但好處係呢樣嘢有得學同唔難train.
咁全級成績呢？學校banding ? 全級成績最好果班嘅全班第尾，隨時都級頭40。如果係b1A 去b2 可能會變學霸
如果你問我女：提早一個月，係唔夠。
佢讀書方法主要：每堂都要寫筆記，同埋需要充分理解課堂內容，唔明要盡快搵出答案。
每日都要複習同整理筆記、將理解好嘅課題，可以自己做少少summary 。
最後： 千祈唔好死背，一定要理解（就算係語文科目、歷史科目），一定唔可以臨急抱佛腳，考試前一晚一定要充分休息。
叫家人煲下湯、糖水（買都ok)，比你考試期間溫習休息時食。
1個讚
離題一回
我覺得你已經好乖，好生性
我外甥中三，仲愛理不理
1個讚